سوزناک ترین متن مداحی روضه و نوحه ترکی وفات حضرت معصومه سلام الله

۲,۰۲۱
۰
۰
یکشنبه, ۱۰ آذر ۱۳۹۸ ۱۳:۲۶

گلچین غمگین ترین مداحی روضه و نوحه ترکی وفات حضرت معصومه سلام الله علیها

متن نوحه ترکی زبانحال حضرت معصومه (سلام الله)

معصومه باجون جان ویـرور ای شاه خراسان

قیل رنجه قدم باشیمون اوسته اوخی قرآن

هجـرونده گوزوم بنزیوری غمـلی سحابه

دونـدی اورگــیم نـارفـراقـونـدا کبابه

گل باری ئوزون لطف ایله بودیده پرآبه

قویما اولا بوندانـدا عـلاوه گوزی گریان

بـومدتــی سانمـا غـم و آلامیــم آزالدی

نـالم شـرری گون بگـون افـلاکـه اوجالدی

یلداگیجه سی مثلی گونوم گوزده قرآلدی

اولموشدی فراقونـدا ایشم نـاله و افغان

سندن صـورادنیـامنه غمخـانه دی قارداش

خوشگون منیله دهریده بیگانه دی قارداش

معصومیه هجـران ائوی کاشانه دی قارداش

چوخداندی ایدوب تیرغمون قلبیمی شان شان

قم شهری بوغمدیدیه بیت الحزن اولدی

شهــراهلینه انـدوه وملالیـم علن اولدی

چرخین روشیـندن منه آخـر وطن اولدی

سالدی منی دلـــدن غم ایامیــله هجران

گل مرحمتــون شامل ائلـه غملی قوناقه

هجرون یتوروب جانیمی هرلحظه دوداقه

یوخـدور داخی یـارای توان درد و فراقه

غم یورقونیـام گل آتام اوغلــی ایله احسان

غـربتده اولـن باجـی باخـار یولارا پی در

قارداش آدینی دیلده ایدرشوریلـه ازبر

معصومه باجون ایمدی برادرسنی گوزلر

مشتاقیـدی بوسه ویرا اول لبلـره بیرآن

سن سن باجـوون غـربت آرا دارو نداری

سنسیز بولوسن قالمیاجـاق دلـده قراری

آل گوگلومی سال یاده منی حجت باری

تخفیف تاپا بلکــه بوسینمـده کی حرمان

روحیــم تـلسور رجـعت ایـده دار بقایه

یــوخ رغبتــی بیـر ذره بودنیــای فنایه

سالـدی منی سندن صورا انـدوه و بلایه

گوزیاشیمی قان ایلـدی آخدی یوزه القان

بیــرنـامه گلـوب یثـربه آرامیمــی آلدی

یـاندیـردی فراقـون محنی چوللـره سالدی

حسرت شـرری حشره کیمی سینده قالدی

سالمانظـروندن منی تـزگل ویـرورم جان

هجـرونده بلورسن نقدرآغلامیشام من

غم دفترینی تـزتزآچوب باغلامیشام من

آغلارگوزیله نامه وی گل ساخلامیشام من

قبـره اونـی سینــمده آپــارام سنه قربان

قـارداش غمی دلـدن آپـارار تاب و توانی

گوزجـامی داشار جـاری ایـدر اشگ روانی

آغلارمنیم احوالیمه هریرده(جوانی)

وارســری اولار مجــلس ماتمــده نواخوان

شاعر : کربلایی موسی جوانی تبریزی

بیشتر بخوانید::

50 متن و پیام جدید وفات حضرت معصومه

غمگین ترین متن و پیام وفات حضرت معصومه


متن نوحه ترکی در احوالات حضرت معصومه (سلام الله)

فلک معصومیه اول گون که قم شهرین نشان ویردی

آیردی خانمانیندن مکان جاویدان ویردی

ز بس قارداش فراقینده دلی اندوهیله دولدی

سارالدی گول کیمی رنگ جمالی گون به گون سولدی

یتن گوندن همان شهره مریض بستری اولدی

بهار عمرینه بار غم اعلان خزان ویردی

گوروب غربت ولایتده اوزین غم رختخوابینده

چکوب شعله غم غربت دل بی صبر و تابینده

گلوبدور گوز یاشی موجه او دم چشم پر آبینده

عذاره اشکینی توکدی دئمه بیر آن امان ویردی

گلوب افغانه بلبل تک او بی کس دیده ده قانیاش

یوزین دوتدی خراسانه طرف عرض ایلدی قارداش

جمالون گورماقا قالدیم عجب حسرت منِ کولباش

فلک بولَّم منه آخر بو قم شهرین مکان ویردی

گوزوم یولدا قالوب قارداش رضا بو دار غربتده

یوخومدور بیر کسیم گلسون قالوب معصومه حیرتده

غریبلر ضامنی سن سن منی قویما بو حسرتده

گل ای قارداش فراقونده گوزوم رخساره قان ویردی

بو غربت اؤلکده ئولسم یوخومدور بیر کسیم قارداش

گوزیمی باغلیان نه وار منیم دادرسیم قارداش

یقیناً یتموری بولَّم سنه آخر سسیم قارداش

و یا مأمونیده آخر سنه ظلمین عیان ویردی

توکردی اشکین آغلاردی گلوب افغانه بیر مدّت

سارالدی گون به گون دردی وجودینده ائدوب شدّت

اورکده آتش هجران گوگلده محنت غربت

یوزینده اشک حسرت حالینه شرح و بیان ویردی

یاخونلاشدی او ساعت جان ویره معصومه جانانه

باسوب آغوشه قارداش نامه سینی گلدی افغانه

ایدوب قربان او دم جانین شهنشاهِ خراسانه

اورک باشیندا قارداش نامه سی جانانه جان ویردی

گتوردی گوگلومی درده منیم بو یرده بیر مطلب

مجسّم ایلدی گوزده بیر آیری محنتی یارب

حسینی ایستین کسلر دیسون وای بینوا زینب

بلالی زینبی بو غم کش دوران نشان ویردی

او دم آغوشینه باسدی حسینون کوینگین نالان

عذاره توکدی گوز یاشین بسان بارش نیسان

همان پیراهنه ائتدی او وقته جانینی قربان

اوز عشقین شاه مظلومه نشان اول مهربان ویردی

دئدیم کیمدور صبا استادون عرض ائتدی شه دوران

ولی کاتب خیابانی غلام شاه دور الان

حسین شوری اولان باشدا نه لازمدور اونا انسان

فقط عشق حسین آخر منه نطق و بیان ویردی

شاعر : مرحوم صبا تبریزی

بیشتر بخوانید::

گلچینی از غمگین ترین متن و پیام وفات حضرت معصومه (س)

متن مداحی جدید وفات حضرت معصومه


متن روضه ترکی وفات حضرت معصومه (سلام الله)

هارداسان ای چول لره عشقی سالان معصومه نی

جان ویرور درک ایله قارداش باغریقان معصومه نی

من برادر سندن اوتری ایلدیم ترک وطن

چول لره دوشدوم آدون دلده آدون قربانی من

اولمادی صد حیف قسمت وصلون ای شاه زمن

ایتدی صیاد اجل تیره نشان معصومه نی

فرقتون مشگل اولوب بولدون باجون معصومیه

لطف ایدوب یازدون اودی نامه من مهمومیه

باخجاق ایتدیم امروه طاعت من اول مرقومیه

سمت طوسه ایلدی مهرون روان معصومه نی

بحر غمدن کشتی امیدی اخراج ایلدیم

خرمن یاسی ید وجدیله تاراج ایلدیم

شوق وصلون باشدا قارداش طی منهاج ایلدیم

ایلدی اما فلک بی خانمان معصومه نی

من دیردیم اولسا گر بیرده وصالون قسمتیم

تا وارام باشه یتر عالمده درد و محنتیم

بولمدیم اولم قالار اما اورکده حسرتیم

چرخ کج رفتار ایدوب غربت مکان معصومه نی

وردیمی تا وار نفس قارداش قارداش ایلرم

باشیوا گلسن بو نقد جانی شاباش ایلرم

شمعیله پروانه سرین عالمه فاش ایلرم

بولسون عشقونده صدیق اهل جهان معصومه نی

گور گوزوم قالسون روادی درده بی کس لر کیمی

یا گله آشفته گوگلوم درده بی کس لر کیمی

قویما خوار اولسون جنازم یرده بی کس لر کیمی

قوی مزاره قارداشیندان دویمیان معصومه نی

منتظر عالمده واضحدور چتین جان تاپشیرار

خاصه غربتده ویره جان صاق صولا حیران قالار

منتظر عالمده واضحدور چتین جان تاپشیرار

بو شرردور ایمدی دلدن یاندیران معصومه نی

سن گیدندن قلبیمی هرآن دلر هجران اوخی

ایتدی شان شان سینه می بو درد بی درمان اوخی

باشیم اوسته صوتوین قربانی گل قرآن اوخی

چوخ چتین ساعتدی تک قویما بو آن معصومه نی

یوخ یانیمدا بیر کسیم اوز دردیمی اظهار ایدم

بو آدامسیزلیق غمی آرتور اورکده دمبدم

گور سزادی دلده بو نسگل شراری جان ویرم

یاندیروب آخر یاخا بو ناتوان معصومه نی

آز قالور آتسین فلک وادی هجره داشیمی

گل دیزون اوسته برادر آل بلالی باشیمی

اوز الونله ال لرون قربانی سیل گوزیاشیمی

بذل ایده قوی عارضونده چشمی جان معصومه نی

یازدیقون بو نامه دن یوخ اوزگه بیر مونس منه

همدمیم هم صحبتیم سن سیز بودور قربان سنه

گاه اوپوب گاه ایگلرم گلم فغان و شیونه

بیر سینان نی فرض ایدر هر بیر باخان معصومه نی

ایلیوب گاهی مخاطب دست خطون آغلارام

سویلدیقجه دردیمی آهیله سینه داغلارام

چشمه چشمی عذاره حسرتیله باغلارام

گورسن ایلرسن بو حالیله فغان معصومه نی

ال اورک باشیندا اولم ای شه والاتبار

ایتمرم گوزدن یوزه بیجا سرشگ غم نثار

ساخلارام بو دست خطون سینم اوسته یادگار

تا گورن فرض ایتمسون نامهربان معصومه نی

چکمرم پرده برادر بو اسفلی مطلبه

دوشمیشم بیجا دگیل جان اوسته من تاب وتبه

تابعیت ایتمیشم عمم وفالی زینبه

غملری آغلار قویوب بیر عمر عیان معصومه نی

باغرینا عمم نجه باسمیشدی قارداش کوینگین

قان قوروتموشدی توکوب اشگ ایلدی یاش کوینگین

یاتماسین تنها آپاردی قبره یولداش کوینگین

ویردی بو مشقی ایدوب درسی روان معصومه نی

باجیلار بو رسم عالمدور سولر قارداشی

قارداش آدی حک اولوب ایسترله اولسون باش داشی

ایلرم منده اودور بو نامه وی جان یولداشی

قبره یالقز قویماسون قبره قویان معصومه نی

سوز شعاع طول اولسا واضحدور ملاحتدن دوشر

مستمع خسته اولار شعرون حلاوتدن دوشر

اولی تکرار قیلسان سونکی حاجتدن دوشر

هارداسان ای چول لره عشقی سالان معصومه نی

شاعر : مرحوم شعاع تبریزی

بیشتر بخوانید::

متن مداحی سید مجید بنی فاطمه وفات حضرت معصومه

متن مداحی حسین سازور در وفات حضرت معصومه


متن روضه ترکی زبانحال حضرت فاطمه معصومه (سلام الله)

فلک منی نجه گور حسرت ایتدی قارداشیما

زمانه گور نجه رونق وریبدی گوز یاشیما

بو غربت اورکده کولگه سالوب اجل باشیما

مدینه دن حرکت ایلدیم رضانی گورم

میسر اولمادی اما او مه لقانی گورم

خدا یانیندا ولی واردی چون مقامی اونون

اگر دعا اده دوشمز یره کلامی اونون

اشاره ایلیوب آهو الوبدی رامی اونون

اودور کی ایسته سه جان اوسته درک ایدر باجیسین

شیرین ایدر باجیا گلمگی اولوم آجیسین

گوزتلورم یولونی جان چخاندا کامه چاتام

گوزل یوزون گورم اوندان جهانی گوزدن آتام

گلن زمانینی حاشا مین ایلیگ عمره ساتام

یتیشمدیم اونا اما او یاد ادر باجیسین

گلر سالار یولا عقبایه شاد ادر باجیسین

رضا یولوندا اگر دوشموشم بلایه بوگون

عبادت ایلیورم ساحت خدایه بوگون

بو ارمغانیله کوچ ایلورم جزایه بوگون

بو ارمغانه ورر حشریده خداده بها

بو ارمغانیله ایلر منی شفیع جزا

یوخومدی جسمیده طاغت ورم ادامه یولا

خیالیمه گلور عمروم بهاری بوردا سولا

بو دردیمه یری واردور اورک هواسی دولا

وطنده قویدولا حسرت منی آتا یوزونه

جان اوسته ایندیده حسرتدیم رضا یوزونه

اگر وجودیمی ناخوشلوق احتضاره سالوب

قراریمی ولی الدن فقط بو نیسگیل آلوب

جانیم چخور گوزوم اما رضا یولوندا قالوب

ووروبدی قلبیمه یاره فراقی قارداشیمون

چکوب منی بو دیاره فراقی قارداشیمون

غریب شهریده جان ورمگیم چتیندی ولی

ایدوله چوخ بیزه حرمت بو شیعیان علی

وره گوروم بولارا یاخشی اجری حی جلی

وروبله چون بیزه بو شهر ایچینده یاخشی مکان

مکانی بو الین السون گوروم اولنده جنان

شاعر : حسنعلی بالایی

بیشتر بخوانید::

متن مداحی وفات حضرت معصومه از جواد مقدم و امیر عباسی

متن مداحی وفات حضرت معصومه از محمود کریمی


متن روضه ترکی احوالات حضرت معصومه (سلام الله)

گلدی خیالیمه گینه بیر ماجرا غریب

بو ماجرایه لطف ایله لطفیله یاغریب

موسی بن جعفرین قیزی زینبدن ارث آلوب

یوز قویدی طوسه گیتماقا اول باوفا غریب

چیخدی وطندن حضرت معصومه شوقیله

یازموشدی اول غریبه امام رضاغریب

زرین کجاوه لرده چیخوب ناتوان غم

تختین آلوب آرایه ایدوب خوش صفاغریب

دوشدی قباقه قرای قران نظامیله

آوازیله تلاوت ایدوب هل اتی غریب

هرشهرین اهلی پیشواز ایلیوب احترامیله

کثرتدن اوج عرشه چیخوب مرحبا غریب

بیر نوعی احترامیله زرین کجاوه ده

ویردی اوشهره مقدمی نورو ضیاغریب

صلوات گوندرن او قدر ازدحام ایدوب

دریای چرخی موجه سالوبدور صدا غریب

یانموشدی عودمجمره ده دورتختیده

دولموشدی عودو مشکیله صحن سراغریب

گور خواهر امام رضانون جلالتین

دوشدی خیاله زینب بی اقرباغریب

گورشام شومه داخل اولوب نه جلالیله

یاندی بو حالیدن جگرمرتضاغریب

مرکب سینیق کجاوه جلو داری شمراولوب

شامه گیدوب نه حالیله اول بینواغریب

شام اهلی عود عوضینده ووروبلار اود

شعله چکوب عمامه زین العباغریب

قران تلاوت ایلینی نوک نیزه ده

اولموشدی راس پادشه کربلاغریب

گزدوردی شام اولونجا او ویرانه شامیده

شامه یتوشدی منزل آلعباغریب

بیر مسجد خرابه ده منزل ویروبدولر

نه شام ونه چراغ نه بیر آشناغریب

گزدی نقدری زینب نالان تاپانمادی

بیماره فرش ایتماقا بیربوریاغریب

یازمورقلم سنده(ثریا)دایان بس ایت

تحریر قیلما عمه ندن ایله گلن سن حیاغریب

شاعر : مرحوم ثریا تبریزی

بیشتر بخوانید::

متن مداحی وفات حضرت معصومه از سیب سرخی

18 متن روضه و نوحه وفات حضرت معصومه از مداحان معروف


متن نوحه و روضه ترکی شهادت حضرت معصومه (سلام الله)

قم دیارینده باجون معصومه قارداش جان ویرور

ورد ایدوب قارداش آدون مهر و وفا اعلان ویرور

شوق وصلون باشدا قارداش ایلیوب ترک وطن

سندن اوتری چوللره دوشدوم من ای شاه زمن

سنسیز اولدوم حیف اولا غربتده پابند محن

عکس آماله نتیجه گردش دوران ویرور

سالدی تقدیر قضا دامه بو زار و مضطری

ایتدی بازار محبّتده بلا سوداگری

ایل قبیلمدن اوزاق غربتده اولدوم بستری

جام دل شربت یرینه کاسه کاسه قان ویرور

عالم مهر و وفاده تیر غم آماجیم

پایبند عشقیوم، لطف و عطا محتاجیم

سن بُلورسن من نجه قارداش وفالی باجیم

من کیمی کیمدور وفا اوسته اوزین قربان ویرور

شوق وصلون هجر ایوینده قویمیوب دلده دوزوم

آیریلان گوندن وصالون آختارور دائم گوزوم

نه علاقم وار سنه بیر سن بُلورسن بیر اوزوم

بو علاقه بو وفایه گوزیاشیم میزان ویرور

هیچ باجی دوزمز اگر سالسا گوزوندن قارداشی

خاصّه من تک باجی، قطع اولموب گوزومدن گوزیاشی

گَل آدون ویر ایتمیشم بلبل صفت هر سوز باشی

ایسترم قارداش سنی مهریم نه قدر امکان ویرور

چوللره دوشدوم وصاله دوندرم هجرانیوی

ایلیم قارداش زیارت عارض رخشانیوی

درک ایدم جان اوسته بیرده نغمه ی قرآنیوی

جان سپاره تازه بیر جان، نغمه ی جانان ویرور

هارداسان معصومه نین جانی اولا قربان سنه

اولما راضی اشکیم آخسون گوزلریمدن دامنه

گَل دلون قربانی جان اوسته اوخی قرآن منه

روحیمه لذّت اُلن دم نغمه ی قرآن ویرور

آخِرِ عمریمدی قارداش وار دلیمده چوخ سوزوم

نه یته بُلدوم وصاله، وار نه هجرانه دوزوم

جان ویرن ساعتده یولّاردا قالوب آغلار گوزوم

گوزلریم دولموش بولود تک بارش باران ویرور

نقش اولوب عکس جمالون دلده کی آئینه مه

دوزموشم مهر و محبّت گوهرین گنجینه مه

آلموشام آخِر نفسده نامه وی اوز سینه مه

نامه وین عطری منه جان اوسته تازه جان ویرور

فکر ایدنده حال و قال حضرت معصومه نی

ایلوری گوزده مجسّم زینب مظلومه نی

سینه ده قارداشینون قانه باتان پیراهنی

وای حسینیم وای دیور، قلبینده حسرت جان ویرور

اولدی بانی ((تائبا)) بیر اکبر آدلی نوحه خوان

سنده یازدون ایلدون بیر خدمت عالی بیان

سیز ویرون اوز خدمتوزده همّت عالی نشان

اجروزی حتماً جزاده خالق رحمان ویرور

شاعر : مرحوم تائب

بیشتر بخوانید::

13 متن مداحی وفات حضرت معصومه از مداحان معروف

متن روضه و نوحه وفات حضرت معصومه سید مهدی میرداماد


متن نوحه ترکی زبانحال حضرت معصومه (سلام الله)

غربتده رضا جان ئولورم سنده گوزوم وار

گل گوزلریمی باغلا سنه دلده سوزوم وار

قارداش یتور ال خواهر نالانیوه بیر باش

راحت اولارام گورسه گوزوم بیر سنی قارداش

قم شهرینه دوشسون گذرون ایندی گوروم کاش

تا سن گَلَنه اولسا خبر منده دوزوم وار

صیّاد اجل وئرمور امان چاره یوخومدی

درمان و دوا دیدۀ خونباره یوخومدی

همراهلریم ئولدی گتور قاره یوخومدی

سال باشیمه قاره سن ئوزون قاره گونوم وار

ساوه بیزه میدان بلا اولدی رضا جان

قان قلبیمه خونابه اولوب دولدی رضا جان

باغ فدکین گوللری تک سولدی رضا جان

بوندان بئله باری نه گئجه نه گونوزوم وار

دیندیردی منی دوتدی دیله غمزده نسوان

شهر قما ایکاش گلیدیم ولی چوخدان

گوگلوم سنی ایستور دم آخر گئنه هر آن

طوسه ساری هر دم باخورام یولدا گوزوم وار

شاعر : مرحوم غمکش

بیشتر بخوانید::

متن مداحی وفات حضرت معصومه از میثم مطیعی

غمگین ترین مداحی نوحه و روضه ترکی وفات حضرت معصومه سلام الله


متن مداحی ترکی وفات حضرت معصومه (سلام الله)

غربتده جان وئرور بو معصومه قارداشیم گل

ذکریم رضا رضا دور گوزده بو گوز یاشیم گل

آیریلمیشام وطندن بلکه یتم وصاله

من کامه یتمدیم سن لطف ایله لامحاله

جان اوسته قالمیام من حسرت او گول جماله

غربتده جان وئرور بو معصومه قارداشیم گل

قارداش بو قدر بول چوخ معصومه باوفادور

درد فراقه هر آن هر لحظه مبتلادور

جان اوسته گل اوزون گور وردیم رضا رضا دور

غربتده جان وئرور بو معصومه قارداشیم گل

دلشادیدیم دیردیم اولدی عجب سعادت

قارداشیمی دویونجا من ایلرم زیارت

صد حیف اولا برادر قالدی اورکده حسرت

غربتده جان وئرور بو معصومه قارداشیم گل

مدّتدی واردی قارداش هجران غمینده یانّام

بو قصدیلن گلردیم سایونده دالدالانّام

لطف ایله باری سن گل باشوا من دولانّام

غربتده جان وئرور بو معصومه قارداشیم گل

قارداش یقینیم اولدی ئولَّم بو یرده قالّام

حسرتده قویما تئز گل جانون بلاسین آلّام

گورسم او گول جمالون قول گردنیوه سالّام

غربتده جان وئرور بو معصومه قارداشیم گل

گل باشیمی دیز اوسته آل بیرجه سینه داغلا

معصومه گور وئرور جان باخ یان گوزومی باغلا

سویله غریب باجیم وای سس چک سیزیلدا آغلا

غربتده جان وئرور بو معصومه قارداشیم گل

عالم بولور که قارداش هجران غمی یاماندور

سنسیز ایشیم برادر صبح و مسا فغاندور

قویما گوزیمی یولدا جان اوستیم اماندور

غربتده جان وئرور بو معصومه قارداشیم گل

لطف ائت ترحم ایله قارداش بو بینوایه

یوخ کیمسه قوم و قارداش تئز گل اؤزون هرایه

باخ گور باجون برادر دوشموش نجه بلایه

غربتده جان وئرور بو معصومه قارداشیم گل

سن مندن آیریلاندان آلامه مبتلایم

با این همه رضایم قارداش سنه فدایم

چونکه آدون رضادور من هر نولا رضایم

غربتده جان وئرور بو معصومه قارداشیم گل

«شوری» سنه اولوبدور معصومه قبری قسمت

آغلار گوزیله ایله بو مرقدی زیارت

باجی دلینجه بیرده قیل بو سوزی کتابت

غربتده جان وئرور بو معصومه قارداشیم گل

شاعر : مرحوم شوری

بیشتر بخوانید::

جدیدترین متن سرود و مولودی امامت امام زمان

متن مداحی شهادت امام حسن عسکری از سید رضا نریمانی

متن ترکی زبانحال حضرت معصومه (سلام الله)

قارداش دیمه غمینده معصومه جانه گلمز

دل یوخ دیم نلر واردردیم بیانه گلمز

واللهی سن گیدندن یوخدور یوخی گوزیمده

بیله محبت اولماز بلمم ندور اوزیمده

سنسیز الوم نشانی ظاهردی بو یوزیمده

پزمرده گل منیم تک بیر گلستانه گلمز

نه وار أنام یانیمدا قارداش مواظب اولسون

احوالیمی سوروشسون هر دم مراقب اولسون

بیر کیمسنه تاپولماز منله مصاحب اولسون

من تک وطن غریبی بلم جهانه گلمز

قلبیمده فرقتیندن بیر سوزش نهان وار

کشف ایتماقا بو دردی نه شرح و نه بیان وار

بو یانماقیمدا گویا باجیوا امتحان وار

قارداش باجی یانیندا عشق امتحانه گلمز

دل ویر موشم سنون تک بیر بی بدل نگاره

فکریم هامی وفادور من قویدوقوم قراره

خوشدور او عهد چکسه هر شهر هر دیاره

یانسا اگر غمونده قلبیم فغانه گلمز

نامون منه یتشجک گلدی اله مرامیم

چیخدیم وطندن أخر أرتدی منیم ملالیم

باد صبائیله گر یتسه سنه سلامیم

بل غربت ایچره قارداش اشکیم روانه گلمز

قویدون منی وطنده گیتدون عراقه قارداش

هر کاروان گلنده گیتدیم سراقه قارداش

باد صبا گتوردی عطرین دماغه قارداش

غربتده أغلارام من دردیم شماره گلمز

ال ساخلا سن (ثریا) یازما بو قدر محنت

قارداش غمینده چکدی باجی بو نوع زحمت

هر دم دیردی قارداش مشکلدی درد فرقت

گزلین قالوب اورکده لیکن زبانه گلمز

شاعر : ثریا

بیشتر بخوانید::

دانلود مداحی محمدرضا بذری (شهادت امام حسن عسکری)

حرم مطهر حضرت معصومه (س)


این مطلب چقدر مفید بود ؟
 

دیدگاه ها

شما هم می توانید نظرات خود را ثبت کنید



کد امنیتی کد جدید
hits

آخرین مطالب دلگرم