دانلود صوت شعر ترکی خان ننه با صدای استاد شهریار
شعر ترکی استاد شهریار به نام خان ننه
خان ننه ، هایاندا قالدین
بئله باشیوا دولانیم
نئجه من سنی ایتیردیم !
دا سنین تایین تاپیلماز
سن اؤلن گون ، عمه گلدی
منی گه تدی آیری کنده
من اوشاق ، نه آنلایایدیم ؟
باشیمی قاتیب اوشاقلار
نئچه گون من اوردا قالدیم
قاییدیب گلنده ، باخدیم
یئریوی ییغیشدیریبلار
نه اؤزون ، و نه یئرین وار
« هانی خان ننه م ؟ » سوروشدوم
دئدیلر کی : خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیرایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سه سیم ، سینم توتولدو
او ، من اولماسام یانیندا
اؤزی هئچ یئره گئده نمه ز
بو سفر نولوبدو ، من سیز
اؤزو تک قویوب گئدیبدیر ؟
هامیدان آجیق ائده ر کن
هامییا آجیقلی باخدیم
سونرا باشلادیم کی : منده
گئدیره م اونون دالینجا
دئدیلر : سنین کی تئزدیر
امامین مزاری اوسته
اوشاغی آپارماق اولماز
سن اوخی ، قرآنی تئز چیخ
سن اونی چیخینجا بلکی
گله خان ننه سفردن
ته له سیک روانلاماقدا
اوخویوب قرآنی چیخدیم
کی یازیم سنه : گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزو دولاردی
سنده کی گلیب چیخمادین
نئچه ایل بو اینتظارلا
گونی ، هفته نی سایاردیم
تا یاواش – یاواش گؤز آچدیم
آنلادیم کی ، سن اؤلوبسن !
بیله بیلمییه هنوزدا
اوره گیمده بیر ایتیک وار
گؤزوم آختارار همیشه
نه یاماندی بو ایتیکلر
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
کی داها گئده نمییه یدین
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
منی ، سن آنام دؤیه نده
قاپیب آرادان چیخاردین
ائله ایستیلیک او ایسته ک
داها کیمسه ده اولورمو ؟
اوره گیم دئییر کی : یوخ – یوخ
او ده رین صفالی ایسته ک
منیم او عزیزلیغیم تک
سنیله گئدیب ، توکندی
خان ننه اؤزون دئییردین
کی : سنه بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایله ن اوشاخلیق عهدین
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورس
داها من اؤز الله هیمدان
باشقا بیر شئی ایسته مزدیم
مطالب مرتبط::
دو بیتی های زیبا از استاد شهریار
نحوه استفاده از وازلین برای رشد سریع و توقف ریزش مو
داستان کامل: پسری که فهمید همه حقیقت ها را نمی توان با یک نگاه دید
بهترین روش پاک کردن پولک های ماهی در کیسه بدون کثیف کاری
طرز تهیه کله پاچه خانگی خوشمزه و لعاب دار به روش طباخی؛ با آب غلیظ و بوی مطبوع
کیف پول نمدی با دکمه ی فشاری؛ یک کاردستی شیک و کاربردی که با چند تکه نمد ساخته می شود!
دیگه کدو سرخ نکنید! طرز تهیه کرپ کدو سبز در تابه
آموزش پرورش قارچ صدفی در خانه با ذرت و کاه گندم
بهترین سرویس قابلمه سرامیکی؛ معرفی برندهای ایرانی و خارجی و راهنمای خرید هوشمندانه
ایده های جذاب کاردستی با چوب و شاخه های خشک برای خانه
واقعا هیچ شعر و داستانی نمیتونه با سروده شهریار برابری کنه
بخصوص برای کسایی که آسمانی شدن
شعریه که به تنهایی برابری میکنه با کل ادبیات جهان .
فکر نمیکنم تو هیچ شعر و زبانی بشه با کلمات به اینصورت متن زندگی رو نگارش کرد .
من مادربزرگ نداشتم ولی هر وقت از دنیا دلسرد میشم به این شعر پناه میبرم و درد و دلهام و شکایتهام رو به مادربزرگ نداشتم میگم .
خدا رحمت کنه استاد شهریار عزیز رو 🌷.
بی‌نظیره
روحت شاد شهریار عالم