دلگرم
امروز: جمعه, ۱۰ فروردين ۱۴۰۳ برابر با ۱۸ رمضان ۱۴۴۵ قمری و ۲۹ مارس ۲۰۲۴ میلادی
شعر مدیحه مولودی ترکی سالروز ازدواج علی (ع) و فاطمه (س)
0
زمان مطالعه: 16 دقیقه
سالروز ازدواج امام علی و حضرت فاطمه نزدیک است به همین مناسبت با شکوه برای شما یک متن مولودی ترکی زیبا برای ترک زبانان آماده کرده ایم.

متن مداحی ترکی برای مولودی سالروز ازدواج حضرت فاطمه و حضرت علی

مفاخره امیرالمومنین حضرت علی ابن ابی طالب (علیه السلام) با حضرت فاطمه زهرا (سلام الله)

اگر مشرف اولا لطف بو ترابیله

ایدر مقابله هر ذرّه آفتابیله

اوذرّه ده که اولا لطف بوتراپ پدید

او ذره دن یری وارکسب نور ایده خورشید

باشیمدا شور ولایت دلیمده شور جلی

بودور خیالیم اوزی گر توجه ایتسه علی

جهانه طیب ویرم عنبر خطائیله

مناقب اسدالله مرتضی ئیله

دوزم مدیحه زهراده لؤلؤ منشور

بو مجلسه آپارا غبطه خلد عَدْنده حور

سوزون اوقدر دوزم رشته سینده دُرّ ِ ثَمین

بو دُرّ دَن اولا جنتده عِقدِ حورُ الْعین

او قدر نوک قلمدن توکم صحیفه گل

دوباره گتمیه بیر گلستانه بیر بلبل

بهشت تک بزیَم سوز گُلیله دنیانی

یازام مفاخرهء مرتضی و زهرانی

علاقه مندیدی هرکسی علی اعلایه

توجه ایلسون عرضیمده لفظ و معنایه

محبّ دور اولاری که بتول عذرایه

درست ملتفت اولسونلا قول زهرایه

بوسوز که شیعه لره چوخ بیوک بشارتدور

زبانحال دگور معتبر روایتدور

یازار صحیفه قرخ بش ده مجمعُ النّورِین

ویرر محبلره سورِ قلب قرّة الْعین

مقام فخرده بیرگون علی ولیّ ِ خدا

مخاطب ایتدی بتولی بویوردی یازهرا

مگر یوخوندی خبر؟ بوسوزی ایشیت مندن

آتان رسولِ اَمین چوخ سُوَر منی سندن

دوتوب عم اوغلوسونا یوز خطاب ایدوب زهرا

بو سوز نه سوزدی دیورسن عم اوغلی واعَجَبا

نجه اولور بو ؟ آتام چوخ سُوه سنی مندن

آتام پیمبره من که یاخونراقام سندن

رسول اکرمین عالمده میوه دلی یم

بیر عضو عضولریندن، او شاهه سوگلیم

او گلستاندا آتام مشک بوی وَرْدی منم

او سرورین وَلَدِ منحصر بفردی منم

دینده بو سوزی زهرا علی اعلایه

جواب ویردی شه بی مثال زهرایه

اینانموسان سوزیمی ای عزیزه عالم

حضور حضرت طاهایه گل گیداخ با هم

گوراخ کیمین سوزی مقبول اولور و یا مطرود

قضاوت ایتسون آرامیزدا احمد محمود

دوروب ولی خدائیله فاطمه خُرَّم

حضور احمد محموده گلدیلر توأم

تَقَدُّم ایلدی زهرا او بُرج ِ عصمته ماه

کمال نازیله عرض ایتدی یا رسول الله

سنون یانوندا عم اغلوم اَحَبّ دور یا من؟

بویور صریحینی سّرّ ِضمیری قیل روشن

بیوردی ختم رسل پادشاه مُلک حجیز

اَحَبّ سن منه سن، مرتضى ده سندن عزیز

على بو یرده بیوردى اَ لَمْ اَقُل زهرا؟

منه دیلّله بو عالمده وُلْدِ ذات تُقى’

ایشتدی بو سوزی سسلندی حضرت زهرا

عم اوغلی جان اَنا بنتِ خدیجةِ الکبرى’

یوزین بتوله دوتوب تاجدار مُلک وفا

خطاب قیلدى که یا فاطمه اَنا بْنُ صَفا

جواب ویردی تفاخرله عصمت کبری

آتامدى سِدْرَةُ المنتهى’شه بطحا

على بیوردى که فَخْرُالِّلوى’ منم زهرا

جواب ویردى شه دینه عصمت عُلیا

منیم آتامدى ره مستقیم دینه سراج

ایدن دنى’ فَتَدَلّى’ مقامینه معراج

منیم آتامدى ویرن افتخار کونینه

او شهدن اوزگه یتن کیمدی قاب قوسینه

بیوردی شیر خدا وُلْدِ محصِنات منم

جواب ویردی خانم بنت صالِحات منم

خطاب ایتدی بتوله ولیّ ِ ربّ ِ جلیل

منیم قاپومدا ایدر فخر خدمته جِبریل

خانم دیدى منیله صحبت ایلیوب راحیل

گویون ملک لریدور خادمیم قبیل قبیل

خطاب ایلدی زهرایه شاه مُلک ولا

منه محلّ ولادت اولوبدى بیت خدا

جواب ویردى خانم رتبه ده مَنَم اعلا

منم او کیمسه که زُوِّجْتُّ فی اسَّماءِ الْعُلى

خطاب ایتدی علی حامِلُ الّلوایم من

جواب ویردی خانم بنتِ مصطفایم من

علی دیدی که منم شیر شرزه آجام

مَنَم مُرَوِّجِ احکام و پرچم اسلام

دینده بو سوزی کهف الأرامِل و اَیْتام

گلوب تکلّمه اُمّ المصائب و آلام

منیم آتامدی سبب خلق آبیله خاکه

منیم آتامدی او کس گیتدی سیر افلاکه

علی بیوردی که مؤمنلره منم صالح

دانان ولایتیمی اهل ناریدور طالح

خانم دیدی منم اول کس که مصطفادی آتام

حبیب ذات خدا ختم انبیادی آتام

علی بیوردی اَنَاالضّارِبُ على التَّاویل

من اولماسام کیم ایدر حق کلامینه تجلیل

منیم الیمده اگر اولماسا بو تیغ دو سر

موحِّد اولماز ، اولار یر یوزی بوتون کافر

منیم الیمده اگر اولماسیدی بو شمشیر

آتان پیمبرین اولمازدی دینی عالمگیر

خانم بویوردی که دُرج رسالته گهرم

هامی بلالره تأویل اوسته من سپرم

اوزون که ضارِب تأویل ایلوسن ثمثیل

منم عم اوغلی بو عالمده جِنَّةُ التَّأویل

علی بیوردی که من طوریده اولان شَجَرم

جواب ویردی خانم من او نخله ده ثَمَرم

منم بو عالم امکان آرا همان شجره

که سود بخشدى تا حشر جِنّیله بشره

بیوردى حضرت زهرایه شاهِ عرشْ وقار

منیم ولایتیمه اژدها ایدوب اقرار

خانم بویوردی منم منزلتده سندن عظیم

منیم آتامدی غِیاثُ الْوَرى، نبىّ کریم

علی بیوردی منم بیر نَبَأ که حیّ ِقدیم

سایوب منی اوزی قرآن مُنْزَلنده عظیم

خانم بویوردی آتامدور منیم او شخص کریم

که خُلقینى سایوب الله مُصْحَفنده عظیم

علی بویوردی منم کردگاره حَبْل ِ متین

بو حَبْلَه چنگ ورانلار تاپار نجات یقین

خانم بویوردی منیمده بابام رسول امین

امان خَلقیدی ، صادق مَلاذِ اهل زمین

علی بیوردی منم بو جهاندا لیثِ حُروب

من ایتمیشم هامی شَجْعان عالمی مغلوب

خانم بویوردی اَنأ بنت مَنْ هُوَ الْمحبوب

بغشلنر او شفاعت ایدنده جمله ذُنُوب

علی بیوردی تانور فاطمه منی عالم

نماز اوسته منم سایله ویرن خاتم

خانم بویوردی که سندن منم علی اکرم

منیم آتامدی بو عالمده سیّد عالم

علی بویوردی بنی هاشمین امیری منم

تمام جنگلرین تیز چنگ شیری منم

خانم بیوردی منیمده آتام محمد دور

او مصطفادی که گویلرده آدی احمد دور

علی بویوردی که من سیّد الوصیینم

آتاندی مُنْذِر اگر ، منده هادی دینم

خانم بویوردی که من نور چشم یاسینم

سرور جان و دل سیّد النَّبیینم

علی دیدی منیم آدیم شجاع مکّی دور

خانم دیدی آتام احمد، نَبىّ ِ اُمّى دور

نبیّ ّ اُمىّ و مکى نور چشمی منم

ریاض عصمته مستوره بیر گل سمنم

علی بیوردی آدیم پهلوان اَورع دور

خانم بیوردى آتام شافع و مشفع دور

على دیدى منم آخر قسیم جنّت و نار

خانم بیوردى اَنَا بنت احمد المختار

بیوردى شیر خداوند قاتل الجانّم

خانم بیوردى که دخت رسول دیّانم

منم بیوردى شه دین خِیْرةُ الرَّحمن

خانم دیدى اَنَا ایضاً خِیَرَةِ النِّسْوان

على دیدى منم اعلى’ خدا جوارینده

دانشدیران منم اصحاب کهفى غارینده

خانم بیورى منیمده آتامدى اصل نعیم

نبىّ رحمت و مؤمن لره رؤف و رحیم

على بیوردى که من نفس احمدم زهرا

گواهدور بونا قرآندا لفظ اَنْفُسَنا

خانم بیوردی که قرآندا خالق رحمن

خبر ویروب منی، لفظ نِساءُنا، برهان

على بیوردى او نخلم که واردى چوخ ثمریم

اولولّا علمیمیله بهرمند شعیه لریم

خانم دیدی اَنَا بَحْرٌ بِعِلْمی یَغْتَرِفون

ایدوبدی عصمت و عفّت دُرى منى مشحون

علی دیدی منه اوز آدینی قویوبدی خدا

منم مخاطب اسمِ على اودور اعلا

خانم بیوردى اَنَا الفاطمهْ هُوَ الفاطِر

منى ده آددا سنه مثل ایدوب حق ِ غافر

على بیوردى منم جمله عارفینه حیات

خانم دیدى که منم راغبینه فُلکِ نجات

علی بیوردی منم ذکرده اولان حا میم

خانم بیوردی منی طس سایوب خدای کریم

علی بیوردی منم بو حهاندا کنز غِنى’

خانم بیوردی اَنَا ایْضاً کَلِمَةُ الحسنى’

علی بیوردی من اولدوم وسیلهء اعظم

گذشت اولوندی ازل گون خطیئهء آدم

خانم بیوردی منم الله یانندا چوخ اکرم

منم وسیله، قبول اولدی توبهء آدم

علی بیوردی که من جسم عالمه روحم

بو عالم ایچره مثال سفینهء نوحم

همان سفینه که اهلی نجی دور عالمده

تخلُّف ایلین اوندان غریق اولار یمده

خانم بیوردی که منده شریک دعوتیم

سفینه صاحبینون معجز نبوَّتیم

على بیوردى منم بحر علمده طوفان

خانم بیوردی او دریاده منده کشتیبان

علی بیوردی او فُلکه ازلده معمارم

خانم بیوردی اونون سینه سینده مسمارم

علی بیوردی منم حفظ فُلکه نسیم

خانم بیوردى منم نهر کوثر و تسنیم

على بیوردى منم علم انبیاى سَلَف

خانم بیوردی منم بنت سیدالاَشرف

منم على دیدى قرآندا بِئر و قصر مَشید

خانم بیوردی منم مادر حسین شهید

اگر دیه لّه سنه خلق آرا ابوالحسنین

من اَمَّم اول حسنینه، رسوله قُرَّةُ الِعین

علی دیدی منم اول مهر یانیمدا جفت قمر

خانم بیوردی منم مادر شُبَیر و،شَبَر

على بیوردی که بعد الرسول فی الدارین

منم بامر خداوند سید الثقلین

خانم بیوردی منم بِرَّةُ الزَّکیه که حق

نساء عالم ایچنده منی سچوب مطلق

بو یرده نطقه گلوبدور رسول عالمیان

دیدی دانشما قیزیم چون علیدی ذوالبرهان

گلوب تکلُّمه زهرا ایدوبدی عرض آتا جان

منم او کس آتاما گوندروب خدا قرآن

علی بیوردی منم الامینُ الْاَصْلَع

خانم بیوردى اَنَا الْکوکب الَّذى یَلْمَعْ

یرى گوئى یاراداندان خدای کون و مکان

گورونمیوبدی منیم تک ستارهء رخشان

آچوب دوباره لب دُرفشاننى طه

گلوب تکلمه فرمایش ایتدی یا زهرا

منیم عم اوغلوم علی منبع جلالتدور

اولاندا روز جزا صاحب شفاعتدور

اولوب جوابه دوباره بتول آماده

دیدی شفیعه منم عرصه گاه عقباده

حمایت ایتمه عم اوغلوندان ای رسول اَنام

اونیله قوی من ایدوم اوز کلامیمی اتمام

علی بیوردی اَنَا مِن محمدٍ لَحمَة

مثال نفسم اونا اِنَّ بَیْنَنا قُرْبَة

خانم دیدى آتامین وارث فضیلتیم

سرور سینه سى جسمنده قانیَم اَتیَم

على دیدى صُحُفَم دُرّ ِ دانشه صدفم

ثانم بیوردى که من لعل معدن شرفمْ

خطاب ایتدی علی من ولیّ ِ زُلْفایَم

خانم بیوردى که منده بتول عذرایم

خانم دوباره بیان ایلدى اَنَا الخَمْساء

مِنَ الْکِساءِ و رَبّ السماء اَنَا الحُسنى

على بیوردی منم بو جهاندا نور وری'

خانم بیوردی بسیمدور بو فخر اَنَا الزّهرا

بو سوزلری ایشیدنده رسول عالمیان

گلوب تکلّمه آچدی دوباره دُرج دهان

بیوردی ای دل غمدیده مین سروری قیزیم

ایشقلی گوزلریمون بو جهاندا نوری قیزیم

ایاقه دور بالا اولما ملول و دلخسته

باشندان اوپ عمون اوغلی علیدن عذر ایسته

بودور یانیمدا دوروب جبرئیل و میکائیل

علاوه قابض الاَرواح برده اسرافیل

گلوب اولاریله دورت مین ملک بو مأوایه

ایدولّه جمله حمایت علىّ ِ اعلایه

اویان طرفده روائیل و قارداشیم راحیل

دوروب ادبله یانینجا ملک قبیل قبیل

اولاردا عدّده دورت مین دور ای یگانه گُهَر

سنون عم اوغلون علیدن حمایت ایلوللّر

خانم دوروبدی علیدن چوخ اعتذار ایتدی

باشیندان اوپدی لبیندن گُهَر نثار ایتدی

دیدی بغشله منی یا ابا الحسن سندن

چوخ اعتذار ایدورم اولما دلغمین مندن

بلنمورم ندی مفهومی بو معمّانین

الندن اوپدی علیده بتول عذرانین

یازیلمیوبدی روایتده اوپماقا علّت

ولی خیاله گلور بوردا واردی بر حکمت

سایوب خدا اوز اَلی شاه لافتی الینی

گرک اوپه هامی عالمده مرتضی اَلینی

على اَلى ایکى دنیاده ذوالجلال اَلى دور

على اَلى شه بیمثل و لایزال اَلى دور

علیدى حامى ِ کلّ ِ عوالم امکان

علیدى دادرس خلق کائناً ما کان

نه تک حمایت ایدوبدور رسول آگاهه

او اَلدى مشکل آچان جمله ماسواللّهه

تمام خلقه حمایت ایدوبدى دست على

اونا حمایت ایدن اَلدى تک بتولین اَلى

على بُلوردى همان اَل نه خدمت ایلیه جاق

وصىّ ِ مطلقه بر گون حمایت ایلیه جاق

او اَلدى قویمادى چکسونله بیعته شاهی

که اوپمدی اسدالله دست روباهی

دوتان همان اَلیدى دامن یداللّهى

چکوب سالان یوزی اوسته فریق گمراهی

اَیا امام زمان یا بَقِیَّة الرّحْمن

بو عرضیمه ایدورم من اوزوندن استیذانّ

دینمورم او اله نه بیوک جفا یتدی

علی اوپن الی قنفذ وروب شکست ایتدی

او الده تا واریدی استطاعت و قدرت

رعیّت ایلیه بلمزدی شاهنه جرأت

همینکه دوشدی او ال طاقت و توانادن

اوزولدی دامن مقصود، دست زهرادن

یتوردی بیر یره ظلمین او قوم کینه مآب

سالندی گردن حبل المتینِ دینه طناب

دفاعه قالمادى خیرالنّسانین امکانی

علینی چکدی یوزی اوسته مسجده ثانی

بلنمورم که نه حاله قالوب او فخر رجال

بو قدر وار که امام اولدی چوخ پریشانحال

لباسلر یقوشوب بوینونا فشاره دوشوب

ولی لم یزلی حال احتضاره دوشوب

اووقت اولوب آیلوب حال غشوه دن زهرا

گوروب نه وار او جماعت نه شاه بی همتا

بیوردی فضّیه دخت حبیب لم یزلی

بیان ایله گوروم بس هانی عم اوغلوم علی؟

جواب ویردی که ای دختر رسول امین

آپاردی بیعته مولانی امّت بیدین

خانم سالوب حسنینی یانینجا پژمرده

کمال ضعفیله بیر تازه گل تک افسرده

گوزونده خون جگر دلده نالهء جانکاه

گلوبدی مسجده ریحانهء رسول الله

قیام ایدوب یدِ مبسوطِ حقْ اِعانتینه

تمام عالمه حامى على حمایتینه

گورنده قولّارى باغلى علىّ ِ عمرانى

گتوردی ناله سی فریاده کون و امکانی

اوجا سسیله بیوردی او غم کش دوران

حیا ایدون اوتانون ال چکون عم اوغلومدان

مگر بو فکرده سوز ای توابع طاغوت؟

قالا یتیم حسنینیم سولا گل لاهوت

هله منیم آتامون خشک اولمیوب کفنی

چخوب سوزوندن اونون سالموسوز بو حاله منی

منیم جلالتیمه بیر دلیل دور اِنّى

آتام بیانى که زهراءُ بَضْعَةٌ مِنّی

رضای ذات خدادور رضاسی زهرانون

گلر او اینجیه قهره خداسی زهرانون

دیدیقجا آخدی جگر قانی چهر انورینه

پوزولدی حالی دوتوب غیظ اَل آتدی معجرینه

یتوردی معجره اَل تا حبیبهء باری

گلوب تلاطمه دریای قهر قهّاری

گوروندی عالم امکاندا قهردن آثار

هوانی چولقالادی رعد و برق و گرد و غبار

یر ایتدی زلزله قاخدی گویه در و دیوار

یره دوشه یاخون اولدی بو گنبد دوّار

او قدر قالمادی قهار لایزال و ودود

تمام عالم ایجادی ایلیه نابود

دوشوبله وحشته یکسر مهاجر و انصار

علینی بوشلادیلار مُلْحِدینِ کینه شعار

گوروب یاخوندی خراب اولسون عالم امکان

وصیّ ِ مطلقِ طه بیوردى یا سلمان

اوزون یتور شرف دودمان یاسینه

اماندی قویما دل آچشون بتول، نفرینه

اوزون یتوردی حضور بتوله تا سلمان

دیدی آتام آنام اولسون خانم سنه قربان

آتان پیمبر رحمتدور ای گل یاسین

دایان آتان کیمی هر ظلمه، ایلمه نفرین

جواب ویردی خانم بو نه سوزدی یا سلمان؟

نجه اولور من ایدم بو جفایه تاب و توان

دوشوب بو فکره بو بی رحم و بیوفا امّت

ولیّ ِ حقّدن آلسونلا جَبْریله بیعت

دایانسا ایتمسه بیعت علی، بو قوم لئیم

منیم بالالاریمی ایلسونله خوار و یتیم

قلج النده باشی اوسته زادهء خَطّاب

علی قانندان ایده تیغین ایستوری سیراب

بر آیری مسئله وار برده بوردا یا سلمان

مهمّ مسئله دور امر ایدوب خداى جهان

یتنده صدمه وجود امامه دنیاده

گرگدی نصرته مأموم اولسون آماده

بودور وظیفهء شرعی هامی مسلمانه

که قویماسین یته صدمه ولیّ ِ سبحانه

اوزین رعیّت امامه گرک فدا ایتسون

امام نفسینی هر ورطه دن رها ایتسون

منیم عم اوغلوم علی حجّت الهی دور

امام ِ مردم ِ مابینِ ماه و ماهی دور

اولوب جری گورورم فاضله بو گون مَفضول

دایانسام ایلیه جاقلار عم اوغلومی مقتول

گوروبدی زادهء خطاب تا بو فاجعه نی

علیدن ال گوتوروبدور او بیحیای دنی

قیتدّیلر ایوه پژمرده حال آلعبا

آنادان آلدی بو سرمشقی زینب کُبرى'

علی قیزی آنادان اورگنوب بو مسئله نى

اولار امامه رعیّت کمکلقی علنی

برینده اولسا تکالیف دینه آگاهی

نجه دوزر گوره قان ایچره حجة اللّهى

بتول مکتبنون با شرف مُحَصِّلَه سى

گوروب که رزمگهی دولدوروب غریو سسی

دیولّه کوفه لیلر اُلدورون اوغولسوزدى

اُلوب کمکلری یوخ دادخواهی یالقوزدی

شجاعتیله شهامت نمونه سی زینب

او سسلری ایشیدنده بولوب ندور مطلب

گوروب وظیفهء شرعیدی ایلسون نصرت

خیام طاهره دن چخدی معدن عصمت

عقیلة العرب امّ المصائب دوران

الى باشندا اوزی وا محمّدا گویان

دُر یگانهء دریای عزّ و مجد و شرف

کمال سرعتیله قاچدی قتلگاهه طرف

یتیشدی گوردی دوروب اشقیای کوفه و شام

امام قتلینه آماده الده تیغ و حسام

دوتوبلا دور و برین کوفیان بد آئین

یارالی قان آراسندا دوشوب امام مبین

النده خنجر خونخوار شمر بی ایمان

دوتوبدی قان گوزینی متّصل دیور قان قان

دل عَنودی ز بس بغض و کینه ائیله دولوب

امام قتلنه اول بیحیا مُباشِر اولوب

امام سینه سی اوستنده اگلشوب او دنی

یاخوندی اُلدوره آرام جان فاطمه نی

قویوبدی خنجر خونریزی شاه حنجرینه

ویرور دمادم او بی شرم زور خنجرینه

باجی گورنده که قاتل اَلنده دور قارداش

کسیلدی چاره سی گوزدن توکوب یوزه قانیاش

باخوب اویان بویانا دخت حیدر کرار

گوروب آت اوسته دوروب ابن سعد کینه شعار

پوزولدی حالی گلوب شوره چکدی بیر فریاد

یوزین او کافره دوتدی بقصد استمداد

دیدی ستمله بو آفاقی یاندروب یاخوسان

منیم حسینمی شمر اُلدورور دوروب باخوسان

ایدوبدی حُبّ ریاست سنی ایله مغرور

که بُلموسن نجه زهرا قیزی اولوب مجبور

ایله علاجنی دشمن کسوبدی هر یاندان

که استعانت ایدور تابعان سفیاندان

یوخوندی واهمه گیرم جزای عقبادن

اوتان حیا ایله بیر لامحاله زهرادن

باشین سالوب اشاقا دینمدی او بی ناموس

او بیحیادن اولاندا علی قیزی مأیوس

علاج تاپمادی مضطرّ قالدی دخت بتول

دولاندیروب یوزینی لشکره حزین و ملول

دیدی بو قدر جماعتده دین و ایمان یوخ؟

سیزون ایچوزده مگر بیر نفر مسلمان یوخ؟

بو امر خیریله اعمالینه قصاص ایلسون

حسینى شمرین اَلندن گلوب خِلاص ایلسون

گوروب ترحُّم ایدن اولمادی او لشکردن

یوگوردی مضطربُ الْحال دوتدی خنجردن

خطاب ایلدی شمره ندور بو ظلم و عناد

منیم حسینمی اُلدورمه ای ایوی بر باد

ندور بو کینه و بو بغض ای جفا کانی

یارالی قارداشمون آز قالور چخا جانی

چکیل کناره گلوم بر یارالاریندان اوپوم

ایدوبدی ضعف سرشگیله آنّینا سو سپوم

چکیل کناره گیدوم خوردا قیزلارین گتوروم

دولانیروم باشنا آرزوسینه یتوروم

چکیل کناره اُلور ایمدیکه دویونجا گوروم

گوزی آخور یوزینی قبله سمتینه چُووروم

چکیل کناره چوخ اینجتمه جسمین ای ناکس

کسورسن ایمدیکه ظالم منیمده باشمی کس

بُلنمورم نه یره ایش دایاندی یا زهرا

یره یخلدی یوزی اوسته زینب کبری

(حسینی) ایلدی روحُ الْقُدُس سنه الهام

چکلدی رشتهء نظمه بو نظم تاپدی نظام

جزا گونی اولاجاقدور اَلونده بو طغری'

شفاعت ایلیه جاقدور سنه آنان زهرا

چخاتما اوندا یادوندان هامی اَحِبّانی

خصوصاً اولدی او کس که بو مطلبه بانی

بو آستانه ده نوکردی پاک نیّتى وار

مُحِبّ ِ آلعبادور حسینه نسبتی وار

اونون رفاقتی صوری دگول اصولی دور

آدی غلام رضا شهرتی رسولی دور

ریا و عیبدن عاریدی واردی چوخ ادبی

بو خلق ایچنده اونون خشگبار دور لقبی

اونیله باهم ایده لطف خالق یکتا

نصیب اولا حرم پاک سّیّدالشهدا

او یرده شعلهء آهیله سینه داغلیاسوز

صدا صدایه ویروب بیر دویونجا آغلیاسوز

خدای لم یزل ای قدرت و کرم کانی

بو روسیاهه عطا ایله عمر طولانی

موفق ایله وارام تا حسینه خدمت ایدوم

بو خدمتی اوزومه توشهء قیامت ایدوم

گیچن گونوم که گچوب عمریمه حساب ایلمه

کتاب عمری اوزات آخِرِ کتاب ایلمه

ایدوم صحیح روایاتی انتخاب یازوم

حسین مصائبنه آیری بیر کتاب یازوم

سنی ولیّون علی لطف بی حساب ایله

دعامی ایلمه مردود، مستجاب ایله

شاعر : مرحوم حسینی سعدی زمان

متن مداحی مولودی ترکی ازدواج حضرت علی و فاطمه، متن مولودی ترکی ازدواج حضرت علی و فاطمه، ازدواج حضرت علی و فاطمه، متن زیبای ترکی در مورد ازدواج حضرت علی و فاطمه، مولودی ترکی ازدواج حضرت علی و فاطمه، مولودی ترکی سالروز ازدواج حضرت علی و فاطمه، مولودی ازدواج حضرت علی و فاطمه، مولودی ترکی ازدواج حضرت علی و فاطمه

بیشتر بخوانید::

اس ام اس سالگرد ازدواج امام علی با حضرت فاطمه

اس ام اس سالگرد ازدواج امام علی با حضرت فاطمه (۴)

۳۷ متن،پیام، استوری مذهبی برای تبریک ازدواج



این مطلب چقدر مفید بود ؟
 

دیدگاه ها

اولین نفر برای ثبت دیدگاه باشید !


hits