عاشقانه ترین دکلمه غمگین ترکی برای استوری

دکلمه غمگین ترکی

عشقیمین بولبولی سنی دوتموش

هرنه دونیـاده گول وار ، آتمیشدی

سانکی دوستاق ایکن من آزاددیم

ائله عشقون منی یاهـــاتمیشدی !

سؤیدوگیم سانکی هم نفس اولالی

قفسیمدن منی چیخـــارتمیشدی

جنّت ائتمیــش منیم جهنّمی می

یانماسین یاخماسین آزاتمیشدی

قــــاراگون قارقاسی قونـاندا منیم

آغ گونوم وارســـادا قــاراتمیشدی

آدی بـــــاتمیش اجل گلنده بیـــزه

من آییم چیخدی گونده باتمیشدی

دکلمه غمگین ترکی عاشقانه

می و پیمانه نی گوندر بو گئجه داغلامیشام

یوخی گیرمز گوزومه من او قدر آغلامیشام

ساقیا دولدور ایچیم گل هوسی ایلمیشم

سونا چاتسین بو بهار من کی گولون گورممیشم

ساقیا دولدور ایچیم یار هوسی ایلمیشم

یاریمی آلدیلار الدن کیمه من نیلمیشم

دکلمه غمگین ترکی رمانتیک

دور ایاقه قارا گئی
گئنه ده گلدی بلا
گئنه اسدی ساری یئل
ائویمه سالدی هرا
دور ایاقه قارا گئی
گئنه گلدی قارا گون
گئنه ده تیتردی یئر
گئنه ده اؤلدی سارا
بو نه دوراندی گئنه
آتالار یاندی گئنه
آنالار، گول بالالار
قانا دوغراندی گئنه
دور ایاقه قارا گئی
باجی عطشاندی گئنه
ئورگی قاندی گئنه
گئنه سال باشه قرا
گئنه ده سیندی بئلیم
گئنه ده آغلادی گؤز
گئنه ده دولدی ئورک
گئنه ده باشلادی سوز...

دکلمه غمگین ترکی خاص

دیندیرمه منی غم جالانار دیل دوداغیمدان

نیسگیل سئلی باشلار آخا سولموش یاناغیمدان

گوگلو چینی لر تک آمانا بند اوره گیم وار

قوی توزلو قالیم یوخلاما اندیرمه تاغیمدان

قاندال یاراسی مرحم دیوانه لیگیمدیر

پامبیقلاری ترپه تمه قان آخدیرما داغیمدان

تیترتمه منی تک آغاجام غم اتگینده

نیسگیل اله نر شاختا قوروتموش بوداغیمدان

بیر یالخی محبت دن اؤتور اویخولو بختیم

هر سمته سوروندوردو منی کؤرپه چاغیمدان

قلبیمده اؤزوم طرحی تومارلانماغا یوخدور

وولقان کیمی اود ییرقالانار دویغو داغیمدان

دکلمه غمگین ترکی بسیار زیبا

بیرگئجه غمدن آلیشدیم سنده بیلدین؟ بیلمه دین

اود، دوتوب یاندیم چالیشدیم سنده بیلدین؟ بیلمه دین

بیر دلی آشیق سازیندا سئزلیان بیر تئل کیمین

اودلانیب،قوپدوم قاریشدیم سنده بیلدین ؟بیلمه دین

گؤرنه حالدایدیم کی،سؤکدوم پرده اسراریمی

تک سنه آشدیم ،دانیشدیم سنده بیلدین؟‌بیلمه دین

بیراوشاق تک عالم رؤیاده سندن صوبحه تک

اوینادیم، کؤسدوم، باریشدیم سنده بیلدین؟بیلمه دین

من بیلیردیم یاندیرارسان عشق اؤتوندا سن منی

ائوز جانیملا من سالیشدیم سنده بیلدین؟ بیلمه دین

دکلمه غمگین ترکی احساسی

دولوب ایسـتک شرابیـندان داشـان پیمـانه دیر کونلوم

نه پیمـــانه! اگــر درد اهلیــسن میخـانه دیـر کونلوم

نه تاثیــری منـی داناخ داشیـــنان ورســا غافیـــل لر

وفا شهــرینده اوزدن گتمــه ین دیوانـه دیـــر کونلوم

کوچر قوشلار کیمی کاشانه سیز لیق دان غمیم یوخدور

بودور فخـریم کی جانان عشقـینه کاشــانه دیر کونلوم

یقیـن دیــر آشنـــا لــر سـرّینـی بیــگانه لـــر بولمز

سنیـــلن آشنـــا دیـر هامّـــیا بیـــگانه دیـر کـونلوم

وفای نابـی آختـــارســـون حنیفــی بیـــرده یاد ایله

کی آهیــلن او گنـــجی گیــزلدن ویـرانه دیـر کونلوم

شعر ترکی کوتاه | زیباترین اشعار احساسی و عاشقانه کوتاه به زبان ...

اشعار زیبای ترکی درباره یوسف و زلیخا

زیباترین اشعار ترکی در وصف فلک

شعر ترکی حسرت | زیباترین اشعار عاشقانه ترکی درباره حسرت