گلچین متن مداحی نوحه و روضه ترکی رحلت پیامبر (صل الله)

متن نوحه و روضه ترکی رحلت آخرین پیامبر (محمد رسول الله)

احوالات حضرت رسول اکرم (صلی الله)

زرأفت باگدایانش چنان گرم است رفتارش

که فرق شاه ومسکین رانمی یابی به دربارش

به لطف بودنش باما حسابی ازازل دارد

که تامحشرهمه هستیم هستی را بدهکارش

هم اونوح است وابراهیم وهم موسی وهم عیسی

عجب کاین چارتن رانیست یارایی تکرارش

شکسته نفسی اش ازلفظ(انّی مثلُکُم)یعنی

بخوانش عبد واز معبودهم کمتر مپندارش

مگو معراج فیض مختص اوشد که ازرویی

خدادر عرش نائل آمده برفیض دیدارش

به تشریف جنابش عرشیان گم کرده دست وپا

که چون مجلس بیارایند تاباشد سزاوارش

چنان آیینه ساز آیینه اش را داده صیقل که

دم روح القدس ترسم شود اسباب زنگارش

به کعبه برنمی تابد بتی دیگربه غیرازخود

بت رعناسرشتی که مسلمانند کفارش

شکوه دولتش پیدا دراحوال قریشی که

سپاه موریانه چون به هم پیچیده طومارش

تصرف گرکنددرنفس موجودات میبینی

بناکرده است سدی عنکبوت ازرشته تارش

به جای حضرتش چون شیر،خوابیده است عین الله

چه غم ازدشمنان داردچو باشدحق نگه دارش

به مصرحسن اگریکدم نقاب ازچهره برگیرد

شود ماهی چو یوسف جنس مرجوعی بازارش

به آتش می کشد خودرا خلیل الله اگرداند

صباخاکسترش را می برد درسیرگلزارش

محمّد(ص)جلوه دارحیّ سرمد،سید بطحاء

که جن وانس واهل آسمان خوانند مختارش

نیابی عمرجاویدان مگرازتیغ ابرویش

شفارادرنمی یابی مگردرچشم بیمارش

عتابش سخت عالمسوز خواهد بود بی تردید

که باشد عالمی تحت الشعاع مهررخسارش

من از اوصاف جنات النعیم این دستگیرم شد

که بوده حسن گندمگون وی الگوی معمارش

قیاس رحمتش باظرف اقیانوس ممکن نیست

کسی که هست کوثر چشمه ای از فیض سرشارش

مودت پیشه کن گرکه رضای خاطرش خواهی

مشو غافل ((تراب))از خاکبوس آل اطهارش

بیشتر بخوانید::

متن مداحی ترکی رحلت پیامبر (محمد صل الله)

غمگین ترین متن مداحی رحلت پیامبر صل الله

متن مداحی رحلت پیامبر و شهادت امام حسن (ع)

زبانحال حضرت زهرا (سلام الله) به حضرت رسول اکرم (صلی الله)

من که اینگونه پدر محو تماشای توام

دخترت فاطمه ام غمزده زهرای توأم

گریه ام را بنگر خنده بزن بر رویم

باغبانا نه مگر من گل زیبای توأم

دم آخر سخنی گوی تسلایم بخش

زان که افسرده چو آیینه ی سیمای توأم

بارها از شفقت دست مرا بوسیدی

وینت آواز که من ام ابیهای توام

حالیا دست به پیش آر که بوسم دستت

من که پرورده ی این دست توانای توأم

پاسخش داد نبی کای گل زیبای پدر

از همه بیش به فکر تو و غم های توأم

بعد من باز شود باب ستم بر رویت

سخت امروز در اندیشه فردای توأم

صبر کن زآن چه رسد بر تو و بر جان علی

بس جگر سوخته بهر تو و مولای توأم

بینم آن شعله و دیوار و در و اندر بین

شاهد زمزمه ی وا ابتاهای توأم

لیکن از عترت من زودتر آیی به برم

در جنان منتظر دیدن سیمای توأم

شاعر : سید رضا مؤید

احوالات حضرت رسول اکرم (صلی الله)

بو گونده جان ویروب یتدی حضور یاره پیغمبر

گنه معراجه شوقیله گیدر احضاره پیغمبر

ازل بیر محفل عالی قوروب حق صدر خلقتده

ایدوب اشخاص معصومی قوناق اول بزم وحدتده

داخی خلق ایتمیوب بیر کس او اوندورت کیمسه عزّتده

ولی اوّل دیوب گلسون اوزی احضاره پیغمبر

بو احضاریله عزرائیل دایاندی باب امّیده

آلوب رخصت سلامه، دل آچوب تعظیم و تمجیده

خبر ویردوقجه جاناندان گلوردی شکره تحمید

دیردی جان ویرور مژده بیله اخباره پیغمبر

بیله عرض ایتدی درگاه رسوله قاصد جانان

که جانان جانبیندن وار سیزه فرمان، بودور عنوان

اگر دنیایه وار میلی قِییت گَل، اولما نافرمان

وگر مشتاقدور گلسون بیزه دیداره پیغمبر

یتوردی یار پیغامین، دیدی اول پیک فرخنده

بو ایکّی امره محکومم اگر هر حکم اولا سنده

بویوردی جانیمی تیز آل، جهاندان دویموشام منده

ز بس بی شرم امّتدن دوزوب آزاره پیغمبر

یتوب اول دم امین وحی ایدوب تعظیم شانینده

پیمبر گوزلرین آچدی گوروب جبربلی یانینده

بویوردی قارداشی قارداش قویار تک بو زمانینده

مگر بولموردون آخِر جان ویرور دل داره پیغمبر

کنارین آلدی اولادی او حال احتضارینده

یغیلدی باشنه یکسر باشین آچدی کنارینده

بو گون گورسندی بی کسلوق توزی زینب عذارینده

گلوب بو حاله باخدوقجه چوخ آه و زاره پیغمبر

بویوردی یاعلی قویما حسینیم چوخ فغان ایتسون

بو وقتیمده منی آغلار گوزیله باغری قان ایتسون

حسن اوغلوم گَلوب داده یوزه اشکین روان ایتسون

بولورسن بو ایکی نوره اولوب گهواره پیغمبر

ویرنده شوق جانانلا بو گون جان صادر اوّل

اولوندی مصدر حقدن شفاعت آیه سی مُنزل

پیمبر صدرینه قویدی او ساعت اوز حسینی اَل

حسینی که اُپردی گُل یوزون همواره پیغمبر

امیر مومنان اولموب رضا گورجاق بو احوالی

بولوردی جان ویرن دمدور او دم پیغمبرین حالی

حسینون اللرین چکدی کناره، ایلدی حالی

بویوردی جان ویرور جدّون اوغول بیچاره پیغمبر

گلیدون یاعلی دشت بلایه روز عاشورا

نه ظلم ایلور گوریدون بیر حسینه لشکر اعدا

یارالی سینه سی اوسته دیردی شمر بی پروا

گرک باشی آچوق عجزه گله کفّاره پیغمبر

آچوب قانلی گوزین اوغلون گوروب شمری گَلوب داده

بویوردی چوخ اثر ایلوب عطش احشا و ابکاد

منه بیر جرعه سو یاندیم سوسوزدان، باخ بو فریاده

جوابون وار گَله سنله اگر گفتاره پیغمبر

دیدی دنیانی سو دوتسا، سنه مندن سو ویرماق یوخ

سنی سیراب ایدن خنجردی، شمشیر جفادور، اوخ

دی گَلسون سو گَتیرسون یا حسین آخِر دیردون چوخ

آتام ساقیِّ کوثردور بابام احراره پیغمبر

دیمه بیر تک حسین باشین کَسوب شمر ستم پیشه

اَل آچدی غارته سویدی عیالین سالدی تشویشه

اسیر اولدی هامی عورت اوشاق بیر بیله بد کیشه

نولور حالی گوره زینب قالوب آواره پیغمبر

داخی یازما دایان ((صافی)) دوتوب اود دفتر و خامه

پیمبردن صورا جرات تاپوب کفّار اسلامه

همان جراتله قول باغلی عیالین چکدیلر شامه

باخوب گه زینبه یاندی گهی بیماره پیغمبر

شاعر : مرحوم صافی

بیشتر بخوانید::

دعاهای روز ۲۸ صفر مصادف با رحلت پیامبر (ص) و امام حسن مجتبی (ع)

متن مداحی رحلت پیامبر از مداحان معروف (2)

متن مداحی رحلت پیامبر از مداحان معروف (1)

احوالات حضرت رسول اکرم (صلی الله)

در آهنگ همه جا بروم به بهانه ی تو

مسلمینه بو گون یوز ویروب مصیبت

خاتم النّبیّین ایلیوبدی رحلت

نالیه گَلوب احکام◾️سسلور عالم اسلام

وای پیمبر ایوای◾️وای پیمبر ایوای

دین حق یولوندا چکدی چوخ ریاضت

ایلمزدی اصلاً خلقیدن شکایت

گردش زمان دوندی◾️ آغلا شمع دین سوندی

وای پیمبر ایوای◾️وای پیمبر ایوای

گور نجه جهاندا بو وفاسیز امّت

شافع جزایه ایتدیلر اذیّت

غصّه چکدی دائم حامی شریعت

دردیله گوگل دولدی ◾️عمر گلشنی سولدی

وای پیمبر ایوای◾️وای پیمبر ایوای

قوم کین همیشه ایتدیلر عداوت

باشینه توکوب کُل رحمسیز جماعت

تا خزان اولوبدور گلشن رسالت

سولسا گُل سولار یَپراق◾️باشوزا سپون توپراق

وای پیمبر ایوای◾️وای پیمبر ایوای

یوز ویروب جهانه اوزگه درد و محنت

جاریدور عذاره گوزدن اشک حسرت

چون رسول اکرم ایلیوبدی رحلت

شیعه سینوی داغلا◾️ آغلور عالمِین آغلا

وای پیمبر ایوای◾️وای پیمبر ایوای

ظلمیله سونوبدور مشعل هدایت

رکن دین سینوبدور باشلانوب قیامت

یوخدی درد و غمدن شیعیه فراغت

نالیه گَلور قرآن◾️آغلور عالم امکان

وای پیمبر ایوای◾️وای پیمبر ایوای

شاعر : مرحوم اعظمی

بیشتر بخوانید::

متن مداحی رحلت پیامبر از حاج محمد طاهری

جدیدترین متن روضه رحلت پیامبر (محمد رسول الله)

پیامهای سالروز رحلت پیامبر اکرم (ص)

زبانحال حضرت رسول اکرم (صلی الله)

هله ایتمه آیریلیقدان بیله آه و ناله زهرا

بو یاخون زماندا نائل اولاسان وصاله زهرا

نه قدر قیزیم وارام من سنه وار بو ایوده مأمن

هله ایتمه داد و شیون هله ایتمه ناله زهرا

هله قلبیمه شراره بیله سالما شیونیله

نه قدر که الفتیم وار بو زمانه ده سنیله

گل اوتور قیزیم یانیمدا دی دانیش بیر آز منیله

او گون آغلا شمس عمروم یتیشر زواله زهرا

هله شهر یثربون وار بیزه مهربان فضاسی

هله نغمه ی مخالف نه گلور نه وار صداسی

هله ایتمیوبدی دشمن سیزی غملر آشناسی

او گون آغلا درد و رنجون یتیشر کماله زهرا

هله سولمیوبدی رنگون هله گلمیوب خزانون

هله چیخمیوبدی عرشه غم و غصه و فغانون

هله پایکوب دشمن اولا بولمز آستانون

بیله اولما غم اسیری هله لامحاله زهرا

هله من وارام جهاندا نه قدر که عزتون وار

هله بو خانملوقون وار هله جاه و شوکتون وار

نه اولوبدی غصب حقون نه غم و مصیبتون وار

هله گلمه آه و زاره هله ایتمه ناله زهرا

هله گلمه فرقتیمده بیله ناله و فغانه

هله ایتمه سیل اشکون بیله گل یوزه روانه

هله گلمیوبدی دشمن وورا اود بو آستانه

هدف اولمیوبدی قلبون ایله اشتعاله زهرا

هله ایتمیوبدی جرئت سیزه رحمسیز جماعت

قیزیم اولمیوبدی عنوان هله ماجرای بیعت

هله دینی اولمیانلار سیزه ایتمیوب جسارت

هله دونمیوبدی قدون بوکولن هلاله زهرا

هله دشمنون جفاسی گله بولمز آشکاره

هله تیر آهویله بیله وورما قلبه یاره

هله وار فدک الوزده سند اولمیوبدی پاره

هله توکمه در اشکون بیله گل جماله زهرا

قیزیم آغلاما بهارون هله دونمیوب خزانه

هله یتمیوبدی آفت گل گلشن جنانه

هله اولمیوب عم اوغلون اولا بند ریسمانه

یانارام او ماجرانی سالارام خیاله زهرا

هله اولمیوب عم اوغلون ستم اهلینون اسیری

هله روبهون اولانماز اولا شیر دستگیری

هله اولمیوبدی حقون ایله بیر آجیقلی شیری

دوشه دام اهل کفر و ستم وضلاله زهرا

یارانوب جهاندا هر کیم اونا وار اُلوم محقق

بو که یوخدی بیر نفردن آلینا بو حقّ مطلق

منه هامودان قاباق سن اولاسان جهاندا ملحق

قوتارار غم فراقون یته سن وصاله زهرا

شاعر : مرحوم خوندل

بیشتر بخوانید::

کد آوای انتظار همراه اول به مناسبت رحلت پیامبر (ص) و امام حسن (ع)

کد آهنگ پیشواز ایرانسل به مناسبت رحلت پیامبر (ص) و امام حسن (ع)

پیامهای سالروز رحلت پیامبر اکرم (ص) و شهادت امام حسن مجتبی (ع)

احوالات حضرت رسول اکرم (صلی الله)

بی رغبت اولدی تا قفس تنگ کثرته

شاهین کبریا پر آچوب اوج وحدته

اصله تمایل ایلدی اصلُ الا صول خیر

لاحق الوبدی سابقه ی فیض و رحمته

حق نوری اقتضای مشیّتله بیر زمان

تابش ایدوبدی آب و گل آدمیّته

یوخ دیده ی شهودیده گوردی فروغ درک

سالدی حجاب غیب جمال نبوّته

جان جهان سراچه ی ترکیبی ترک ایدوب

تا اولدی جزءِ جوهره اصل مشیّته

تاپدی شکست آینه ی شهر بندتن

اولدی ضمیمه عکس روان اصل صورته

آیرولدی روح کالبد کائناتدن

ایتدی عروج مرتبه ی بی نهایته

سلب قرار اولوب نشئات وجوددن

اوز ویردی اختلال نظامات خلقته

آیات محکمات اولوب نغمه ی عزا

داد ایلدی او محکم و مشهود آیته

دوشدی ندای بانگ رسالت طنیندن

اولدی سکوت فصلی سروش هدایته

تنها نه تک مدینه نی دولدوردی بو خلا

غرق اولدی ماسوا خَلَاءِ درد و حسرته

عالم غریب کلبه سی تک اولدی سوت و کور

باتدی غبار محنته گرد ملالته

مملوّ اولوب خطاب لَعَمرُک مخاطبی

دارالسّرور قدسده بزم ضیافته

غار حرا چراغی خموش اولدی، غرق اولوب

ابر ملالیله جبل النّور ظلمته

غم چولقادی مدینه نی بطحا کیمی تمام

احکام شرع آغلادی صاحب شریعته

روحاً رسول اوج لقایه ایدوب صعود

جسماً یتوردی توده ی غبرانی عزّته

آلدی مدینه توپراقی آغوشه جسمینی

گنجینه اولدی گوهر بحر رسالته

بیر توده خاک جای عجبدی اولوب مکان

ایجاد کائناته اولان سرّ و علّته

مدفون اولان نبیّ هدی، شاه قُل کَفی

دفن ایلین علیّ ولی، میر لافَتی

تنها علی بُلردی او محبوب کردگار

نه ضایعه اولوبدی شریعتده آشکار

تنها علی بُلردی که بو ضایعه ایدوب

قلب هامی عوالم امکانی بی قرار

تنها علی بُلردی که بو سوز جان گداز

ایلوب دل شرایع و احکامی داغدار

تنها علی بُلردی بو بیر گُل خزانینی

جبرام محالیدور ایده عالمده مین بهار

تنها علی بُلردی کیمی قبره تاپشیرور

تنها علی بُلردی کیمه کیمدی سوگوار

وجه اِله وجهه ی دین وجهینی قویوب

نه وجهیله او توپراقا، یوخ شرحه اختیار

روی تمام ماخَلَقَ اللهه آبرو

واحسرتا که تاپدی رخ خاکیده قرار

بیر نفس که قدومی صفابخش خاکیدی

گور عارضیله توپراقا ویردی نه اعتبار

بیر عارضی که منظر سکّان عرشیدی

آئینه تک مکدّر ایدوب تیره گون غبار

بیر یوز که ابر سایه سالوب تا یِتیرمه سون

صدمه اونون طراوتینه مهر تابدار

بیر یوز که تا سپهره دوتوب یوز ایدوب عوض

لطفیله سمت قبله نی خلّاق کردگار

توپراقلارا قویولدی، عجبدور که اولمادی

آشفته دور گنبد وارون کجمدار

قلب علیدن آلدی بو محنت توان و تاب

بی صبر اولوب او صبریده چون کوه استوار

بُلمم که بو قیاسیله نولدی تنوریده

گوردی حسین باشینی خونین و زخمدار

گُل برگ تک عطشدن اولوب خشک لبلری

قانه باتوب عقیق کیمی درّ شاهوار

مشتاق بزم خلوت دل فرط شوقیدن

اولموش باشیله راه محبّتده رهسپار

راس کلیم طور وفاده او جلوه وار

که اوندان ایلوری شجر طور استتار

مرآت حق اگرچه مکدّردی لیک اولور

اوندان جمال حُسن ازل نوری آشکار

دوتقون هلاله بنزوری خاکستر ایچره لیک

حق نوری کونه نشر ایدوری آفتاب وار

دفن نبیّ اکرمیدی قائله نظر

ارشاد حقدن اولدی تداعی بو مختصر

شاعر : مرحوم عابد

بیشتر بخوانید::

پیامهای شهادت امام حسن مجتبی (ع) و رحلت آخرین پیامبر خدا

16 متن گریز روضه پیامبر (محمد رسول الله)

پیامهای رحلت محمد رسول الله و شهادت امام حسن (ع)

احوالات حضرت رسول اکرم (صلی الله)

ابدی کسوف ویروبدی یوز بو گون آفتاب رسالته

اثر خسوف بو وقعه دن یتیشوبدی ماه ولایته

پوزولوب نظامی ثوابتین داغیلوب کواکب لامعه

سالوب عالم ملکوتیده ایله انقلاب بو فاجعه

که مرمّت اولمیاجاق دیور ملکوتین اهلی بو ضایعه

ایله بیر شکست بو ضایعه یتوروبدی رکن هدایته

او که اصل علّت غائی هامی ممکناتیدی خلقتی

یتیشوب زمان تشرّفی یازولوبدی رقعه ی دعوتی

حرم مُکَوِّنِ عالمین گُل بزمی، محرم خلوتی

شرف حضور تاپوب یتوب گنه مجلس ازلیّته

ملکوتیان جبروتیان گِیینوب قرا بو ملالیدن

یری وار دیسم گَلور آغلاماق سسی بارگاه جلالیدن

اوجالوبدی ناله سسی علی شه ذوالجلال خصالیدن

که صفاته مظهر اولان گرک یتوشه مقام امامته

او که حقدی ذاتینه یوخدی یول بُلونوبدی ذاتی صفاتیله

تانیدوبلا ممکن و واجبی بیزه بیر ممات و حیاتیله

بو اَتّم آئینه روبرو اگر اولمیِیدی مماتیله

بونی عین ذات بُلردی خلق اوزینی سالاردی ضلالته

چکیلوبدی قاره فلک لره دوشنوبدی عرشیده فرش غم

احد، ‌احمده اوزی تعزیه دوتوب، عالمه یِتیشوب اَلَم

بودی فرق احمدیله احد، اونا وار حُدوث بونا وار قِدَم

بو قضیّه میمِ مماتیله یازولوبدی فرق عبارته

رخ جلوه ی ازلی تاپوب بو گون ابر مرگیله اختفا

ایکی گوشواره ی عرش اولوب بو خفائیله غمه مبتلا

او که سرّ طور سِنیندور آدی مصحف ایچره ایدر نوا

چکیلوبدی پرده ی درد و غم رخ ماه چرخ خدارته

گُل گلستان محمّدی شرف زنان جهان، بتول

ایله گُل کیمی سارالوب سولوب که گورن عذارین اولار ملول

گوزی یاشلی ویرماقا تسلیت جبروتین اهلی ایدوب نزول

گُل یاس و لاله ی غم دَرَر گَلن اول چمنده سیاحته

او خانم که تربت مقدمی اولوب عین مریمه توتیا

بابا وای دلینده عذارینه داغیدوبدی طُرّه ی مُشک سا

سارالان گُل اوسته باخان دیر توکولوبدی مُشک ترختا

نجه زلف سر، نجه مُشک تر، متحیّرم بو شباهته

من او زلفه مُشک ختا دیدیم بو خطادن ایلورم اعتذار

ایله تار زلفه دگل بها دوتا گر بو عالمی مُشک تار

قیریلا او زلفین اگر تِلی ایدر عالمی ایله تار و مار

که قیامت عالمی تک سالار هامی اهل عالمی وحشته

نجه مُشک تر که نظیری وار نه ختا خُتن ده نه چین ده

نه ختا و چین ده بلکه یوخ ایله مُشک خلد برین ده

نجه تار زلف که تِل به تِل داغیلاندا ماه جبین ده

پوزار انتظام طبیعتی دوشر اختلال جماعته

او سیاه زلف که حسرتین چکه مشکِ ناب و عبیر تر

نه روا آغاردا او طُرّه نی غم و غصّه و اَلَم و کَدَر

نه او طُرّه تک شب قدر اولار نه بتول حُسنیده بیر بشر

نه قدر جلالتی وار دوزوب او قدر ملال و مصیبته

نجه وار جلالت و جاهینون نه بدایتی نه نهایتی

ایله وار مصائب و رنجینون هامی ابتلایه مزیّتی

بو جهاندا گرچه آز عمر ایدوب ولی چوخ چوخ اولدی مصیبتی

نه وار ابتداسی جلالینون نه یتر ملالی نهایته

اوزی نور بخش خور فلک و جناتی مطلع نوریدی

ایله جسم پاکی لَطیفیدی که لباس اَلینده حوریدی

نجه حور؟ نوری جمالینون ایله زیب حور و قصوریدی

که اگر اولمیِیدی او نور خلق ابدی قصوریدی جنّته

بو قضیّه پوزدی خیالیمی منی سالدی ناله و شیونه

یری وار که قانینی قلبیمون ایکی گوزلریم توکه دامنه

ایله بیر لطیف بدن دوزر نجه تازیانه ی دشمنه؟

شل اولیدی قنفذین اللری که او جسمی سالدی مشقّته

نه مقامه عرض ایده بُلمورم یتوروب جفانی او نابکار

قرالوبدی فاطمه نین قولی یخیلوب حبیبه ی کردگار

ویروب عاقبت قیزی زینبه بو قولی قرالماقی یادگار

ولی چوخ تفوّقی وار اونون غمینون بو معدن عصمته

آناسی بتولین اگر قولین ستمیله قنفذ ایدوب کبود

بالاسی مخدّره زینبی او قَدَر ووروب سپهِ عنود

که شبیه اولوب گَُل سوسنه باشا باش او گُل کیمی بیر وجود

یری وار چمنده گَُل آغلیه او بنفش رنگ علامته

قلمین نه واردی او قدرتی یازا وار نه محنتی زینبون

دیلیمین نه وار او جسارتی دیه وار نه حالتی زینبون

او روایتی دیه بُلمورم واریدی جراحتی زینبون

آناسی بو بزمیده اولماسا ایدرم اشاره روایته

آناسیندان عذر ایدورم دِیَم قیزی زینبون نه ملالی وار

نه دُویولماقی نه سُویولماقی هامی غمده حدّ کمالی وار

اودی بزم قُرب الهیده ایله بیر مقام و جلالی وار

که بونا توسّل ایدن زمان یتوشر دعالر اجابته

بُلوسن ((حسینی)) نون ای خدا بدنینده واردی نه علّتی

نه طبیب لر بُلور آدینی نه ویرور نتیجه طبابتی

ید قدرتیله اوزون شِفا، ویر آپار بو رنج و بو زحمتی

بو آنا بالایه تصدّق ایت منی تیز یتور بو سعادته

شاعر : مرحوم حسینی سعدی زمان

احوالات حضرت رسول اکرم (صلی الله)

نیر اعظم باتوب آفاق ظلمتدور بو گون

ماتم ختم رسلدور یا قیامتدور بو گون

صادر اوّل جهان آفرینش زینتی

خلقت دنیا و مافیهانون اصل علّتی

محضر یاره گیدوب مکتوب اولوبدور دعوتی

ترک ایده دنیانی منظور مشیّتدور بو گون

اولماسیدی احمد محمود محبوب ودود

عالم امکانه ویرمزدی خدا فیض وجود

کشف اولونمازدی جهاندا معنی غیب و شهود

بو وجود اقدسه هنگام رحلتدور بو گون

گورمیوب گورمز علینون مثلینی چشم جهان

درک ایدنمز انتهای فضلینی دانشوران

من پیمبر قولّاریندان بیر قولام ایلوب بیان

صاحب ماتم بو مولایه او حضرتدور بو گون

علّت غائی عالم، ممکناته رهنما

ایلیوب رحلت، عزاخانه اولوب عرش خدا

کارگاه خلقته نوری، خبر هم مبتدا

جان ویروب، ماتم زده اجزای خلقتدور بو گون

فاطمه بانوی جمله اوّلین و آخِرین

قلبیدن شوره گَلوب ایلر نوای دلنشین

اود ووروب یکسر موالیده بو آه آتشین

چون جماداته موثّر بو مصیبتدور بو گون

ایلینده حضرت انسیّه ی حورا نوا

دلده واجدّا توکر قانیاش حسین و مجتبی

زینبین اشکین سیلر مظلوم دشت کربلا

روز عاشورایه بو مطلب اشارتدور بو گون

روز عاشوراده اشکین زینبین ایلردی پاک

عزم میدان ایلینده قطب افلاک و سماک

ایتدی فرمایش دایان باجی اوزون ایتمه هلاک

بو بلالی چولده گورسن قتل و غارتدور بو گون

عهد و پیمانیم ازل گوندن شهادتدور باجی

عهدیمی تکمیل ایدن امر اسارتدور باجی

استقامت ویر نشان گورسن قیامتدور باجی

دشمنی منکوب ایدن بو استقامتدور بو گون

ای اولان حکمتده، قدرتده نشانِ بی نشان

مبتلادور بیر نچه درده بو(سعدی زمان)

ایستوری سندن شِفا دنیاده، عقباده امان

هر ایکی دنیامه بیر لطفون کفایتدور بو گون

شاعر : مرحوم حسینی سعدی زمان

احولات رحلت حضرت رسول اکرم (صلی الله)

یارانمیوبدی وفا خلقتینده دنیایه

اگر اولیدی وفاسی ایدردی طاهایه

ندندی اولمادی ویران بو عالم فانی

او گون که ایتدیله مسموم شاه بطحانی

رسول اکرمه تاثیر ایدوبدی زهر جفا

سالوب اَیاقدان، ایدوب بستری او مولانی

دایاندی قابض الارواح باب امّیده

مخاطب ایتدی سلامیله آل طاهایه

دیدی رسول خدایه رسولم عرضیم وار

مهیب صوتی سالوب اضطرابه زهرانی

دیدی مریضدور ایمدی، گورَنمه سن بابامی

کِرار ایدوب ملک الموت ازلکی عنوانی

اوچومجی مرتبه حاله گَلوب رسول اَنام

سوروشدی مطلبی دولدوردی چشم گریانی

دیدی اودور ملک الموت، قابض الارواح

اجازه آلمیوب آلماز او پیک ربّانی

ولی سنون قاپیوین احترامینی ساخلور

اگرچه یاندوراجاقدور بو درگهی ثانی

اجازه حاصل اولوب، گَلدی ایلدی تعظیم

پیمبر ایستدی ترک ایلسون بو دنیانی

حسن صاقندا حسین صولدا باشی اوسته علی

ایاق طرفده بتولین اوجالدی افغانی

حسین اَلین گَتیروب قویدی سینه سی اوسته

گَتوردی درده همان حال شاه مردانی

دیدی گوتور الیوی سینه سین آغیرلاتما

اوغول حسین گوروسن جدّیوین چخور جانی

ویرنده جان بو حسین یاعلی اولیدون کاش

گورِیدون اورداکی اوضاعی قانلی میدانی

آغوردی شمرون ایاقی و یا حسینون اَلی

نه نوع شرح ایلیوم بو ملال عظمانی

عزیز فاطمه نون شمر چخدی سینه سینه

یارالی سینه سینون باخمادی آخار قانی

امام گوزلرین آچدی بویوردی ای ظالم

چخوب بو سینیه تیترَتمه عرش رحمانی

یارالیم اُلورم بی مروّت اینجیتمه

سوسوز بو چولده گَل اُلدورمه بو لب عطشانی

قوناق آدیله گَتیردون منی بو صحرایه

مگر بو ذلّتیله اُلدورلّه مهمانی

دوداقلاریم قوریوب، اود دوتوب یانور جگریم

سالوبدی سوز عطش زحمته بو نالانی

خلیل وارثیم کربلا منادی منه

اوزیمی ایلمیشم کوی عشق قربانی

کَسنده باشینی سو گوستَرولّه قربانه

گَل عکس ایلمه قانون شرع غَرّانی

سو ویر منه بیر ایچیم باشیمی کَسورسن کَس

یاخوندی یاندورا آهیم بو کون و امکانی

شهادت امرینه اَل وورما ای ((حسینی)) دایان

دولاندوروب سوزی یاز حال شاه مردانی

شاعر : مرحوم حسینی سعدی زمان