زیباترین متن سرود و مولودی ترکی آغاز ولایت و امامت امام زمان (عج)

۳,۱۱۳
۱
۰
پنج شنبه, ۱۶ آبان ۱۳۹۸ ۱۱:۵۴

​متن و شعر ترکی برای سرود و مولودی آغاز ولایت و امامت حضرت ولیعصر (عج)

شعر و سرود ولادت حضرت امام زمان (عج)

سبک : حسین جان ای آبروی دو عالم

بیا مهدی ای سفیر ولایت

تویی در عالم امیر ولایت

عیان بنما رخ ز پرده غیبت

تو را می خواند سریر ولایت

مسافر بطحا اباصالح *ستاره زهرا اباصالح

به دنبالت ای سوار مدینه

هزاران دل غم گرفته به سینه

همه عالم غرق بحر بلایند

تویی تنها ناخدای سفینه

عزیز دل ما اباصالح * ستاره ی زهرا اباصالح

تو خورشید آسمان حجازی

گل زهرا حسن گلشن رازی

تو ملا ما بندگان در تو

طبیب دل یار بنده نوازی

فدای تو مولا اباصالح * ستاره ی زهرا اباصالح

سلام اولسون منبع برکاته

جمالوندن پخش اولان حسناته

اگر نورون ائتسه عالمی روشن

چکرسن خلقی مسیر نجاته

فروغ تولا اباصالح * ستاره ی زهرا اباصالح

گوزی دوشسه گر یوزو نده کی خاله

دیر یوسف مرحبا او جماله

جزاک الله نرجسین گوزل اوغلی

ملاحت سنده یتوبدی کماله

گل ای گل طاها ابا صالح * ستاره ی زهرا اباصالح

باخار جمعه گونلری یولا گوزلر

گزر دللرده گلایه لی سوزلر

بیور ملا هانسی جمعه گلرسن

که قرآن الده هامی سنی گوزلر

هایانداسان آیا اباصالح * ستاره ی زهرا اباصالح

بیزه یوخ کمک بس هاچان گله جا قسان

قالوب شیعه تک بس ها چان گله جاقسان

نقدری باخاجاق یولارا گل نرجس

داریخدی اورک بس هاچان گله جا قسان

بیزی قویما تنها اباصالح * ستاره ی زهرا اباصالح

شاعر : استاد کلامی زنجانی

بیشتر بخوانید::

گلچین بهترین متن سرود ولایت امام زمان (عج)

جدیدترین متن سرود و مولودی امامت امام زمان


حضرت امام زمان (عج)

روز جمعه باب رحمتده اوتوردوم دیده تر

یوللارا باخدیم دیدم بو جمعه اربابیم گلر

گون غروب ایتدی ولی صاحب زماندان یوخ خبر

ای حسینچی لر گلون بو باره ده بحث ایتماقا

بیر بیله بیز سسلیروخ آیا نیه گلمور آقا؟

من که غیبت ایلیرم بهتان دیوب شرم ایتمیرم

ارتباط معنوی الله هیلان گرم ایتمیرم

کینه و خشم و غضبدن گویلومی نرم ایتمیرم

قلبیدن کبرو غرورین من غبارین سیلمورم

انتظاریم وار گورم مهدینی اما گورمورم

ایشلریم گرچه اولوب دنیاده از روی ریا

سسلورم هیاتده هی مهدی بیا مهدی بیا

هیچ بونا فکر ایتمیشم راضیدی مندن اولیا؟

اژدهای نفسی خیر اعمالیله اولدورمورم

انتظاریم وار گورم مهدینی اما گورمورم

هامی فکر ایلور که من مومنلرین قارداشیم

جمعیده انگشتر حجب و حیانین قاشیم

لیک خلوتده سراپا شیطانون یولداشیم

مهدی ناظردی بو اعماله حیادن اولمورم

انتظاریم وار گورم مهدینی اما گورمورم

یولداشا یا آشنایه علمیمی اورگتمیرم

کج یولا دعوت ایدوب دوز یول اونا گورستمیرم

امره به معروف ایده بیللم ولیکن ایتمیرم

مستحبات اوز یرینده واجباتی بیلمورم

انتظاریم وار گورم مهدینی اما گورمورم

عرصه ده شخصیتیم مثل دوروی سکه دی

قلبیمه باخسان سراسر ظلمتیلن لکه دی

دوز دگول اعمالیم عشقیم کربلا ومکه دی

والدینه عاق اولوب همسایه یه ظلم ایلیرم

انتظاریم وار گورم مهدینی اما گورمورم

نه اولار عشق عالمینده کعبه ی دلده قالام

آد بویوتمه تزدی یوخلی قونشونون گویلون آلام

گر دم بخت وار قیزی گیزلین جهیزیه آلام

واریا حرمت ایدوب یوخسوللاری دیندیرمیرم

انتظاریم وار گورم مهدینی اما گورمورم

مهدویت بحثی چوخ شیریندی اما عاقله

نه سوادیم وار نه عقلیم وصفی تا گلسون دیله

نه سیاستدی سوزوم دوز سوزدی بس ایتمه گله

حقی ناحق ایلیوللر من جوابین ویرمیرم

انتظاریم وار گورم مهدینی اما گورمورم

اوچ یوز اون اوچ عاشقه باخ خط عرفاندا گزور

نوحیلن اصحابیدور دریای طوفاندا گزور

من که آدیم شیعه دی نفسیم خیاباندا گزور

غرق عصیان و گناهم بو ایشه فخر ایلیرم

انتظاریم وار گورم مهدینی اما گورمورم

دلده یا مهدی دیوب عشقیم قرا پرچمده دی

هامی افکاریم گنهدی آیری بیر عالمده دی

کور اولیدیم گوزلریم دنبال نامحرمده دی

بو گوزیلن ایستیرم مهدی زهرانی گورم؟

انتظاریم وار گورم مهدینی اما گورمورم

هرگجه هیاتده یم گوز یاش توکوب سینه ویرام

بعد هیات اگلشوب تا نصف شب جرگه قورام

آددا عشاق حسین صبحین نمازین قیلمیرام

خلقی ایتدیم مسخره اطرافیانی گولدورم

انتظاریم وار گورم مهدینی اما گورمورم

خواب غفلتده قویوب اعمالیمیز وجدانلاری

غافل اولماق حقیدن سست ایلییوب ایمانلاری

ایوده باخسان طاقچامیزدا توز دوتوب قرآنلاری

ایلده بیر یول صدقیلن قرآن تلاوت ایتمیرم

انتظاریم وار گورم مهدینی اما گورمورم

اهلبیته قلبیدن عرض ارادت ایتمه دیم

غرق عیش و نوش اولوب حقی عبادت ایتمه دیم

قونشوموز اولدی مریض اوندان عیادت ایتمه دیم

اولمادی بیر یول یتیمی جمع ایچینده دیندیرم

انتظاریم وار گورم مهدینی اما گورمورم

مشکلات جامعه چوخدی نوا اهلی بیلر

احترام ایتمه یغشدی قلبی آلدی غصه لر

رفت و آمدلر کمه لدی چوخالوب مهریه لر

اولدی روحیه م خدایا علتینی بیلمورم؟

قیزیماایلچی گلور قلبیمده یوخ صبرو قرار

تز دییورم اول جوانین مسکن و ماشینی وار؟

اول جوان بیر عمر ایدور طوی ایلمه کدن دای فرار

مشکلات ازدواجی من فراهم ایلیرم

انتظاریم وار گورم مهدینی اما گورمورم

حرمت ایلر صاحب خانه گلن مهمانینه

مسکن و ماشینی بوشلا ایت نظر پیمانینه

باخ جوانین عشقینه اخلاقینه ایمانینه

دیمه پولداردی نیازی یوخدی تحقیق ایلییم؟

انتظاریم وار گورم مهدینی اما گورمورم

سی دی و ماهواره آلدیم تا ایویم آباد اولا!!

اوز باشینا بوشلادیم اولادیمی آزاد اولا!!

بوللار آزادی دگول قویما جوان معتاد اولا؟

او گولویکی اوز الیم اوسته سولوب دای نیلیرم

انتظاریم وار گورم مهدینی اما گورمو رم

با رالها ویر بیزه دنیاده توفیق عمل

ایتمه میش توبه سراغه گلمه سون باری اجل

دوز اولا اعمالیمیز تا سسلیاخ یا مهدی گل

حق ویروب صحت بدن شکر ایتمیرم ناشاکرم

انتظاریم وار گورم مهدینی اما گورمورم

شاعر : بهلول حبیبی زنجانی

جدیدترین کلیپ مولودی برای امام زمان (عج) از حاج محمود کریمی

کلیپ بسیار زیبا ویژه امامت امام زمان (عج)

نماهنگ ماه دل آرا ویژه شروع امامت امام زمان (عج)

کلیپ مولودی خوانی نزار قطری برای امام زمان


شعر ترکی عرض حال به ساحت مقدس حضرت امام زمان (عج) و گریز به حضرت فاطمه زهرا (سلام الله)

سبک : تا مشکتو تو آب زدی...

شدم اسیر موی تو بیا عزیز فاطمه

نظر کنم به روی تو بیا عزیز فاطمه

گل رویت کی شود آقاجان نصیبم

بیا بشنو ناله های ام من یجیبم

گل زهرا بردی از دل صبرو قرارم

به جز تو من دلبر و دلداری ندارم

کجایی حبیبم

غمت شد نصیبم

عزیز جان فاطمه امیر دلربا بیا

برعاشقان کرم کنی برات کربلا بیا

بیا مولا جان بیا تا دورت بگردم

عزیز جانم تویی تو درمان دردم

زهجرانت روز و شب آقا دلغمینم

از آن میترسم بمیرم رویت نبینم

کجایی حبیبم

غمت شد نصیبم

بقیع گلشنین بوگون آلوبدی فرقه دغل

هایاندان ایلسون ظهور اَوَل آقا بقیعه گل

آلوب دشمندن اورا بیر قاره علم ویر

آنون زهرایه گوزل بیر صحن و حرم ویر

آنوندان ایله سوال ای دردیم دواسی

ساغالمیش یا نه آنا مسمارین یاراسی

کجایی حبیبم

غمت شد نصیبم

شاعر : حاج افشین بابک اردبیلی

بیشتر بخوانید::

دانلود مولودی امامت امام زمان از رضا نریمانی و محمد یزدخواستی

گلچینی از متن سرودهای آغاز امامت امام زمان (عج)


شعر ترکی استمداد از حضرت امام زمان (عج)

مهدی ای صاحب زمانیم هارداسان

ای اولان ورد زبانیم هارداسان

ای آخان بو رگده قانیم هارداسان

ایله بیر یول صورت ماهون عیان

سن عیانسان گرچه من بیّلم نهان

بنزورم هجرونده بیر فانوسه من

اولما راضی تا دونم مأیوسه من

قوی ایاقوندان آلوم بیر بوسه من

تا اولا شیرین دهانیم وصلیدن

دویموشام چون من آقا بو فصلیدن

گل فدایم قامت رعنا ئوه

یوسفا باخ غمزده شیدا ئوه

آندا وئروک بیز ننون زهرا ئوه

بیر حجابون پرده سنیدن چیخ آقا

کاخ ظلمی ئوز الونن ییخ آقا

هارداسان گل ذوالفقار حیدری

ای سپاه غیرتون سر لشگری

گل آقا قطع ایله نا اهل اللری

اولماز عالمده ئوزوک قاش سیز اولا

راضی اولما شیعه لر باش سیز اولا

گوللری گلزاریده خار ئولدورور

عاشقی محکوم ائدوب یار ئولدورور

شیعه نی گور طعن اغیار ئولدورور

طعنۀ اغیاره بیز توش اولموشوق

ظلم الیندن گور سیه پوش اولموشوق

قدیمیز تبعیضیدن خمدی آقا

اشکیدن بودیده لر نمدی آقا

هر نقدری من دئسم کمدی آقا

که دیل بازایلین مزدی کتکدور

آقا گل مهدیا وقت کمکدور

یوخسولون ایامی هر گون قاره دی

اولماسا پارتی کیمون بیچاره دی

اهل وجدانونده قلبی یاره دی

اینجیور یوخسول آقا تبعیضیدن

وارلیلار دویمور ولی تعویضیدن

بیر جهازیه باخور اون میلیونا

ئوز دوتور بیکس آتا بوندان اونا

نه کوچوردور قیز نه ده طوی اوغلونا

بعضی لر ماه عسل لندن ده دی

چوخ آنا اولادیدن شرمنده دی

وارلی هاردا یوخسولی یاد ایلیور

قونشودا همسایدن داد ایلیور

چون جوان اوغلون کی معتاد ایلیور

اوجونا افیون قویوب فورا قاچار

وقتی اولسا ضبط ماشینده آچار

جشنواره وار قویولار روز پاک

روز حفظ منبع آبیله خاک

لیکن اللرده گزور تُن تُن کراک

نوجوانلاردا آقا آلوده دی

گول کیمین باشین اگوب پژمرده دی

گل کی قیزلار باز ائدوللر مولرین

گورکی اوغلان آلدیرور ابرولرین

رنگ ائدور بعضیلری گیسولرین

گرکی گورسون اوغلانون خطلی قاشین

بیل سالوبدی باشه ماهواره داشین

گل جوانلاردان چوخی بیکاردیلار

بس ائدولر غصه غم بیماردیلار

یاتمیولار صبحه جک بیداردیلار

گورموشم دیپلمه آبدارچی اولوب

یا کی پارکلاردا بیر آل وِرچی اولوب

گل ریا اهلی ریاست آختارور

بو عوام ملت سیاست آختارور

گه سیاستدن قداست آختارور

گور بو انسان خصلتی هفت رنگیمیش

ایش تعجب ایلمه گر لنگیمیش

حرمله ئولدی ولی واردی هله

مین اوشاقین حلقین حاضردی دله

تا کی بیر مدت ایش اوستونده گله

داده مظلوملار سنی ایستور آقا

ائت نظر سن لطفیلن بو توپراقا

تانینمور کذبیلن گفتار صادق

بیلینمور کیمدی ایری کیمدی لایق

هوس بازلار اولوبلار ایندی عاشق

سچن یوخدی بوگونلر گرگ و میشی

بیلینمور کیمدی عورت کیمدی کیشی

نه هر کیم مسجده گئدی امامدی

نه هر کیم قاره گیدی خوش مرامدی

باخاندا بعضیسی شمر تمامدی

حسینده ایستمور سندن بویاسی

گتیرمه سن ائوه اموال ناسی

مینور واحدلره وئرمور کرایه

اولوب حقیم دیور چوخ یرده ضایه

اوخور قرآنیده آیه به آیه

بابا والله حرام ایله حرامدی

تو من فرق ایلمز سوز بیر کلامدی

حرام پولدان حسین احسانی نینور

نزول مالدان آقام قربانی نینور

ریادن دیدۀ گریانی نینور

حسین ایستور عزای صادقانه

ووراندا سینه وورسن عاشقانه

ورور سینه باخور نامحرمه گوز

یازوم من دفتره ایندی نجور سوز

آقا سال سینووه بو محنته دوز

چالور روز شهادت طبل وسازی

سوروشسون سخت بیلر ذکر نمازی

حسین وئردی نماز اوسته حیاتین

ئوزی ئولدی اسیر وئردی بناتین

اقلی سنده قیل گونده صلاتین

وئرلر مزد جبینون دگسه خاکه

وئرلر باغ جنت قلب پاکه

بو سوزلر کی دئدیم ایرانه باغلی

بوسوزلردن اولوبدی سینه داغلی

اشاره ایلدیم منده اوزاغلی

که آگهسن ئوزون ای پور زهرا

ائدور کینه بو دینه قوم اعدا

چاتور ظلم و ستم اسلام نابه

دگور خنجر زنان با حجابه

داریخدوق دای جمال آفتابه

اوزاندی چوخ گجه گل ای سپیده

سنی وروک قسم بیز او شهیده

گلور اخبار بد گونده قولاقه

دورون ای شیعه لر سیز ده ایاقه

یهودیلر دولور خاک عراقه

سالولار شیعه نی گونده حصاره

آقا گل ختم اله سن بو فشاره

چیخور روباهیلر شیر بیشه سیندن

دریغ ائتمز تبردن تیشه سیندن

ورولار شیعه نون دوز ریشه سیندن

ائدولر حمله های انتهاری

یخور مسجدلری بمب انفجاری

بقیع اطرافینه دیوار چکوللر

قوتاردی یر او یرده برج تیکوللر؟

مگر پیغمبره قائل دگوللر؟

اوزاقداندا نگاهه یوخدی امکان

سنی سسلور هرایه خلق ایران

قویا حاجی دئنن ئوز هانسی یانه

تاپانمور قبر زهرادن نشانه

توکور اشکین عذاره یانه یانه

دیور حجّه گلیدی مهدی ای کاش

قوییدی قبر زهرایه نشان داش

بو شهری گل آقا آباد ایله سن

سینیب قلب احبّا شاد ایله سن

بقیعنون توپراقین آزاد ایله سن

که سنسن شیعه نون تنها امیدی

سیه شبدن صورا واردی سپیدی

بو شعره ائتممیشدیم منده نیت

ثوابینده شریک اولدی او ( فکرت)

حسنیچی مخلصه وئرسنده عزت

نظر قیل "صبرینون" اشعارینه سن

ائدوم رفتار یازان گفتاریمه من

شاعر : صبری

بیشتر بخوانید::

جدیدترین متن تبریک آغاز ولایت امام زمان

متن سرود و مولودی ترکی ولادت و ولایت امام زمان


شعر در وصف حضرت امام زمان (عج)

گل ای امید دل منتظران

باخروخ یولا نگران نگران

آل اله حسین علمین علمین

گوزوموزه قوی قدمون قدمون

یر قدمونن ئوپر گوی علمونن ئوپر

یل کی اسر تلیوون هر پیچ و خمینن ئوپر

من سنه قربان آقا جان آقاجان

گزلریم آقا یولاروا باخر

سنسیز ئورگیم دارخور دارخور

انتظارن الینن دینجلمدون

گشدی بو جمعه گلمدون گلمدون

قویما هجرونده یانیم جانیوه قربان جانیم

گل قدمونن ئوپوم گل باشووا دولانیم

من سنه قربان آقا جان آقاجان

گل ای یگانه یادگار علی

گل ای وارث ذوالفقار علی

گل ای مرات حق لم یزلی

گل ای جهاندا گوزللر گوزلی

یر قدمونن ئوپر گوی علمونن ئوپر

یل کی اسر تلیوون هر پیچ و خمینن ئوپر

من سنه قربان آقا جان آقاجان

ای کرامتی ئورکدن حاتمه

بوفراقه گل ویرآقا خاتمه

گون کیمی بولوت آتدا قالمانهان

بیز هش منتظردی یارالی آنان

یر قدمونن ئوپر گوی علمونن ئوپر

یل کی اسر تلیوون هر پیچ و خمینن ئوپر

من سنه قربان آقا جان آقاجان

ئورگیمده واربیرعمده نیتیم

ایت دعا اولا کربلاقسمتیم

کام دله گر یتمسم ئولرم

کربلایه گر گیتمسم ئولرم

یر قدمونن ئوپر گوی علمونن ئوپر

یل کی اسر تلیوون هر پیچ و خمینن ئوپر

من سنه قربان آقا جان آقاجان

مجمع شعرا و مادحین


شعر ترکی ولایت و ولادت حضرت امام زمان (عج)

او قدری منتظر قویدون دل ویرانی عشقونده

باتوردون ماتمه بو عالم امکانی عشقونده

یولوندا منتظر چوخدی گوزی یاشلی پریشانحال

خصوصا یاندوروبدی ملت ایرانی عشقونده

فراقوندا هزاران دردمندین باغری قان اولدی

او قدری بینوانون عمری اولدی فانی عشقونده

مین ایلدن چوخدی حسرتده قویوبسان اهل ایمانی

نه تک بیر اهل ایمان عالم بالانی عشقونده

سنه الله ویروبدور فوق قدرت متن قرانسان

سنه همتا اولان گلموب گلممز ثانی عشقونده

نگارین بسکه اکملدور اوزون اکمل سوزون اکمل

بو طول غیبتین حیران قویوب انسانی عشقونده

حدیث عشقیوی شرح ایلیه بلمز محدث لر

قویار حیران سراسر درسینه دارانی عشقونده

نه تک شیعه یولون گوزلور قالوبدور منتظر عیسی

خمار ایتموش سنون هجرون غمی عیسانی عشقونده

مدینه گورمین بلمز ندور زهرانین عنوانی

سنی گوزلر آنان اول عصمتین ارکانی عشقونده

نه چوخدور بینوا عاشق یولوندا گوزلری قالموش

دیر باشه یتور مولا داخی هجرانی عشقونده

سنون هجران اودون مولا دل محزونی یاندوردی
ایدوب تکمیل غملن دفتر و دیوانی عشقونده

شاعر : مرحوم محزون زنجانی


شعر ترکی آرزوی ظهور حضرت امام زمان (عجل الله تعالی فرجه الشریف)

یا رب نولور خزان دولانا نوبهار اولا

دنیا یوزی بهشت کیمی لاله زار اولا

بادبهار اسه گلی گلشنده گلدوره

بلبل عزیز و خرم اولا خار خوار اولا

یر فرش اولا گیاه زمرد نمائیله

برگ گل استه صنع خدا آشکار اولا

صحرا و دشتی لاله نعمان بَزَندیرَه

نرگس باخا شقایقه چشمی خمار اولا

زاغ و زغن فرار ایلیه مرغزاردن

قمری مکانی _ سروده بر شاخسار اولا

گلشنده یوز یوزه قویاگل عندلیبیله

بلبل کنار گلده یاتا کامکار اولا

رحمت سحابی یاغدیرا باران مشگ بیز

عالم نسیم رحمتیله مشگبار اولا

اشگیم کیمی روان اولا سو جویباردن

سرو صنوبر چمنه آبیار اولا

یعنی امام عصر گله گل یوزین گوراخ

فصل خزان محبّلره نوبهار اولا

گل صورتین نشان ویره دنیانین اهلنه

گللر اوگل جمالی گوره شرمسار اولا

من عاشقم پیمبره بنزر جمالینه

عاشق گرگدی طالب دیدار یار اولا

یا رب امام عصری ظهوره مُجاز ایله

قویما بو منتظرلری چوخ انتظاراولا

دنیانی روشن ایلیه نور جمال حقّ

تابنده نور ظلمت پروردگار اولا

غاصبلرین خلافت الندن چخا- بو حق

حق صاحبی ولیّ حقه واگذار اولا

پیغمبرین او امرینی اجرا ایده امام

فرمان روا او خسرو گردون مدار اولا

کرب و بلاده کی توکولن قانلاری آلا

آلوده خون دشمنیله ذوالفقار اولا

ارثیه دور علیدن او مولایه ذوالفقار

فرزند ده گرک آتادان یادگار اولا...شاعر : مرحوم صابر خراسانی به تصحیح مرحوم حسینی سعدی زمان


شعر ترکی سلطان آفرینش در وصف امام زمان (عج)

ای ملک آفرینشه سلطان هایانداسان

جان دولت و جلالیوه قربان هایانداسان

ای عالمین صفاسی اورکلر داریخدی گل

اولدوق غمینده بی سرو سامان هایانداسان

درد اولدور بو جمع پریشانی قیل نظر

تئز گل سنین الینده دی درمان هایانداسان

گلسن گلر سنیله بهار بو خزان چوله

داغ داش اولار دوباره گلستان هایانداسان

سنسیز نقدری بایرام اولوب یاسه باتمیشوق

شادلیق ندور گر اولماسا جانان هایانداسان

سن بیر درین دنیز کیمی جوشقون بولاق کیمین

بیر عمردور کی قالمیشوق عطشان هایانداسان

آخدیقجا گوزیاشیم سوزولور حسرتیم اوزه

غم تیری ائتدی باغریمی شان شان هایانداسان

هی چاتدی جمعه شنبه یه ، هی شنبه جمعه یه

یوخدور بو دوره نقطه پایان هایانداسان

تقویم لرین وراقلاری شاهیددی بیر به بیر

سنسیز اولوب دی مهریمز آبان هایانداسان

مدهوش ائدیب فراق منی آزقالیر یئنه

مجنون کیمین دوشم چوله ویلان هایانداسان


شعر اشاره به ظهور حضرت امام زمان (عج) و گریز به مجلس یزید

حکیم حکمت اوزیله قویوب بو آیلارا نام

شهور محترمه قویسون احترام انام

علاوه آیلارا ایّامده تفاوت وار

شرافیت سَبَبیندن دگول محلّ کلام

نجه که لیله ی قدر اشرف لیالی دور

اونون نظریدی هم جمعه سیّدالایّام

شریف امکنه دن بیر حرمدی بیت الله

بقاع طیّبه دن ارض کربلادی مرام

بیان واقعه ی عدة الشّهوره خبر

اولوب مقدّمه اثنا عشرده شهر صیام

توکندی ماه رجب گلدی نیمهٔ شعبان

که آخر رمضاندا اولا سه ماهه تمام

عزیز آیدی بو آیلار گرک عباداته

اولا بو ماه مبارکده میل خاص و عوام

بو آی پیمبره وار نسبتی اؤزی بویوروب

تحیّتیله منه گوندرون بو آیدا سلام

شب براتیدی بو لیله ی مبارکه ده

گلوب ظهوره تولد اولوب امام همام

بو محترم گجه نین قدرینی چو لیله ی قدر

ائدوب عظیم اولور آمرزش ذنوب عظام

وجود صاحب عصری زمانه خلقینه حق

شب برات برات نجات ائدوب انعام

نزول ائدوب کی ائدوب رحمتین بیزه نازل

وجودینین سببیندن خدای ذوالاکرام

اون ایکی برجی ائدوب سیر آی به آی دولانوب

اولوبدی گون کیمی طالع اولاندا بدر تمام

منوّر ایلیوب آفاقی آفتاب کیمی

ولیک ماه کیمی سیر ائدر بولوطدا مدام

وئرور بو عالم سیرنده سیر افلاکه

ظهور ائدنده وئره نظمیله جهانه نظام

زمانه نی ائده جاق نور عدلیله مملو

دوتاندا یر یوزینی کفردن ظلام ظلام

دگل قلوب خبردار سرّ غیبتدن

اؤزون بو سرّدن آگاه ائله یا علّام

توکندی شیعه لرین انتظاریدن صبری

زمان مصیبتی از بسکه اولدی طول انجام

حضوری وار اؤزی غائب امام حاضردور

دوشوب سبب ندی تأخیره بس ظهور امام

قالوبدی یرده شهیدان کربلا قانی

دونوبدی قانه گوگل لرده قالمیوب آرام

بنا علی خبر کل یوم عاشورا

و کل ارضه گوره کربلادی کلّ مقام

دلیلیم الده دی یوماً فیوم هر گونده

اولور شهید جفای قوم لئام

دوتوبدی عالمی ظلم یزیدیدن ظلمت

اماندی وقت فرج دور ضعیف اولوب اسلام

غلاف غیبت کبرا فداک یامولا

نه وقته تک اولاجاق تیغ انتقامه نیام

سنه نهان دگل ای عالم شهادت و غیب

او ظلملر که ائدوب اشقیای کوفه و شام

یتوردی حدّ کماله یزید نقصانین

کمال نقصیله اؤز ظلمینی ائدوب اتمام

شهور محترمین احترامی ایله قتال

اولوبدی اربعه ی اشهر الحرمده حرام

ولی معاویه اوغلی حرامی بولدی حلال

پوزولدی عاشر شهرالحرامیده احکام

محرّماته که نصّ صریح وارد اولوب

صراحتاً ائدوب انکار ایلدی اقدام

بساط نرد قاباقدا شراب بیر یاندا

برابرینده قیزیل طشت ایچینده رأس امام

حریف بزمیله مشغول بازی شطرنج

بقای سکریله مخمور مست شرب مدام

خطاب ائدردی اولاندا حریفینه غالب

درنگ ایلمه ساقی گتور می گلفام

چو عقلینی اثر باده دن وئروب باده

غرور سلطنت و کامرانی ایام

گوزی گوزینده امامین الینده ساغر می

باخوب امامه گولردی چکردی باشینه جام

خمار خمریله بد مستیلیق گچوب حددن

بیر اؤزگه نغمه چالوب چون خروس بی هنگام

کنایتاً دئدی جدّون حرام ائدوب هرچند

منه حلالیدی ساغر الیمده دور مادام

کسیک باشیلا بو بزمه سلامه خوشگلدون

بو گلماقون سنه زحمت وئروب ولی منه کام

روادی سن باشون اوسته ایاقیمه گله سن

باشاردوقوم قدری ائتمیم سنه اکرام

گلور نقدر الیمدن لوازم حرمت

برین اسیر کمرم سندن ای سلیل کرام

قصاص بدر و حنین آلماقین بوگون گونیدور

الیم شل اولسون اگر بیرجه سینده کسر قویام

دئدی گئدون گتورون چوب خیزرانی منه

آلوب اله او زنازاده ی نمک به حرام

ائدوب پیمبر اؤپن یرلره خلاف ادب

او وقت قالمادی زینبده طاقت و آرام

دئدی الین قوروسون بسدی وورما ال ساخلا

دوروب حرملری ای بی ادب باخولّا تمام

خروش شیون اطفال سالدی مجلسه شور

او گون او بزمیده گویا قیامت ائتدی قیام

مخلّد ایله خدایا شرار قهرونده

نقدر نار جهنّمده وار خلود دوام

(حقیر) ختم ائله کافیدی هول خاتمه دن
حسین آدی اولا ختم نفسده ختم کلام
شاعر : حقیر خویی
موضوع: حضرت امام زمان (عج) ,
زبان شعر و شاعر: نوحه ترکی , حقیر خویی
[آرشیو نظرات]
حضرت امام زمان (عج) 2709
:تاریخ: ۱۳۹۶/۰۶/۲۵
حضرت امام زمان (
حضرت امام زمان (عج)

بیلیرم سیر ائدیسن دشت وبیابانی آقا

قلبیمی قان الیور گوزلروین قانی آقا

ظاهرا چوخدی سنون یاور خواهان و کسون

ولی ترک ایلدیلر تک تکی میدانی آقا

اوخوروخ حمد و ثنا تا که سفردن گلسن

بیر نظر ایله بیزه اولسا گر امکانی اقا

یازیلیب سینمیزه نامه ی غمگین فراق

نقدر بیز گوداخ آیا ره کنعانی آقا

حسرتین چکمیشوخ ای یوسف زهرا نچه ایل

داغلادی آیریلیغین قلب پریشانی آقا

غم عظمادی(عبادی) سنی درک ایلمسه

بیر گجه قلبینون اول گورملی مهمانی آقا

شاعر : عبادی طارمی

بیشتر بخوانید::

متن مولودی و سرود به مناسبت عید غدیر از مداح سید مهدی میرداماد

ولایت فقیه پرتویى از ولایت امام زمان


شعر ترکی در وصف حضرت امام مهدی (عج)

بیر گون عالملری آیینه نور ایلر آقا

الده برنامه سی اعلان حضور ایلر آقا

غیبدن ظاهر اولار جامه عدل اگنینده

مسند حقده دوروب رفع امور ایلر آقا

یارو انصاری رکابینده گزر یئر یوزونی

دولانوب عالمی هر ملکه عبور ایلر آقا

هر یئره گئتسه بیر عده چاغورار یا مهدی

باخوب انصارینه احساس غرور ایلر آقا

ظالمه وئرمز امان فاسدی رسوا ائلییر

چشمه فسق و فساد و شری کور ایلر

سالار اوت بار دگر نسل ابوسفیانه

فتنه برنامه لرین زنده به گور ایلر آقا

دولانار حال مکدرله بلا چوللرینی

کربلا واقعه سین بیرده مرور ایلر آقا

جدینون ماتمینه گؤزدن اولار اشکی روان

ئورگین غصه لره سنگ صبور ایلر آقا

فاطمه قبری نه مدتدی نهاندور ! آقامیز

گلسه بیر بیر آییروب فک قبور ایلر آقا

جمعه لر مهدیه مختص دی زهرا بالاسین

گؤز گورنمز ولی دللّرده ظهور ایلر آقا

عشقوی ذره کم ائتمه آقاما منتظر اول

اولماسا عشق مگر ذهنه خطور ایلر آقا
موضوع: حضرت امام زمان (عج) ,
زبان شعر و شاعر: نوحه ترکی
[آرشیو نظرات]
حضرت امام زمان (عج) 2608
:تاریخ: ۱۳۹۶/۰۶/۲۴
حضرت امام زمان (عج)

عالملرون رهبرینون رهبری

شیعه اثناء عشری سروری

آسمان شرفون اختری

فخر علی آل علی مظهری

فاطمه نون منتقم صفدری

نعره تکبیری آچار محشری

برهم ایدر معر کده صفلری

بیر بیرینه قاتل ایدر لشگری

قصد جداله آچار گر اللری

یاده سالار شیر خدا حیدری

گلسه آقا مهدی صاحب زمان

امت قرآنه ویرر تازه جان

وقت ظهورین بیلن آللهی وار

پرده نشیندور هله اکراهی وار

حضرت حقدن هله چون ناهی وار

عالمی حیرتده قویان جاهی وار

نصّ حجاباته بونون راهی وار

نظم و نجوم سیرینه آگاهی وار

یئر نَدی!گویلرده هوا خواهی وار

عرش برین کو کبینون ماهی وار

شیعه لرون دیلده اگر آهی وار

غم یمسون مهدی کیمین شاهی وار

موهبت حضرت یزانیدور

شیعه لرون دردینه درمانیدور

چخماقا گون سیریده شرمنده دی

شمس رُخی عالمه تابنده دی

حسن وکمالاتی برازنده دی

سوٌزلری چون دُرّ درخشنده دی

ذات حقه یئرده نماینده دی

پرچم حُرّیتی پاینده دی

فکر ایدوسن عشقی فقط سنده دی

حب ولاسی کی و یا منده دی

وصیفنه دیلّلر هامی الکنده دی

شاه و گدا در گهینه بنده دی

نصر من الّله علمون سایه سین

باشیمیز اوستونده خدا کسمه سین

درس محبت کی ویروبدور آنام

آتش عشقیده گرکدور یانام

کاش اولا عالمده مرامه چاتام

غصّه لرون داشینی باشدان آتام

بیلمیورم هاردا سراغین آلام

محضر شاهانه سینه ال تاپام

وردی منادی بئله زیبا پیام

محرم اسرار بقیعدور آقام

فاطمه نون عاشقیدور بتمام

هر گیجه گوندوز اونا ایلر سلام

خاک بقیعده دولانان زائرون

همرهیدور اوردا یقیناً بیلون

گرک دولا ساغر و پیمانه لر

میکده عشقیده مستانه لر

شوره گله محفل جانانه لر

شمعینه مدهوش اولا پروانه لر

کامه چاتا زاهد و فرزانه لر

قلبیده ویران اولا غم خانه لر

عشقیله آباد اولا کاشانه لر

شوقه گله وجدیله دردانه لر

کور اولا تا دیده بیگانه لر

محو اولا تا فتنه فتّانه لر

محفل وحدتده ویرون قول قولا

باغ وبهارین گورَنَه عشق اولا

باغ و بهاریم آقا یابن الحسن

دیلده شعاریم آقا یابن الحسن

دارو نداریم آقا یابن الحسن

شان و وقاریم آقا یابن الحسن

عشق و نگاریم آقا یابن الحسن

سن غمگساریم آقا یابن الحسنصبروقراریم آقا یابن الحسن
جاندور نثاریم آقا یابن الحسن
محو ایت مراریم آقا یابن الحسن
عالمده یاریم آقا یابن الحسنای ذات حقدن الحق امامیمهریئرده اولسون واردور سلامیمموضوع: حضرت امام زمان (عج) ,
زبان شعر و شاعر: نوحه ترکی
[آرشیو نظرات]
حضرت امام زمان (عج) 2606
:تاریخ: ۱۳۹۶/۰۶/۲۴
حضرت امام زمان (
غزل دروصف یوسف زهرا (سلام الله)

گوزونده وارگوزوم جاناگوزونن سالمابوزاری

گوزوم اول گوزلره قربان نولی باخسان منه ساری

گوزلدوربسکه اول گوزلربودورقورخوم که گوزدگسین

گوروم پیس گوزدن هرلحظه سنی حفظ ایلسین تاری

خداآگهدی قلبیمده نجه غوغادی ای جانا

رضای حقیدن اوتری بوزاره ایله بیریاری

اوگونن که یولوم دوشدی درمیخانه ی عشقه

بوقلب زاریمین اولدی می وپیمانه غمخواری

ئورکده بیریارام واردی که مرحمنن عبا ایلور

طبیبیم ایله بیردرمان که یارم اولدی چوخ کاری

گئجه گوندوزفراقینده یاناربیرشمع تک قلبیم

بواوت چوخ بیریامان اوتدورترح ائت منه باری

الیمده چارم اولسیدی غم هجرانه یانمازدیم

داخی ائتمزدیم هریرده بوقدری ناله وزاری

کماندورقاشلارون جاناایکی کیپریکلرین اوخدی

نشانه ائت خدنگیله بوقلب زاروبیماری

باخان احوالیمه سویلر که دیوانه اولوبدوربو

تمامأعالم وآدم ائدوللر منله بیزاری

نولورطعن وشمادتدن قوتارسان گرمنی آخر

عنایت قیل ئوزون گل وئرجواب یارواغیاری

سنون تک شاهه چوخ کمدورمنیم تک بیرگدااولسون

بوواضحدورگلون حتماکنارینده اولارخاری

گوزوم یاشی دونوب قانه فراقینن سحاب اولدی

یاغارنم نم گئجه گوندوزبویاراشگیله رخساری

دونوبدورلیله ی تاره گوزومده گوندوزوم دائم

قوتاربوشام هجرانی ایشیقلاندیرشب تاری

قاپوزدا دائمأ (محزون) گدای ریزه خواروزدی

کرم قیل قویماخوار اولسون چکورچوخ خفت وخوار

شاعر : محزون


اشعار ترکی در وصف حضرت امام مهدی (عج)

ای گوزل سن تک گوله پروانه اولمیم نیله ییم

گوزلریم یولدا قالیب دیوانه اولمیم نیله ییم

هجراودی یاندوردی آمما گلمه دین دیداریما

کیم دوزر بومحنته غمخانه اولمیم نیله ییم

عشق اودین سالدین همیشه بو تالانمیش قلبیمه

سویلوری قلبیم ایوی ویرانه اولمیم نیله ییم

بیلمیرم رحمین نییه گلمیر بو مسکین عاشقه

من نجه مجنونیله همخانه اولمیم نیله ییم

جذبه عشقین منی مجنون کیمی رسوا ایدیب

گزمه ییم من چوللری افسانه اولمیم نیله ییم

عشق اودی بیراودیکه فرزانه اولماز یانمییان

آدیمی عاشق قویوم فرزانه اولمیم نیله ییم

قانیمی معشوق یولوندا توکسله فخر ایله رم

سؤیله رم جلادیمه پیمانه اولمیم نیله ییم

گؤرسم اوز یاریم توکوبدور قاره زلفین گرده نه

قاره زلفه سؤیلرم من شانه اولمیم نیله ییم

ای باهاریم ای نگاریم بیرکره گؤستریوزون

من نجه قربان گؤزل چشمانه اولمیم نیله ییم

بیرگؤزلسن حسنیوین یوخدیرمثالی گؤرمیشم

سؤیله سن واردور یری دوردانه اولمیم نیله ییم

غم منی اولدورسه ده روحیم چتیندیرال چکه

عرض ایده ر جانا سنه پروانه اولمیم نیله ییم

ای صفالی گلشنیم گل ویر صفا یانمیش دیله

عطریوه من روسیه مستانه اولمیم نیله ییمفخریدور ایل لر بویی سن تک گوله من عاشقمخاک پایینده سنین مرجانه اولمیم نیله ییمبوبلا دوتمیش ایوه بیر دفعه سالسان نوریوی
فخرایلر بو ایو دییر گلخانه اولمییم نیله ییم
آذری جانانینا بو جانی قربان ساخلاییبمن فدا ای نازنین جانانه اولمییم نیله ییم


این مطلب چقدر مفید بود ؟
(1 امتیاز , میانگین: 5.0 از 5)  

دیدگاه ها

شما هم می توانید نظرات خود را ثبت کنید



کد امنیتی کد جدید
hits

آخرین مطالب دلگرم

StatCounter