دلگرم
امروز: پنج شنبه, ۰۹ فروردين ۱۴۰۳ برابر با ۱۷ رمضان ۱۴۴۵ قمری و ۲۸ مارس ۲۰۲۴ میلادی
گلچین سوزناک ترین متن مداحی ترکی برای اربعین سیدالشهدا
25
زمان مطالعه: 25 دقیقه
در این مطلب جدیدترین متن و شعر ترکی برای مداحی نوحه محرم و اربعین حسینی آماده کرده ایم که می توانید برای زائران کربلا یا در مجالس عزاداری اربعین حسینی استفاده کنید.

متن مداحی نوحه و روضه ترکی ویژه اربعین و محرم

متن مداحی نوحه اربعین حسینی

نجه دوزوم دایانوم گلمیوم فغانه نجه

حسین تشنه لبین اربعیندوربوگجه

سحرآچیلسانوائیله نینوادولاجاق

قیامت عالمی عالمده آشکاراولاجاق

نوایه نی کیمی سکان آسمان گله جاق

اوقبرپاکه نچه دسته کاروان گله جاق

حسین دیه دیه گوزیاشلی شام اسیرلری

زیارته گله جاق شمردستگیرلری

رباب اصغره لای لای دیه دیه گله جاق

یواش یواش بالام ایوای دیه دیه گله جاق

عروس اودسالاجاق حسرتیله ایجاده

فغانیله گله جاق اربعینه داماده

شرارحسرتیله لیلی سینه داغلیه جاق

علی اکبره پایین پاده آغلیه جاق

بیوک لرآغلیه جاق خیرداقبریده یاتانا

لب فراتیده لب تشنه قانینه یاتانا

باتوب فغانیله کلثوم تازه بیریاسه

سرشگیله سپه جاق سومزارعباسه

خدابولرنه حاله علی قیزی قالاجاق

اوزون نجه اوگوزل مدفن اوستینه سالاجاق

دلینده ناله الینده حسین پیرهنی

نه نوعی اوخشیه جاق اوشاه ممتحنی

یوزونده گوزیاشینی قطره قطره سان ویره جاق

کبوداولان بدنین قارداشانشان ویره جاق

دویونجه آغلیه جاق گوزیاشین روان ایده جاق

رقیه حالینی قارداشینابیان ایده جاق

حسینینه دیه جاق تیکمه چوخ گوزوی یولا

خرابه ده بالام ئولدی سنون باشون صاق اولا

اونون اوحالینه تاوارجهان جهان یاناجاق

ولی عصرین اولوب اشگ چشمی قان یاناجاق

مجسم ایلیه جاق ((نجمی))حالین آغلیه جاق

رقیه وای دیه جاق غمله سینه داغلیه جاق

شاعر : نجمی


شعر نوحه و روضه اربعین حسینی

جانانینه عشّاقدن ای عشقی اولان باش

جانلار بوگوزل قبریوه قربان اولا قارداش

درگاه ملک بوسیدی نطق دله گلدیم

قارداش باجیوخ ایتماقا درد دله گلدیم

هبهات دئردیم دونه بو وصلته هجران

قسمت اولا قبرون منه ای شاه لب عطشان

توفیق خدادی ایلیوب لطفنی شایان

تحسین ایده واردور یری اقبالینه زینب

یاخشی یتوشوب کعبۀ آمالینه زینب

گلشن کیمی سیرینده عجب ذوق و صفا وار

بلبلری شوره گتورن عشق و وفاوار

ثارالله آخان یردی تُرابوندا شِفا وار

مَسجود خلایقدی نه تک خاک شِفادی

بو قبریدی ششگوشه و یا عرش خدادی

مدفن دیمرم من بورا کاشانۀ جاندور

روحیمدی یاتان بوردا بو یررشک جناندور

سس ویر سسیمه غصّه لی گویلوم دولی قاندور

گتدی بورا باشیمدا اولان عشق حسینی

اورگتدی وفا درسنی سرمشق حسینی

حاشا ایتورم حقّوی ای مهردل افروز

نورون منه یار اولدی اولوب تیره شبیم روز

وصل عالمینه آچدی یولی نالۀ جانسوز

یغدیم حرم و عترتیوی باشیما گلدیم

قان آغلاماقا سنکیمی قارداشیما گلدیم

ماتم زده یم نالۀ آهیمده اثر وار

رخساره آخان خون جگر اشک بصر وار

دنیایه سالان اود دل زاریمده خبر وار

کشف ایتماقا کیفیّتی وار وقت و فراقت

نطقیم کسولوب حیف اولا یوخ شرحینه طاقت

دنیاده سنون جود و کرامتدی شعارون

آل لطفیله گویلون آنام اوغلی بو فکارون

دیندیر باجووی منبع رحمتدی مزارون

پابوسونا نازل اولی افواج ملائک

بو مرقده روحی بابی اُمّی فدائک

هر قدر اوپوب ایگلورم اولمور دِلَه کافی

بولدوم نیه جدّیم دئدی بو قبر طوافی

مین حَجّدن افضلدی سوزون یوخدی خلافی

ای وارث موسی دیه سن طوریدی بو یر

وار نور خدا جلوه سی پُر شوریدی بو یر

هرگز دئمرم زینبی سن گوزدن آتوبسان

وارحقّون اولوب دینه فدا قانه باتوبسان

قربان بوگوزل قبریوه یات یاخشی یاتوبسان

سیننده بو شهزادۀ اصغر علی اصغر

مدّ نظرونده علی اکبر علی اکبر

آندولسون عزیز جانیوه ای روح روانیم

لیلانون اوغول وای سسینه یوخدی توانیم

اوخشار او چخار عرشه منیم آه و فغانیم

بلبل کیمی دوشجاخ گوزی خندان گله قارداش

آغلار دئر اُلسون علی بی کس آنان ایکاش

دربار سلیمانیده عزّتلی عیالون

سالموش الینه عشقیله دامان وصالون

لایلای دیسه آرتار بولوری دردملالون

ایوای دئر اصغره اول دیده سی خونبار

دنیایه گَلوب نه گَلَی بیر بیله وفا دار

اعجاز ایله دور مهریوی دنیایه بولوندور

باش سیز بدنیله منی اطفالیوی دیندور

لطف ایله قیزون فاطمیه نور دو عیندور

هجرعلی اکبرده دونوب گوزیاشی قانه

چوخ ظلم ایلیوبدور بالاوا دور زمانه

چوخ شایق اولوب قاسم شهزاده آناسی

طوی حجله گهینده آلا عطر گل یاسی

آلدوقجا مشامه اوجالورآه و نواسی

مدتدی چکوب بسکه غم و محنت هجران

قبر اوسته گلوبدور ایلیه ناله و افغان

سو آدی گلنده دله ای سرور مظلوم

آفاقی دوتان نالۀ جانکاهیله کلثوم

نهرالقمه یوز دوندریری با دل مغموم

سسلردور ابوالفضل ایله قان ایلمه اشگون

میل ایله سو دولدور باجون اُلسون قوری مشکون

سن راه وفاده دایانوب گچمدون اُلدون

نفسینده حسینیمدن اوگون سچمدون اُلدون

آلدون سویی بیر قطره سودان ایچمه دون اُلدون

آراموی آلموشدی سوسوز قیزلارون آهی

بیرده سودا گوردون رُخ لب تشنۀ شاهی

ای عاشق صادق اولان اوز نفسینه غالب

بو مهرو وفا اولدی او قدرتدن عجایب

اولدون سو یاننیندا سوسوز اُولماقلیقا طالب

مبهوت ایلیوب جمله سینی اهل دمشقون

آغلار گوزیله ( مبکی) اولوب منشی عشقون

شاعر : مرحوم مبکی تبریزی

بیشتر بخوانید::

متن نوحه اربعین حسینی جدید

16 متن مداحی نوحه ترکی اربعین (سری دوم)


جدیدترین متن مداحی ترکی اربعین حسینی

وئردی نتیجه آل علی استقامتی

احیا ائدیب دی دینی حسینین شهادتی

گرچی اولوبلا بیر نئچه گون دشمنه اسیر

هر تک تکی اولوب شهدا قانیینه سفیر

صبر ائیلییب مصائبه آماله چاتدیلار

هر بیر مکاندا پرچم حقی اوجاتدیلار

مسکن ائدیب خرابه نی تا آل مصطفی

تاثیر ائدیب دی عالم امکانه ماجرا

شام اهلینه موثر اولوب وا حسین سسی

خلقی آییتدی حضرت سجاد خطبه سی

شام اهلی آز زاماندا اولوب مطلبه خبیر

آل پیمبری ائلییوبدور یزید اسیر

آل امیه نین اوزه چیخدی قساوتی

خلقه یئتیشدی کرب وبلانین حکایتی

اونلار کی فکر ائدیردیله باتدی حسین قانی

انسانلاری گوروبله اویاتدی حسین قانی

شامین فضاسین ائیله دی بر هم فغان سسی

لرزه سالیب دی کاخ یزیده اذان سسی

وئردی رقیه گوشه ویرانسراده جان

رسوا ائدیب یزیدی او مظلومه هر زمان

نفرین یزید و آل یزیده اولوب مزید

بحرانیدن قوتارماقا یول آختاروب یزید

گوردی بویوک خطرده اساس حکومتی

ناچار اولوبدی باشلادی آیری سیاستی

ابن زیاده لعنت ائدوبدی او بی حیا

ما لی و للحسین دئیوب ائتدی آه و وا

چوخ ساده فرض ائدیر دی او ملعون قضیه نی

بیلمیردی کی بو قان ییخار آل امیه نی

دیل آچدیلار مذمت اوچون تا که عام و خاص

تصمیم دوتدی تا اسرانی ائده خلاص

تا آل حیدرین گتیره قلبینی اله

قتل حسین ده گتیروب عذرینی دیله

دعوت ائدیب دی حضرت سجادی محضره

تا کربلا شهیدلرینه خونبها وئره

بو سوزله بیرده قلب لرین داغلیوب غرض

دنیاده وار مگر شهدا قانینه عوض

باخ بیر یزیده گور نه قدر ائیله دی ستم

قیمت بیلیر حسین قانینا درهم و درم

بیرده علی اکبره همتا گلر مگر

اوغلی اولن آنا غمینی کیم بولر مگر

داغلار آغریلیقی وئره له سکه طلا

هاردا رباب و لیلی بو امره اولار رضا

دعوت ائدیب امامی حضوره او بد مرام

چوخ اعتضار ائدیب ائله دی چوخلی احترام

ایستیردی ظاهرا یئتیره حُسن نیتین

وعده وئریب امامه روا ائتسین حاجتین

بو حالیده امام یانیب توکدی گوزیاشین

اول ده ایسته دی شه دینین کسیک باشین

کرب و بلانی یاده سالیب قلبی اولدی قان

اول دم ایکنجی حاجتنی ائیلدی بیان

تشریح ائدیب دی لشگر ائده ن ظلم و محنتی

تا قیته ره اوز اهلینه اموال غارتی

بیئرده بویوردی وار نظرین قتلیمه اگر

مامور ائله بو قافلیه بیر امین نفر

چوخ اینجیدیب گلنده بیزی شام و کوفیان

عزتله تا مدینیه گئتسین بو کاروان

چوخ سوزلر اولدی رد و بدل حاصل کلام

آلدی اثاث غارتی اشراریدن امام

منظور اولوبدی زینب صدیقه ایسته گی

جان تک باسیب اورک باشینا قانلی کوینگی

اولدی اگرچی قلبلری غصه دن کباب

فاتح اولوبلا مقصدینه چاتدی انقلاب

پر بسته قوشلاری قوتاریب رنج دامیدن

سرعتله عشق قافله سی چیخدی شامیدن

کوی وفاده خوشلادیلار آشنا یولون

شوقیله آختاریردی هامی کربلا یولون

بیر یول کی تا قیامته جک وار مسافری

بیر قبر کی زیارت ائدیر عرشی زاییری

بیر کاروان او قبره طرف شوقیلن گئدیر

بیر عده کی نفسلری آفاقه حکم ائدیر

بیر قافله کی حق دیله هم حقه رهنما

قرخ گوندی گوز تیکیب یولونا خاک کربلا

نه کربلا کی مهر ولانین باتان یئری

یئتمیش ایکی یارالی لب عطشان یاتان یئری

بیر کربلا کی کعبه دن آرتیق صفاسی وار

عشق اهلینین او یئرده بیوک مقتداسی وار

بیر گلستاندی زینب اونون باغبانیدی

قرخ گون اولار کی قارداشینین نوحه خوانیدی

قرخ گوندی چوللری دولانیب زار و خسته دی

قرخ گوندی که عزالیدی قلبی شکسته دی

قرخ گوندی انتظار چکیر وصل یارینه

شرح ائیلسین اورک غمینی اوز نگارینه

یاد ائیلییور آنا بالاسین باجی قارداشین

هر کس انیس ائدیب اوزونه آه و گوزیاشین

گورسندی ناگهان گوزه صحرای نینوا

بی تاب ائدیب اورکلرینی شوق کربلا

هر کس کتاب محنتی بیرده وراقلادی

کئچمیش لری خیاله سالیب یاندی آغلادی

یاده دوشوب خیامه عدو ال آچان گونی

خردا اوشاقلارین تیکان اوسته قاچان گونی

یاده دوشوب سو اوسته سوسوز دوغرانان بدن

یوز دوتدولا فراته هامی دل دولی محن

آخ ای فرات آخ نیه قانیله دولمادون

پیغمبرین بالالارینا قسمت اولمادین

آخدون فرات چوللره اود دوشدی دیللره

اوخ قسمت اولدی سو یئرینه تشنه اصغره

سقانی درد و محنته آکنده ائیلدون

سو قولی وئردی قیزلارا شرمنده ائیلدون

گر چی سو صحبتی هامی دان سلب ائدوبدی تاب

باخدی فراته وای بالام ایوای دئیوب رباب

گلدوقجا موجه سو بالام ایوای دئیوب رباب

سالدی خیاله اصغری لایلای دئیوب رباب

اطرافه باخدی حسرتیله دیلده آه و وا

سسلندی هارداسان گل علی گلمیشم بالا

آختاردی تاپدی هر کس او ماواده دلبرین

ابر بهار تک هامی دولدوردی گوزلرین

هجران غمی یئتیشدی باشا وصله چاتدیلار

اندوه ودرد و محنتی یاتدان چیخارتدیلار

گرد ملال و محنته بیئرده بوروندولر

شاه شهید قبرینه ساری سوورندولر

بیر یولدا عشق روح و روان وئردی زینبه

کرب و بلا هواسی توان وئردی زینبه

چکمیشدی قارداش حسرتینی قرخ گونی مدام

قبری گورن کیمی اوجادان عرض ائدیب سلام

آرامین آلدی قارداشینین تشنه اولمگی

قبر اوسته سالدی دیلده فغان قانلی کوینگی

شوق وصال آلدی اورکلردن اختیار

گویا بهار فصلی ائدیر بلبل آه و زار

ابر بهار تک هاموسی دولدوروب گوزون

گتدی دیله اورکده اولان آیریلیق سوزون

بو آلتی گوشه قبریوه یوروقون جانیم فدا

دور بیرایاقه زینبی پیشواز ائله اخا

دور قبرین اوسته بیر سوری آهو گتیرمیشم

یاتما فراتیدن سنه من سو گتیرموشم

گتدیم مزارون اوستنه یورقون بالالارین

قارداش بویور نه حال دادی الان یارالارین

من قتلگاه عشقیده سندن دویانمادیم

عفو ائت منی کی یاروه مرحم قویانمادیم

سندن صورا حسین دئمیرم چکمیشم نه لر

باخ گور نئجه قوجاتدی منی درد و غصه لر

شامین بلاسی چوخدی اخا شرح اولان دگیل

مین لر کتابه گر یازیلا قورتولان دگیل

غم گئچدی حد یدن بالالار تاب ائدنمدی

قالدی رقیه شامیده قارداش گلنمدی

ئولدی بالام جنازه سینه تاپمادیم کفن

اوز گوینگیله دفن ائیله دیم محنتیله من

قولباغلی گئتمیشم ولی آزاده گلمیشم

اما رقیه دن ساری شرمنده گلمیشم

شامل ائدیب دی لطفینی حق بو سفر منه

باش اگمدیم سنین کیمی هیچ یئرده دوشمنه

الله عنائت ائتدی منه بو سعادتی

بو من بو اربعین بو مزارین زیارتی

قورتولمیاندی گرچی منیم درد و محنتیم

ایکاش بو مزارین اولا بیرده قسمتیم

باخدوقجا دیلده چشمه غم جوش ائدیر حسین

قبرین صفاسی عالمی مدهوش ائدیر حسین

اشعار محمد هوشمند (مدهوش)

بیشتر بخوانید::

16 متن مداحی نوحه ترکی اربعین

متن نوحه اربعین حسینی جدید


متن مداحی اربعین به زبان ترکی آذری

گنه مرغ گوگل بیر نغمۀ خوش داستان تاپدی

غریبه نغمه خوان اولدی عجب شرح وبیان تاپدی

قویوب اوز لانه سین ویرانه گئتدی غم دیارینده

دل عشاق تک ویران اولان بیر آشیان تاپدی

بهار عمرینی وئردی خزانه جور خاریله

دولاندی شرق و غربی بیر پوزولموش گلستان تاپدی

نه گوردی گوللری یکسر اولوبدور خاکیله یکسان

او گلشنده ولی بیر جمع پوزقون باغبان تاپدی

وئروب گون سوزی یولدا باغبانلار رنگینه تغییر

شکفته گول کیمی بیر دسته رنگ ارغوان تاپدی

دئمه مرغ گوگل آد قویما گَل مقصودی گیزلتمه

حسین قبرین خلاصه زینب بی خانمان تاپدی

یوزون قویدی او قبره عرض ائدوب دور گور آنام اوغلی

نه زحمتله سنون قبرون بو یورقون کاروان تاپدی

بو مدّتده باجون هئچ استراحت گورمدی یولدا

گلوب دردین دئسون ایمدی سنه دارالامان تاپدی

اجازه وئر دیوم اوز دردیمی دارالامانوندا

بو مدتده حسین دارالامان زینب هاچان تاپدی

جداده گون کیمی سیر ائتدی باشون شام و شاماتی

شب یلدا باشوندان یولدا فیض شعشعان تاپدی

خرابه کوفه ده قودی باشون خولی کول اوستونده

گلوب کول اوسته باشون نصف شب زهرا آنان تاپدی

گوتوردی باغرینا باسدی بویوردی وای حسینیم وای

اوغول سن تک قوناق دنیاده هانسی میزبان تاپدی

حسین مرجانه اوغلی مجلسینده قویمادی نقصان

تماشایه او بزمه یول تماماً کوفیان تاپدی

نصارالر کلیساسینده قالدی بیر گجه باشون

موفق اولدی راهب دین حق انجیلیان تاپدی

گجه بیر خردا قز یوللاردا یورقون ناقه دن دوشدی

دایاندی قانلو باشون گئتمدی تا ساربان تاپدی

گیرنده شامه باشون بیر بیره شام اهلی سویلردی

امیر شامه هاردان شمر بیله ارمغان تاپدی

رعیت شهردن چخدی کناره باغلادی بازار

عجب گون لر حریم عصمت اسلامیان تاپدی

حسین دروازۀ ساعتده دوردوخ بیر نچه ساعت

او وضعیله بیزی بیر نچه دسته کف زنان تاپدی

خلاصه شامدن شامه دئسم سوز واردی سینمده

نلر گوردوخ نه محنتلر بو زار و ناتوان تاپدی

ولی وئرّم اشاره مجلس شطرنجدن قارداش

مباهات ائتماقا چون وقت فرصت شامیان تاپدی

نجه مجلس قویولموش بیر طرفده تختۀ شطرنج

دولاندی هر طرفدن می بساطین ساقیان تاپدی

یزید ائتدی اشاره ساقیا بیر بادۀ گلگون

عجب بختیم دولاندی بیر بئله خوش بیر زمان تاپدی

ایچوب می اوینادی شطرنج اولاندا هر زمان غالب

حریفه اوز غلامیندن دونوب بیر خیزران تاپدی

بیزی ویرانه منزلدن ائدنده مجلسه احضار

جفاجولر دولاندی نچّه محکم ریسمان تاپدی

قویونلار تک بیزی محکم طنابه باغلادی دشمن

یخلدیم عمه وردین خردا قزلار هم زمان تاپدی

قاباقجا سید سجاد باغلاندی من آخرده

او حالیله بیزی مجلس ایچینده ایلچیان تاپدی

سوزون ساخلا بو یرده یازما قالسون مطلبون ناقص

حسین قبرین مکرر گورموشم ناقص یازان تاپدی

((رفوگر)) گورسه بیر وقفه اؤزون قبرون کنارینده

یقین ایلر ایکی دنیاده خیر جاودان تاپدی

شاعر : مرحوم روفه گر


متن نوحه ترکی به نام مسافر اربعین

گلدی زینب اربعینه

بو صفالی سرزمینه

یانمیشام نا رفراقه

قیل نظر بو دلغمینه

دور ایاقه ای یارالی

ای دوشن ائلدن ارالی

قبریوه قربان حسینجان

سن یارالی من یارالی

دور صفالی قبرین اوسته

بیر سوری آهو گتیردیم

نهر علقمدن حسینیم

میلین اولسا سو گتیریدم

ای امیدیم دور ایاقه

خوش صفا ائیله قوناقه

آز قالیر عمروم قوتارسین

باخ باجیندا اشتیاقه

گلمشم بو قبرون اوسته

بیر دویونجا اغلییم من

ویر نشان الان حسینیم

یاره ن اولسا باغلییم من

اشعار محمد هوشمند (مدهوش)


گلچین بهترین متن مداحی ترکی اربعین حسینی

بوگون قرخ گوندی زینب سینه داغلار

غریب قاداشینه چوللرده اغلار

بوگون قرخ گوندی باد ظلم اسوبدی

عدو هم باش کسوب هم ال کسوبدی

بوگون قرخ گوندی باغ دین صولوبدی

او قانلی گوزلره تپراق دولوبدی

بوگون قرخ گوندی لیلا دربه دردی

رباب اوز اصغرینن بی خبردی

بوگون قرخ گوندی سرگرداندی زینب

حسیندن ایرلوب نالاندی زینب

بوگون قرخ گوندی اعدا کام الوبلار

ابولفضلین قولون تندن سالوبلار

بوگون قرخ گوندی زهرا ساخلیوب یاس

کنار نهریده باشسیزدی عباس

بوگون قرخ گوندی قان یرده قالوبدی

حسینون باشی اللرده قالوبدی

بوگون بیر گوندی گلمیش جان نوایه

گلور زینب دوباره کربلایه

بو گون بیر گوندی عالم تار اولوبدی

باجی قارداشینه زوار اولوبدی

گلور زینب الینده قانلی سوغات

دیوردور یا حسین گی کوینگون یات

گلور زینب وصال عشقی جاندا

ولی نازلی رقیه یوخ یاننیندا

گلور زینب قوناق شاه حجازه

حسین اما دورانمور پیشوازه

گلور زینب توکور دامانه قان یاش

دیوردور گوزلرون قربانی قارداش

گلور زینب ویرا تل اوسته پرچم

اسه پرچم دوتا عباسه ماتم


متن مداحی احوالات اربعین

دویونجا اؤپدوله قبر حسینی آغلادیلار

بیر آز بوشالدی دولان قلبلر او ماتم ده

بُیوردی زینبه کلثوم اذن وئرسن اگر

گئداخ زیارت عبّاسه نهر علقم ده

اؤرکده دردیمه آگاهی سن ئوزون نه دیوم

سنه عیاندی غم آشکار و مبهم ده

بو نسگلیم اؤرگیمده قالوبدی قارداشیما

دویونجا آغلامادیم اون بیرِ محرم ده

عزا علمینی زینب فراته نصب ایلدی

تمام عزایه گَلَنلر جمع اولدی اُول دم ده

فقط دالیا او جمعدن قالان رباب اولدی

نیه یوباندی بُولراهل دل اشارم ده

ال آتدی باشینه هر کیم او خردا قبری گوروب

ایله مزار ایله زوّار اولماز عالم ده

بیری دیردی عمو قانلی مشگیوه قربان

بیری دیردی گوزوم وار بو قانلی پرچمده

اگرچه دیلده قالار دایم آیریلیق آجیسی

ولیک قارداشینی یاخجی اوخشار ئوز باجیسی

توخوندی بادِ خزان گلشنی خزان اولدی

او بزم ماتمه کلثوم نوحه خوان اولدی

دئدی اجلدن امان اولدی قبریوه گلدیم

بو کویِ عشق و وفاده وفالیَم یارالی

بو قانلی پرچمیوی توزلی قبریوه آچدیم

منی گورن دیمه سین دست خالیَم یارالی

آناما هر سوزون اولسا بویورگلان آپاریم

مدینیه گئدیرم ابتلالیَم یارالی

او گون که سندن اوزاق دوشموشم باجون ئولسون

شکسته نی کیمی دائم نوالیَم یارالی

قولون دوشن یری اؤپدوم گلنده علقمیه

اوجادان آغلامادیم بس حیالیَم یارالی

باشیوی نیزه ده یوللاردا گورمدیم قارداش

اودور بو مدتی سندن آرالیام یارالی

باجی دوگولسده قارداشینا دِئمَز دردین

نجه دیوم سنه منده یارالیام یارالی

پوزوبلا مجلس ابن زیادیده حالیمی

همان اومجلسین آشفته حالیام یارالی

طبقده باشیوی سوغات گَتدولر او یئره

ملالیوین اودی غرق ملالیام یارالی

بیوک مزاره قویّالار اوجا بوی انسانی

نیه کیچیکدی مزارون خیالیام یارالی

رقیّه دن اوتانورسان اگر اوتانماگینان

ئولوبدی شامیده منده عزالیام یارالی

گئدیب مدینه ده ئولسم ده افتخاریمدی

یازالّا باش داشیما کربلالیام یارالی

قلم الیمده گزور گه مدینه گه شامی

اؤزومده بولمورم آخرهارالیام یارالی

سخلمیشام قاپوزا «عندلیب» نالانم

واریم امیدیم اگرچه خطالیم یارالی

شاعر : عندلیب تبریزی


متن مداحی ترکی احوالات حضرت زینب کبری (سلام الله) در اربعین

سووشا مین ایل اگر سولماز حسینون چمنی

گوزیاشیملان چمن معرفته سو ویرنم

یوخدی عقلونده دوام درک ایده سن منصبیمی

مکتب عشقیده مریم لره درس اورگدنم

طلقا زاده منم فاطمه مظهر زینب

مکرووی ماخلقه همتیلن بیلدیرنم

سنه تعظیم ایلیور بت کیمی گر ملت شام

سن بت اولسون من علینون قیزیام بت شکنم

سوزلریم گلدی گران حاکم جباره حسین

دیدی حد ستمی عالمه من گورسدنم

ویردی مسکن بیزه بیر مسجد ویرانی یزید

سنه خاطر او خرابه یری مسکن ایدنم

آه او وقتدن کی گلوب منزلیمه قانلی باشون

دیدی بیر قیز بابا ،جان باشووه قربان ویرنم

اوپدی قانلی لبووی یومدی قرا گوزلرینی

او ئولنده باشینا خاک خرابه سپنم

بالاجا پیکرینی قبره اوزوم قویدوم اوگون

اوز الیمنن بالامون اوستونه تپراق توکنم

سن ئولنده سورا بیر دفعه حسین گولممیشم

او گولن وقته ولی ناقه لره اوسته گولنم

شام ویرانی رقیه وطن ایتدی اوزونه

او قیزی ترک ایلیوب کرب و بلایه گلنم

بیر دعا ایله حسین منده ئولوم راحت اولوم

سن گیدوبسن ولی من دهریده ویلان گزنم

زینبون داشینی عالمده آتوبسان قارداش

قویوب آواره منی حقه چاتوبسان قارداش

فوج آلام و بلا قارداش اگوبدی بلیمی

سرمیشم قبروون اوسته بو آغارمیش تلیمی

بیر گون عرضینده منیم یدی جوان یاریم ئولوب

نهرین اوستونده شرافتلی علمداریم ئولوب

سارالان گلشنه بیر یولدا صفا ویر قارداش

بو یورولمیش باجووا بیرده صدا ویر قارداش

زهریلی بیر سه پر اوخ کاسه صبری جالادی

اصغر تشنه لبین گول بوغازین پارچالادی

رسمیدور حرمت ایدر صاحب خانه قوناقا

قاسمی با خبر ایت گلدی عروسی اطاقا

ای (نوید)شکر ایله سن خالق دنیایه بوگون

سنی نوکرایلیوب حضرت زهرایه بوگون

شاعر : کربلایی نوید آسال اردبیلی

بیشتر بخوانید::

جدیدترین متن های نوحه اربعین حسینی

جدیدترین متن و شعر نوحه ترکی اربعین

جدیدترین تکستهای نوحه اربعین حسینی


متن نوحه و روضه زبانحال حضرت زینب کبری (سلام الله) در روز اربعین

گلدی شامیدن دربدر باجون آچ گوزون اویان خواب نازیدن

من ویروم سنه شامیدن خبر سنده ویر خبریبر حجازیدن

سالموسان منی درده دور گیداق یاتما بو قوری یرده دور گیداق

دفن اولونماموش من اسیریدیم بو دیاریده پیکرون سنون

اولدی جلوه گر پیش رویمه گل کیمی سر انورون سنون

کوفه ده منه ویردیلرخبرساربان کسوب اللرون سنون

اوددوتوب یانار قلبی زینبین بو مصیبت جانگدازیدن

دردیمی دیوم بیر به بیر سنه سنده گل دله همزبان اولاق

قبرین استه من سن مزاریده تازهدن گینه باغریقان اولاق

فرصت اولمادی نوجوانلارین قبری استه بیر نوحه خوان اولاق

گل درنمدوق هیج طریقیله بیز بو گلشن سر فرازیدن

هرنه جور و ظلم ایتدیلرمنه هیچ بیرینه من بیله یانمادیم

جان ویرنده سن چارم اولمادی گوزلریوی من باغلیانمادیم

نعشین استه آت چاپدیلار سنون بیردویونجا من آغلیانمادیم

اغلیه آغلیه تیز آیردیلار فوج بلبلی سرو نازیدن

قوی ازل دیوم ظلم کوفه دن سنده یان من دربدرکیمی

هیچ عزیز اسیر اولماسون حسینآخری من دیده ترکیمی

جورو ظلم چکموبدی دهریده بیر نفرمن خون جگرکیمی

حالیمه منیم کافر اغلادی کوفه ده اولان پیشوازیدن

گورمیوبدی قارداش بو دهریده سن کیمی نه من تک اولا باجی

اولدی نازنین باشیوه سنون گون ایوینده یر نیزه لر اجی

شمریله سنان سسلنوردولر یول ویرون گلور فوج خارجی

گون یوزی دوتولموشدی چون او گون ناله و دف و چنگ و سازیدن

شاعر : مرحوم ذلیل تبریزی


متن نوحه مفهومی ترکی احوالات اربعین

هر گوشه دن نوای حنین و انین گلور

دلدن شکسته نی کیمی ناله حزین گلور

برق شرار اه اولوب بسکه سینه سوز

کانون سینه دن نفس اتشین گلور

طوفان گریه موجه گلوب بحر دیده دن

دریا کیمی کنارینه در ثمین گلور

یر گوگ اولوب حسینه مگر مجلس عزا

فریاده ساکنان سپهر برین گلور

ایتموش احاطه شش جهتی بانک الصلا

گویا صلای ماتم سلطان دین گلور

ماتم نشین پیمبر و صاحب عزا خدا

هم انبیا عزاسینه هم مرسلین گلور

گوکدن یره نزول ایلیوب بزم ماتمه

فرش ایتماقا ملائکه بال و پرین گلور

خورشید اسمان حیا بنت مصطفی

صف صف صاق و صولا دوزولوب حور عین گلور

عشرین ماه عاشرشهرمحرمی

تکمیل ایدورصفرخبر اربعین گلور

شاه شهید روضه سینه روضه خوانلوقا

بیرکاروان اسیرخرابه نشین گلور

کلثوم نوحه خوان دالیجا سینه زن زنان

اطفال دسته دسته یسارو یمین گلور

زینب الینده قارداشا قارداش نشانه سی

حاضر دوتوب او قانه باتان کوینگین گلور

شش گوشه قبرینی چکوب اغوشه جان کیمی

اغلار انا یرینده اولوب جانشین گلور

هر تیر غم که شست فلکدن اولوررها

اول نشانیه دل زینب قرین گلور

صیاد تک کمان کش گردون جانمین

قصدینده دور ایدوب منی دائم کمین گلور

هانسی مصیبتیندن ایدوم ذکریابن ام

بیبیر خیالیمه ستم اهل کین گلور

گویا ایدوله هلهله میداندا غارته

فرمان ویروبله خیملره مشرکین گلور

زلفیم آغاردی اونداکه گوردی بو گوزلریم

خنجر الینده قتلیوه شمرلعین گلور

قدیم کمانه دوندی او گوندن دوزلمدی

گوردوم جداده تا که سر انورین گلور

گاهی معاینه نظره گه خیالیمه

عریان قالان او گل بدن نازنین گلور

بیمارامام خاک شفادن شفا آلا

حاذق طبیبه تا دیه درد دلین گلور

شاعر : مرحوم حقیر خوئی


متن مداحی پر معنی ترکی احوالات اربعین

خلاص اولوبدی عیالین طناب و سلسله دن

بو اهل بیتیوه زینب اسیر سلسله دی

اوزونده نیزه ده گوردون یارالی باشیله

گیرنده کوفیه گوردوم غریبه غلغله دی

بو دشتیده داغیلاندا ستمله سلسله میز

انیس عترت اطهاره قید و سلسله دی

خزان خزانیده قالسون هنوز گل گلده

نه چون که بلبلین عشق و محبتی گله دی

رقیه نی خبر آلسان اولوب خرابه نشین

اوزی گلنمدی مندن سنه سلام ایلدی

بیله خیال ایلمه گلدی من گتورممیشم

دیدیم گیداق دیدی عمه ایاقیم آبله دور

ووروبلا سلسله سجاد بوینونا قارداش

همین علامت زخمی نشان سلسله دی

سنین یولوندا یتوب هر بلا منه خوشدور

شرار قلبیدی بو درد دل دیمه گله دی

یتوب وجودیمه از بس جراحت و صدمه

بو صدمه لر اثری ظاهریدی نه دله دی

ولیک دلده اولان یاره لر سانا گلمز

سنه یتن غم و غصه حسین بو خون دله دی

باشیم آغاردی اولوب قامتیم خمیده حسین

او گون که باشیوی شام اهلی سنگسار ایلدی

آچوبدی چگنینی قمچی یرین نشان ویردی

دیدی بو مدتی قارداش منیم ایشیم بیله دی

دایان بو یرده سوزون یازما ختم ایله(خازن)

هدف بو نوحه لریندن امامیدن صله دی

شاعر : مرحوم خازن تبریزی


زبانحال حضرت زینب کبری (سلام الله) در روز اربعین

یتوشدی کرببلا ایچره شام قافله سی

امام قبرینه گلدی امام قافله سی

امام دوردی قباقدا سلام عام ایلدی

کچاوه دن توکولوب اهلبیت سلام ایلدی

یخلدی زینب کبری او قبر پاک استه

مداد اشکیله صورت چکوبدی خاک استه

آچوبدی چکنینی قمچی یرین نشان ویردی

دیدی بیر ایلدی برادر منیم ایشیم بیله دی

بو وضع حالیمی من سندن اوزگیه دیمرم

چمنده چوخ گلیله بلبلین سوزی گله دی

بدن یانوب خبر السان اولوب بنفشه کیمی

گوزوم یاشین خبرین دوتما چشمه تک ایلدی

اغور سلسله سجادیوین ایاقندا

همین بو قرمزی چکمه نشان سلسله دی

منیم باشیم اغاروب اولدی تار سنبل تک

گورنده قانلی باشین سنگسار سنگله دی

رقیه نی خبر السان اولوب خرایه مزار

دیدیم گیداق دیدی عمه ایاقیم ابله دور

اوقیز اوزون باشین استه سالوب دیدی الورم

دانشمادون اونیله سنده بو نه حوصله دی

ویروبدی جان قولی باغلی منیم قوجاقیمده

اوزی گلنمدی مندن سنه سلام ایلدی

یزید ایوی اولا گوگلوم کیمی منیم ویران

پیمبرین ایوینی ظلم الی خراب ایلدی

الوبدی قوم و قبیلم نجه گیدیم وطنه

منیم مدینه ده فخریم قبیله مه ایلدی

دوشوبدی گوگلیوه کرب وبلا سنین(واقف)

اگر نصیب اولا کرب و بلا بل صله دی

شاعر : مرحوم واقف سرابی


آمدن جابر به کربلا در روز اربعین به زبان ترکی

گلدی زیارت ایتسون قبر حسینی جابر

گوردی قالوب مزاری بی زائر و مجاور

اول مرقد شریفی شوقیله ایتدی بیر دور

عرض ایلدی امامین قالمازمزاری بوطور

بیربیله پادشاهه آیا روادی بو جور

قبری غبار ایچنده قالسون بو نوعی آخر

سویلوبدی زارو گریان جابربحال رنجور

اولسون سنه سلام ای جلادی شمر منحور

ای جسم زاری رنجور ای نحر پاکی منحور

کسدیله تشنه باشون آخر بو قوم کافر

آغوشه چکدی جابر اول اکبرین مزارین

توکدی سرشک چشمین آرتوردی آه و زارین

عرض ایلدی فداسی بو قبرپرغبارین

بو توزلی قبره قربان روح و روان جابر

باخجاق بو قبره آرتارغم بو دلی حزینه

نولدی بس اهل بیتین ای یوسف مدینه

سندن ننوعی بلمم آیری دوشوب سکینه

شامه اولوب پیاده اخرنجه مسافر

جابر او مرقد استه مشغولیدی نوایه

ناگاه دوشدی بیر سس اول دشت نینوایه

بلدی که اهل بیتی صحرای کربلایه

افغان و شورو شینله یکسراولوبلا حاضر

زین العبادی گورجاق ایتدی سلام تقدیم

اول سید جلیله شوقیله ایتدی تعظیم

ویردی سلامه پاسخ ایلوب زیاده تکریم

قد فزت بالسعاده یا زایرالمقابر

اول دمده ال حیدر یوز قویدی اول مزاره

قبر حسینی جان تک چکوب کناره

لیلا گلوب مزار اکبرده آه و زاره

هر بلبل اوز گلینه شو قیله اولدی زایر

شاعر : مرحوم لعلی تبریزی


اربعین حسینی چهلم شهادت امام حسین

گلیپدور اربعینوه باجین توتا عزا حسین

صفا ورر اورحلره صفای کربلا حسین

باجون سنه فداحسین شهید کربلا حسین

گلیپدور اربعینوه سنه توتا عزا حسین

دمه باشینان اصغرین خیالینی رباب اتیپ

شرار نار اهیله بو یولاری گلیپ چاتیپ

دورایندی ورنشان اوزون هایاندا سودامر یاتیپ

مگر ایاقین ادادی جوان مهلقا حسین

باجین سنه فداحسین شهید کربلا حسین

گلیپدی اربعینوه توتا سنه عزا حسین

گتیرمیشم شراریله بو سینه داغلینری

سرشکیله اورح قانین عزاره باقلینری

اشیتمیشم انام سویر حسین اقلینری

دوراغلینرین گلیپ اورح دولی یاراحسین

باجون سنه فدا شهید کربلا حسین

گلیپدی اربعینوه توتا سنه عزا حسین

سپهر عشقین اولدوزی گجه اخاندا یانمشام

شرار اه سینمه بالام یاخاندا یانمشام

رقیه جان ورن زمان منده باخاندا یانمشام

بالامین آخدی گوزلری گوزوم باخا باخا حسین

باجون فدا حسین شهید کربلا حسین

گلیپدی اربعینیوه توتا سنه عزا حسین

ره وفاوُ عشقینی دمه آزیپدی زینبون

رساله محبتی گوزل یازیپدی زینبون

خرابه یرده قبرینی اوزی گازیپدی زینبون

گویاندا قبره چخیپ نوای وا حسین

باجین سنه فداحسین شهید کربلا حسین

گلیپدور اربعینیوه توتا سنه عزا حسین

حسینین اربعینینی براتین ایستسن (حمید)

عنایتی او سروری دارخماسان اولار پدید

بو سوزلری ده زینبی دیلینجه اولما نا امید

بالامین آخدی گوزلری گوزوم باخاباخا حسین

باجون سنه فداحسین شهید کربلا حسین

گلیپدور اربعینیوه باجون توتا عزا حسین

شاعر : زرین قلم


اربعین حسینی

دور قارداش حسین السیز ایاقسیزلاری گتدیم

قارداشی ئولن قاره گیه ن قیزلاری گتدیم

زنجیر اسارت قیریلوب ای شه ابرار

شاماتی گزوب زار گلوب عترت اطهار

اطرافون آلوب زلفی الینده بالا قزلار

یوز قویموش ایاق سمته نچه بیکس اوغولسوز

قبرون باشنا دور ووروب بیر فلک اولدوز

بیربیر دیرَم ایندی سنه شمر جفاسین

یوللاردا بیلرسن نه چکوب عترت یاسین

بو شرطیلن اوّل باشووین سن دی بلاسین

بعلت نارضایتی خانواده مرحوم منزوی فقط پنج بیت اول

از اشعار و تخلص ایشان به اشتراک گذاشته میشود

شاها آلیشوب هجر اودی یاندیردی فؤادین

هر شعرده بیر دفعه یازار ((منزوی)) آدین

منظوری اودور تزتز ئوزین یادوه سالسون

بیر وقفه گلوب قبرووی آغوشنه آلسون

شاعر : مرحوم منزوی


احوالات جابر ابن عبدالله انصاری در اربعین

به قصد غسل اولوب عازم کنار فرات

توکوب لباس صفاتی اولوب مجرد ذات

کنار نهره یتوب خشک اولوب دوروب چون نی

یتوب نوای من الماء کل شیی حی

اورک گوزیله قباقجا فراته بیرباخدی

فرات تک یوزینه اشک دیده سی آخدی

نئجه باخوم بو سویا گوگلمون بلاسی گلور

که سسلننده بو سو العطش صداسی گلور

باخوب سویا گوزومون جامی اشگیله دولدی

بو سوئیلن منه غسل ایلمک حرام اولدی

گرکدی اشکیله غسل ایلیوم فغانیلن

که دستماز آولوبدور حسین قانیلن

نه سودی باشیمه تپراق نه غسلدور نه وضو

حسین جنازه سی اوسته تاپیلمیوبدور سو

حسین قصد زیارت ائدوب چون اللهی

او وقته قانیله غسل ائتدی کربلا شاهی

عبث دگول که سو اوستونده ناله لر چکرم

دگل فرات سوئی اوددی جانیمه توکرم

باخوب فراته آخار شط کیمی گوزوم اشکی

گلیدی کاش اله سقای کربلا مشکی

او مشکی آب فراتیله دؤلدوریدیم من

کنار قبر حسینه یتوب دوریدیم من

به عشق حضرت عباس اشگ چشم (دخیل)

او قبر پاکه ایدیدیم اومشک آبی سبیل

سپنده نصفینی اول سرورون مزارینه

توکیدیم آرتوقینی اکبرین مزارینه

پس جابر غسل ائدوب،

گلوب یتیشوب حضرتین قبرینون برابرینه

گوروب حقیقت امری یغلدی چون فکری

کی اولدی اربع تسبیح اربعه ذکری

اودم که مصرع شاه شهادته یتدی

همین او جلوه گه کبریاده غش ائتدی

بیر آیری جلوه یتوب چون او پیر مدهوشه

که گلدی هوشه گلوب عشق آتشی جوشه

ایاقه ایستدی دورسون گوروب که یوخ طاقت

یئره یخیلدی یئر اوستونده ایلدی حرکت

حسین جمالی اونا بسکه جذبه لی گورونوب

او یرده که سورونوردی امام،اودا سورونوب

عطیه نی چاغیریب:بویوردی یا عطیه منی اوقبر اوستونه یتور

دوتوب الین یتوروب تا حسین مزارینه

خطاب ائتدی اودم چشم اشگبارینه

یاتوب بو قبریده چون بیر سوسوز امام قتیل

نه قدر ممکن اولا گوزیاشوی ایله سبیل

اوزوه آغلاماقی ابرتک شعار ایله

بو قبر پاکه گوزوم،اشگووی نثار ایله

امام تشنه لبین قبریدن نواسی گلور

گوزوم قولاقوی آچ العطش صداسی گلور

عطش اودینا یانوب بس کی استخوان و رگی

سو سپ مزارینه بلکه سرین نیه اورگی

یاتان بو قبریده بیر تشنه کام قرباندور

فرات سوونا یوخ گوزیاشینا مهماندور

وئروبدی جانینی جان جهان قوری یئرده

شمیم تربتی چون روح عالمه جاندور

ئولنده تربتینی ایسلادوبدی قانی ایلن

اودور که خاک شفا هر مریضه درماندور

بو قبر پاکی زیارت ائدر وحوش و طیور

یاتان بو قبر بساطینده بیر سلیماندور

او روح عالمه چون نوح،نوحه گر دی مدام

اودور که اشکیله دائم جهاندا طوفاندور

گوگل عمارتینی سیل اشک محکم ائدر

که آغلیان گوزه ناظر علیّ عمراندور

اولوب امام حسین گوز یاشیندان اوتری قتیل

(دخیل) آغلامیان داخل بخیلاندور

شاعر : مرحوم دخیل



این مطلب چقدر مفید بود ؟
4.1 از 5 (25 رای)  

دیدگاه ها

اولین نفر برای ثبت دیدگاه باشید !


hits