دلگرم
امروز: جمعه, ۱۰ فروردين ۱۴۰۳ برابر با ۱۸ رمضان ۱۴۴۵ قمری و ۲۹ مارس ۲۰۲۴ میلادی
جدیدترین متن و شعر ترکی برای مداحی اربعین حسینی
0
زمان مطالعه: 33 دقیقه
در این مطلب جدیدترین متن و شعر ترکی برای مداحی نوحه محرم و اربعین حسینی آماده کرده ایم که می توانید برای زائران کربلا یا در مجالس عزاداری اربعین حسینی استفاده کنید.

متن مداحی نوحه و روضه ترکی ویژه اربعین و محرم

متن نوحه ترکی احوالات اربعین

سنده بیرباشسز بدن قویدوم گئدنده کربلا

نه لباسی نه الی نه باش بدنده کربلا

هاردادورگوسترمنه ای مهربانیم کربلا

قبرینه قربان اولا بوخسته جانیم کربلا

بیربدن که تیریله باشدان باشا مجروحیدی

بیربدن که سُمّ اسبیله یره مطروحیدی

من قوری بیرجسمیدیم اوقانلو پیکر روحیدی

شامه روحیم گئتدی جسمیم قالدی سنده کربلا

کوفیان سالموشدیللاربوچولده بیر عریان بدن

بندبندیندن اوزولموش خاکیله یکسان بدن

تار زلفیم تک پریشان شانه تک شان شان بدن

ایله خندان اولمویوب بیر گل چمنده کربلا

پیکرصدپاره سی قرآن کیمی اوراقیدی

طاقتیم اول نازنین جسمی گورنده طاقیدی

قبرینی گورمکدن اوتری دیل خزان یاپراقیدی

بلکه دیل آرام اولا قبرین گورنده کربلا

بی کفن قویدوم اونی کوچ ایلینده شامه من

بیرنفراللهدان اوتری ایلدی آیاکفن؟

یاکفن سیزآلموسان اول پیکری آغوشه سن

گورمه سین لر قیزلاری عریان گورنده کربلا

شاعر : مرحوم حسینی سعدی زمان


متن مداحی ترکی از احوالات اربعین

شاماتی تیره شام ایلدیم ، دود آهیله

پوزدوم یزید شوکتنی فَرّ و جاهیله

بِیتُ الصَّنَم ده نغمهء توحید باشلادیم

موجه فضای شام گلیب ، یا اِلاهیله

حکم حجابی ایلدی تَنفیذ عترتون

مستور ایدوبله مَه یوزی ، زلف سیاهیله

نیلی و ارغوان اولالی جسملَر دولوب

دین گلستانی هم گلله هم گیاهیله

بیزده غرورِفیضِ شهادت عیان ، ولی

هند اوغلی قیدِ نفسده ، حال تباهیله

چوخ سعی ایدردی گیزلده واضح شکستینی

تجدیدِ اشتباه ایلیوب اشتباهیله

قرآن اوخوردی ، دینه تظاهر ایده ، ولی

رسوا اوزون ایدردی دلیل و گواهله

قرآن اوخوردی لیک اوزی مست و خرابیدی

تاریخی روسیاه ایلدی بو گناهله

تطبیق ایدردی جهلیله آیات مُنزَلی

بیدادیله حُصوله یتن بیر رفاهله

باللهی ایتدی قلبیمی مجروح ، خیزران

رخساروی گورنده او خونین شَفاهله

سالدیم ایله تزلزله ارکان دولتین

گویا که تند باد اولوب توش ، کاهله

سیندیردی منطقیم ، او دنی اولدی لاجَرَم

مغلوب ، قاره معجره زرین کلاهله

زندان غم عجب دگی سجاده ، یوسفون

وار نسبتی هر آئنه ظلمات چاهله

خوشدور حدیث عشق و محبت بیان ایدم

تا تاپمیا کدر اورگون دودِ آهله

بیر اربعین ریاضت هجرانه دوزموشم

مانوس اولوب یانان اورگیم خانقاهله

درد دل ایتمیشم گجه گوندوز حسینِ من

گه قُرص آفتابله گه نور ماهیله

گه کربلا دیارینه مُلک دَمِشقدن

گوندرمیشم سلام ، نسیم پِگاهیله

گه قتلگاهی بُعدِ مَسافتله گورموشم

سیر ایتمیشم جمالوی طیّ نگاهیله

دل مُلکی عشقیله اولی تسخیر اولا بلی

نه زور و قدرتیله نه فوج سپاهیله

(عابد) حسین دامنینی ایلمه رها

کسمه علاقه خسروِ عالَم پناهیله

آختار امید ساحلی ، غرقاب فتنه ده

فُلک نجاتیله نه تلاش و شناهیله

قورتولدی عمر ، خواب جهالتدن آچ گوزون

جبران ایله او غفلتی بو اِنتباهیله

ایله علاج دردیوه تا واردی فرصتون

شور ولایتیله ، دلِ عذرخواهیله.

شاعر : مرحوم عابد


متن نوحه و روضه ترکی احوالات اربعین

الده بیر عنوان شکوه ، گردش ایامدن

پاره پاره کوینگون قارداش گتوردوم شامدن

تا حیاتیم وار بسیمدور ، ایتماقا قارداش نوا

بیر آدون بیرده بو قانلی کوینک ، اسباب عزا

دلده آدون ، سینه دن پیراهنون ایتمم جدا

سینه ده کوینگدن آلّام ، دلده عطرون نامدن

ئولمسم یولاردا قارداش ، قسمتیم اولسا وطن

ایستسه اهل وطن سندن نشانه ، اوندا من

سویلرم ایلر حکایت حالینی بو پیرهن

جسمینه نقدری اوخ نیزه یتوب ظلّامدن

قسمتیم اولسا آنام زهرا مزاری هر زمان

سویلرم یاتما آنا ، دور حالیمه باخ آغلا ، یان

دورت مین اوخلی کوینگین گتدیم حسینوندن نشان

رسمدور حال مسافر کشف اولار پیغامدن

نه دیوم بو پیرهندن ای عزیز جان من؟

بو سنون پیراهنوندور ای امام ممتحن

گور منیم اگنینمده نه حاله قالوبدور پیرهن

آل خبر سرّین منه تاپشوردقون ایتامدن

هر قیزا ایستردی ویرسون تازیانه اشقیا

قولّاریمی حایل ایلردیم قاباقدا یا اخا

ایمدیده جسمیمده وار آثار قمچی جابجا

چوخ چتین صحت تاپام بو بی دوا اَسقامدن

من او گونکه سندن آیرلدیم ، دچار اولدوم غمه

کوفیه گیتدیم اولام کاشف رموز مبهمه

کوفه ده گوردوم دوشوب شهره غریبه همهمه

بیر قیامتدور که عقل عاجز قالور ایهامدن

نیزده گوردوم باشوندا نور طور آثاری وار

حضرت موسی کیمی عشقنده شور آثاری وار

وجه وجه آللهیده اما تنور آثاری وار

قالمادی آثار منده ، صبردن آرامدن

ایستدیم خاکستری زلفیم جمالوندن سیله

یتموری گوردوم الیم ، وار بیر جداجه فاصله

باشیمی ووردوم همان ساعتده چوب محمله

قیرمزی قان اولدی جاری زلف مشگین فامدن

نیزه باشندا کسوک باشیله رخشان ماهیدون

کاروان عشقه مهتاب و دلیل راهیدون

سن منیم هر خط سیریمدن اوزون آگاهیدون

کوفه ده گوردوم نه لر اشرار بد فرجامدن

حشره تک چیخماز یادیمدان مجلس ابن زیاد

دوتموری دل عرض ایدم نیلردی اول کان عناد

داد او مجلسدن امان او ظلمدن ، فریاد و داد

ابن مرجانه ایدن بیداد و اذن عامدن

گل یوزه گل یوزلی قیزلار اشگی دوزدی ژاله لر

آهمیله داغدار اولدی چمنده لاله لر

ایلدی طعن و شماتت بیزلره رجاله لر

گور گچر بو ظلم لر افکاریدن اوهامدن؟

ایستدی مرجانه اوغلی کوس فخریت چالا

لرزه ارکان رکین دین و ایمانه سالا

ایله بیر مجلسده مندن بلکه توضیحات آلا

دینمدیم من ، لیکن او ال چکمدی اِبرامدن

عترتون محملده ، چخدی نوک نی ده سیره سن

الفتون بیزدن کسوب گیتدون حریم غیره سن

وا حسین دلده آنام زهرانی گتدون دیره سن

راهبه گوستردون آیت ، مذهب اسلامدن

گوزلریم عشقونده مشق آلدی دمشقی ابردن

صبر مندن تنگه گلدی ، من هجوم صبردن

چوخ سوزوم وار محضرونده ، باش گوتورسن قبردن

کشف قیلّام سرگذشتیمدن ، گچن آلامدن

درد دل شرح ایلسم وار احتمالی دل یانا

کربلادن کوفیه جور و جفا گلمز سانا

بو جفالر بیر یانا شامین جفاسی بیر یانا

صبحِ شام اولدی گوزیمده تار ، تیره شامدن

پیشوازه چخدی شام اهلی النده تار و چنگ

ایتدیلر نه شرم جدیمدن نه حقدن عار و ننگ

آتدیلار گاهی یهودیلر کلوخ و گاه سنگ

بی حیالر توکدولر گه اودلی نی لر بامدن

شاعر : مرحوم حسینی ‌سعدی زمان

بیشتر بخوانید::

دانلود نوحه ترکی ویژه پیاده روی اربعین

15 متن مداحی ترکی محرم و اربعین استاد کلامی


متن مداحی نوحه احوالات اربعین حسینی

ششگوشه مزارون اوسته قارداش

شاماته گیدوب دوباره گلدیم

نیلی بدنیله گوزده قانیاش

آق زلفیله باشدا قاره گلدیم

بیر جمع یانیمدا دیده گریان

دل خسته و حالتی پریشان

هر تک تکی مین دلیله نالان

غم گلشنینه هزاره گلدیم

ای قبری مطاف ، انبیایه

لطف اولدی عجب بو بینوایه

بیر جمعیله دشت کربلابه

بو قبرون آلام کناره گلدیم

بو چولده گونوم دوننده شامه

گیتدیم باشوون دالنجا شامه

نه چکمیشم ای شه تهامه

شرح ایتماقا بو دیاره گلدیم

سانما دئدیقون سوزی ایتوردوم

هر قول ویروب باشا یتوردوم

یغدیم بالا قیزلارون گتوردوم

سان ویرماقا شهریاره گلدیم

قارداش اوزومی ایتورمدیم من

گوز بیر بالادان گوتورمدیم من

بیر خوردا قیزون گتورمدیم من

بو باره ده اعتذاره گلدیم

ویرانه ده هر جفایه دوزدوم

مهپاره رقیه دن ال اوزدوم

باتدی او ستاره ، منده دوزدوم

اشگیمله یوزه ستاره ، گلدیم

جان ویرماقی بیر بیوک غم اولدی

ویرانه ده اوزگه عالم اولدی

آل اللهه حشر اعظم اولدی

حشری گوروب آشکاره گلدیم

غربتده قیزون وطن سیز ئولدی

بیر بلبلیدی چمن سیز ئولدی

افسوس بالان کفن سیز ئولدی

قویدوم من اوزوم مزاره گلدیم

ایتماقلیقا سرگذشتی معلوم

عباس علمین گتوردی کلثوم

من سینه ده ای امام مظلوم

پیراهن پاره پاره گلدیم

باشوندی منه گواه عادل

الله شهیدیله مقابل

چوخ چوخ بیزه ظلم ایدوب اراذل

بیر ظلمه ایدم اشاره گلدیم

ایتمم گله بو هموم الیندن

یولاردا یتن غموم الیندن

فریاد یزید شوم الیندن

بیر ظلم ایدوب آه و زاره گلدیم

مست اولدی اوتانمادی خدادن

تاب آلدی بنات مصطفادن

شل اولموش الی ایدن جفادن

یوز مین اورگیمده یاره گلدیم

گوردوم که او شوم بی مهابا

اسلامی پوزا اولوب مهیا

ایتدیم ایله منطقیله رسوا

قلبینده قویوب شراره گلدیم

قرآنیله کفرین ایتدیم اثبات

سسلندیم اونا آز ائت مباهات

وار علتی ای امیر شامات

من بزم می و قماره گلدیم

گلدیم ایدم آل هندی رسوا

بولسونله تمام اهل دنیا

بیز ایتدوق ئولومله دینی احیا

بو خدمته افتخاره گلدیم

من دخت علی مرتضایم

دردانه خیره النسایم

گنجینه عصمت و حیایم

محتاج ولی خماره گلدیم

وار باخما گوزیمده قانلی یاشیم

یولدا یاریلوب اگرچه باشیم

باش اگموب اگمز آل هاشم

آرتدوقحا ستم ، وقاره گلدیم

باخما سنه ظاهراً اسیرم

بوینومدا طناب دستگیرم

حق شیری آتامدی منده شیرم

روباه ایوینه شکاره گلدیم

من مادح آل مصطفایم

(سعدی زمان) بینوایم

بیر قدری بولنمین گدایم

باب شه تاجداره گلدیم.

شاعر : مرحوم حسینی سعدی زمان


متن نوحه ترکی آذری

قارداش اسارت رشته سین الده بهانه ایلدیم

مین رشته تبلیغات دین اهل جهانه ایلدیم

اما اسارت رشته سی بیر رشته بالا بلند

ظاهرده هشتاده یاخین عورت اوشاق بوینوندا بند

باطنده دنیاده هامی اهل کمالاته کمند

هر عقده سین پابند بیر مرغ روانه ایلدیم

بو رشته نین هر تارده ، تاری حیاته بند اولوب

هر ذی حیاتی جلب ایدوب اوز سمتینه شوره سالوب

تا حشر هر گوز اولسا گوز بو رشته آردینجا قالوب

هولیله پرشور اشکیمی ممزوج قانه ایلدیم

اما سر و کاریم دوشن گونلرده تبلیغاتیله

دنیائیله اولدوم طرف ، نه ملت شاماتیله

هر یرده معلوم ایلدیم شایسته معلوماتیله

هر بیر مکاندا اتکا ، من لامکانه ایلدیم

وردیم اسارت نامینه دامانه همتله کمر

یغدیم باشا هشتاده دین عورت اوشاق قیز دیده تر

دشت بلادن باغلادیم شامات ایچون بار سفر

بیر کاروان غم همسفر بو کاروانه ایلدیم

ناچار اولان گوندن حسین بو عمده مجبوریته

بولدوم دچارم روز و شب مین گونه محدودیته

هر ابتلا ناچاریم انجام ماموریته

زلف بلانی شانه صبریله شانه ایلدیم

اولدوم صمیم قلبیله رنج و بلایا خوشدلی

منیدیم شرافت هودجی ، آدی شکسته محملی

با پرده گزدیم کوفه و شام ایچره سوق و محفلی

بی پرده اسراری بیان ، پیر و جوانه ایلدیم

هر لحظه که من ایستدیم اتمام حجت ایلیم

اهل مجازه شمه ای کشف حقیقت ایلیم

اسلامه گبری ، مسلمی ایمانه دعوت ایلیم

بیر آز تمسک معجز سحر بیانه ایلدیم

اول بیانه کوفه ده ناچار اولاندا من حسین

ایستوردی قیل و قالیله ، مانع اولا دشمن حسین

بیر صیحه ویردیم دشمنه ، دوشدی هامی سسدن حسین

بیهوده قیل و قالدن نهی آمرانه ایلدیم

باتدی نفس لر سینه ده ، قالدی صداسیندن جرس

بیر ذی نفسده اولمادی تجدید یارای نفس

نطق گهرباریم در و دیوار شهره سالدی سس

محتاج هر هوش اهلینی ، من گوش جانه ایلدیم

دوتموشدی کوی و برزنی ، بام و دری هر مرد و زن

بیر خطبه ایراد ایلدیم ، حیدر آتام تک اوندا من

خلقه یتوردوم هر سوزی ، گویا که تبلیغ سخن

کوچه به کوچه ، در به در ، خانه به خانه ایلدیم

جلب ایلمشدیم نطقیله مرد و زنی ، کس ناکسی

چوخ آز قالوردی حق سوزوم اولسون او ناحقلر بسی

بیردن اوجاتدی نیزه دن قانلی باشون قرآن سسی

کسدیم سوزی دوندوم نظر نوک سنانه ایلدیم

گوردوم او قان پیرایه لی مرآت وجه لایزال

بیر پرده خاکستری سالموش او بدر اولموش هلال

بولدوم کول اوسته یاتمیسان ، ای وجهی وجه ذوالجلال

نفرین سنی مهمان ایدن بیر میزبانه ایلدیم

نور جمالون جلوه دن سالمیشدی آثار تنور

بیر منخسف آی تک یوزون کونه ویرردی فیض نور

از بسکه شور انگیزدی حسنون ، اودور من باشدا شور

بیر یا هلالا نغمه سین دلده ترانه ایلدیم

بو نغمه شیریندن گوزلردن آخدی اشگ شور

سنده جداده آیه کهفیله سالدون شهره شور

کهف آیه سی لحن حجاز ، الحق نه داوود و زبور

داوودی اوردا آرزو من یانه یانه ایلدیم

قارداش باجی سرگمیدوخ هر ایکیمیز درد دله

بو درد دللردن اثر دوشموشدی چوخ دلدن دله

بیر داش گلوب بیر غرفه دن ، آفاقه سالدی غلغله

سن یاره لندون من یوزه قانیاش روانه ایلدیم

باخدیم باشوندان تازه قان آخدی دوباره یاره دن

بولدوم تلاوت اجریوی آلدون او سنگ خاره دن

ناچار گیتدی اختیار اوندا من بیچاره دن

بیر نطح او ساعت گوشه تخت روانه ایلدیم

چوخ اینجدیم سندن صورا آگاهسن هر دردیمه

دوشدوم شرار محنته ، یاندیقجا آه سردیمه

باخ بیر بوکولموش قامته ، آغ زلفه رنگ زردیمه

بیر من بیر ایله درد و غم بولدی خدا نه ایلدیم

بیر قیز باشندان قویمادیم بیر تل دوشه سنبل کیمی

سولدی سارالدی صرصر جوریله یوزلر گل کیمی

شوره گلنده هر بالا ، بیر گوشه ده بلبل کیمی

آغوشیمی اول بلبله من آشیانه ایلدیم

بیر نسگلیم وار قان ایدر غمدن دل اهل دلی

ایوای اگر یاد ایلسه بیر اهل دل بو نسگلی

زهرا قیزی ناله کنان دیر نصارا منزلی

سرمایه غم بو غمی اسلامیانه ایلدیم

ایکاش اولیدی یکسره ویرانه شاماتی خراب

بزم یزید بی حیا ، شطرنج و می ، چنگ و رباب

بیر قانلی باش بیر خیزران ، بیر طشت زر ، نرد و شراب

نفرین می و ساقی و هر باده ستانه ایلدیم.

شاعر : مرحوم ذهنی زاده


متن نوحه ترکی تبریزی احوالات اربعین

پایانه ویردی چرخ دون دور بلانی قارداشیم

گلدی دیار شامدن غم کاروانی قارداشیم

ای هفت اقلیم غمین فرمانروای مطلقی

ای شهر بند عشقده نصب ایلین غم بیرقی

ای حق و حقانیتین ملزوم ما لایفرقی

ای ذات بیچون آیت ذات البیانی قارداشیم

پوزقون قطاریم ایلدی رجعت ره شاماتدن

مینلر حکایت دلده وار دروازه ساعاتدن

بیر شمه تشریح ایلسم اول غملی کیفیاتدن

قبرینده گریان ایلرم خیرالورانی قارداشیم

سیر اسارا ایتماقا چیخمشدی فوج شامیان

رسم سروریله هامی دلده لرده شوق بیکران

محمل لر ایچره عترتون پوزقون پریشان باغریقان

بو وضع رسوا ایلدی اسلامیانی قارداشیم

اللرده آلات طرب ، بدنام لر بی ننگ لر

الحان بی قانونله گلمیشدی شوره چنگ لر

شامی لره جانبخشدی بو دلگداز آهنگ لر

اودلاردی اما بیزلری بو خوش اغانی قارداشیم

باشلار جدالرده هامی همچون نجوم باهره

اطرافین آلمشدی عدو هر نقطه ده چون دایره

بو حالی سیر ایتدوقجا گوز ، آرتاردی دلده نایره

بنیان صبری سیل غم ایلردی فانی قارداشیم

برج حیا اولدوزلاری گردشده مثل ماهتاب

رخسار رخشان حائلی ، زلف سیه گون چون سحاب

دریای غم طوفان ایدوب از بس توکولدی اشگناب

افسوس ویران ایتمدی بو خاکدانی قارداشیم

پایانه یتدی صبریمز گچدی جفا اندازه دن

منشور امکان آز قالوب اوراق اولا شیرازه دن

بیر نچه ساعت قافله رد اولمادی دروازه دن

لنگ ایتدی خلقین کثرتی بو کاروانی قارداشیم

گر نکته نکته شرح ایدم اوضاع باب ساعتی

بو چولده برپا ایلرم غوغای روز ساعتی

هرگز دیمم نه ظلم لر گوردوم او نچه ساعتی

وار بو قدر یوخ بیر گورن ایله جفانی قارداشیم

مین لر مراحل طی اولوب ، هر مرحله مین مرحله

تا گوشه ویرانه ده اهلون یتوب سرمنزله

یاتدی صدای کاروان تاپدی سکونت قافله

ویران نشین ایتدی فلک ، آل عبانی قارداشیم

بیر عده عاشق کامنه بیر دور ، دور ایتدی جهان

گردون گردان سیرینه تغییر ویردی ناگهان

ایام وصلت طی اولوب دوندی ورق گیچدی زمان

تقدیر ظاهر ایلردی نقش نهانی قارداشیم

عشقی ریاضت کش لره اولدی خرابه خانقاه

بزم صفا صوفی لره ورد ایتدی ذکر یا الاه

گردون خرابات اهلنه ویردی بیوک بیر عزه و جاه

بو خانقاهه پیر ایدوب زین العبانی قارداشیم...

خورشید رولر باتدیلار ویرانه ده خورشیدله

اوز قویدولار توپراقلارا فرش غمه تقلیدله

پا بسته حرمان تارنه دل گرم لر امیدیله

آهیله روشن ایتدیلر ویران سرانی قارداشیم

دور ایتدی بو منوالیله بیر آز زمان چرخ نگون

تا اشتیاق وصلتون اولدی اورک لرده فزون

دیداره اولدی بیر قیزون آخر دلیل و رهنمون

یاندیردی سوز آهله قلب جهانی قارداشیم

چوخ وحشتیله بیر گجه گوز آچدی خواب نازدن

معلومیدی محروم اولوب فیض بیان رازدن

دولدوردی ویران خانه نی شوریله سوز و سازدن

درده گتوردی شیونی کون و مکانی قارداشیم

گلدی فغانه سویلدی سلطان مظلومان هانی؟

سر حلقه اهل وفا ، شاهنشه دوران هانی؟

آلمیشدی آغوشه منی اول شاه انس و جان هانی؟

سیلاب تک آخدی یوزه اشگ روانی قارداشیم

سنده رضایت ویرمدون قلبی سینوب رنجور اولا

فیض حضوروندن شها هر دردینه ایتدون دوا

نور جمالون ایلدی ویرانه نی دارالصفا

چکدون نوایه شوقدن هر بینوانی قارداشیم

گوردون اوزون نه شوقیله قویدی سنیله یوز یوزه

بیر ایله نادر منظره گورسنمیوبدور بیر گوزه

سر پنجه قهار غم ایستردی جان تارین اوزه

وصلون هواسی جسمده ساخلاردی جانی قارداشیم

آخرده یارادن دوشوب سلب ایتدی غصه طاقتین

قربان راه عشق اولوب کسدی جهاندان الفتین

قویدی دل رنجوریمه داغ شرار فرقتین

درده گتیردی محنتی کروبیانی قارداشیم

دوشدی نوا و شوردن اول بلبل شیرین سخن

لب باغلادی گفتاردن چون طوطی شکرشکن

گیتدی آپاردی قلبده عالمجه اندوه و محن

تز یتدی باغ عمرینین فصل خزانی قارداشیم

دوزدی وفا گوهرلرین یثربده بیر تاره فلک

دشت بلاده ایلدی بو رشته نی پاره فلک

سپدی تمامین شوقیله خاک ره یاره فلک

اجرای باجا ایلدی حکم قضانی قارداشیم

هر دانه سی بیر سمتده مخزون اولوب تاپدی قرار

بعضی ره شاماتده ایتدی مکانت اختیار

ویرانه ده پنهان ایدوب بیر دانه سینده روزگار

داغ دل خلد ایلسون تا اول مکانی قارداشیم

شامات ، شامین پرتوی تا وار جهان پر نور ایدر

ظلمت سرای محنتی حسرت فزای طور ایدر

باطل گوزون ، حق جلوه سی بی نور بلکه کور ایدر

راه رشاده سوق ایدر اهل ولانی قارداشیم

تا وار عوالمدن نشان حق پرتوی تابنده دور

سر بقاسی عشقدور بیجا دیمم پاینده دور

اطفائینه اقدام ایدن رسوای دور شرمنده دور

تصریحیله تضمین ایدوب حق بو بقانی قارداشیم

(سوره مبارکه توبه آیه 32)

هر گون قویار مهر فلک یوز دامن تمکینینه

مه فوج انجم له گلر مونس دل غمگینینه

عمال امکان سعی ایدر آرامش و تسکینینه

سیلسونله قلبندن مگر گرد عنانی قارداشیم

تا سایه سالسون قبرینه ، سر گشته دور ایلر فلک

تا خوابی نوش اولسون تاپار حال سکون مهد سمک

شمع مزارینده اولار پروانه اصناف ملک

سرگرم ایدر هر تک تکی اول مبتلانی قارداشیم

بوی بهاریله گلر هر گه نسیم خوش سحر

شامین گل و نسرینین عطرین فضاده نشر ایدر

بو نکهت جانبخشیله ویرانیه ایتسه گذر

باشلار مزار ایچره قیزون داد و فغانی قارداشیم

همراه پیک صبحدم ، انفاس جان پرور گلر

اسدیقجا باد مشگبو عطر عبیر تر گلر

گویا مشامه نکهت زلف علی اکبر گلر

یاد ایلدوقجا داد ایدر اول مه لقانی قارداشیم

(عابد) کیمی هر کیم آچوب ذکر مصائبده زبان

منظوری خدمتدور سنه ، شاعر اولا یا نوحه خوان

یول تاپسا بو انشالره سهو زبان ، نقص بیان

معذور دوت هم شاعری ، هم نوحه خوانی قارداشیم.

شاعر : مرحوم عابد تبریزی

بیشتر بخوانید::

دانلود بهترین نوحه سینه زنی و زنجیر زنی ترکی محرم از موذن زاده

اشعار و متن نوحه ی ترکی به مناسبت فرا رسیدن ماه محرم

متن و دانلود نوحه ترکی یخیلیب عباسیم نهر فرات اوسته علی حقایقی


جدیدترین متن نوحه و روضه ترکی احوالات اربعین

شامدن گلدیم خدایه شکر اولا قارداش حسین

قسمتیم اولدی دوباره کربلا قارداش حسین

واردی دنیاده مگر بوندان گوزل بیر آرزو

باجی قارداش قبرینه اشگیله ویرسون شستشو

دویمارام قبروندن اصلا مدفن روحیمدی بو

قبریوه اولسون قوری جانیم فدا قارداش حسین

هاردا وار باغ جناندا بیله عالی منظره

بوطه گل تک اوشاخلار صف چکوبله یکسره

یوزلرین هر چند سیلی دوندروب نیلوفره

وار ولی ذاتی طراوت مطلقا قارداش حسین

ای ویرن ذوق کمالیله تمیز خوب و زشت

گور بو قبرین عطری خوشدور ، یا گلستان بهشت؟

فرش ایدوب زلفین بو قبره بیر نچه حوری سرشت

سایه طوبادی گویا برملا قارداش حسین

اولما رنجیده گیدنده کربلادن شامه من

سن اوزون گوردون امان ویرمردی اشرار زمن

یوخسا قویمازدیم سنی توپراقلار اوسته بی کفن

گون اوگنده جسمده سانسیز یارا قارداش حسین

سن ایکی دریا یانندا تشنه لب اولدون قتیل

منده قیلام قبرون اوسته گوز یاشین سو تک سبیل

ایلرم جاری فرات اوستنده نهر سلسبیل

تا فرات و شط غمدن قان اولا قارداش حسین

ایندیکه یوخ فوج دشمن ، قبریوه قربان اولوم

دولمیوب نامحرمیله سربسر صاق و صولوم

ویر اجازه قبرون اوسته باش آچوم بیر ساچ یولوم

آغلیام ویرمزدی مهلت اشقیا قارداش حسین

کوفه ده ایستردیم اول بولمسونله من کیمم

اولمادی ممکن ، بولوندی زینبم زهرا شیم

من نجه یاندیم؟ نجه بیر حالته قالدیم او دم؟

نه بیلور بیگانه ، آنلار آشنا قارداش حسین

ایستدیم حق اوسته مقهور اولماقیم اولسون ثبوت

آتشین بیر نطقیله ویردیم او دم امر سکوت

باشلادیم بیر خطبه دلده نام حی لایموت

کوفه ده یاد اولدی نطق مرتضی قارداش حسین

سنده گوردون غم هجوم آور اولوب از بس منه

اودلی سوزلر دلده یاندیم ، یانمادی بیر کس منه

آیه کهفیله ویردون نوک نی دن سس منه

نخل طور اولدی منه نوک جدا قارداش حسین

هیچ یادیمدان چخمیوب چخماز بو مطلب روز و شب

گوردی اطفالون پریشان کوفیان بی ادب

غفلتا ویردی بیر عورت بیر قیزا نان و رطب

وردی کلثومه خبر امر قضا قارداش حسین

قارداشی عباس تک غیظ تمامیله ازل

بو اسفلی حاله باخدی حیرتیله ماحصل

ورمیون سویلوب بالالار نان و خرمایه سیز ال

گور نه گونلر گوردی آل مصطفی قارداش حسین

شرحه گلمز مجلس ابن زیادین محنتی

بو قدر وار مایه خجلتدی ذکر صحبتی

وار یادوندا منده گوردون تا او پوزقون حالتی

گوزلرون یومدون گوزیمده ای ضیا قارداش حسین

بیر گجه یولدا قوناخ گیتدی کلیسایه باشون

گویدن عیسانی گتوردی دیر ترسایه باشون

ویردی بیر توضیح نسخ دین عیسایه باشون

راهبه اولدی بو یولدا رهنما قارداش حسین

شامده چوخ کوچه و بازاری گزدوخ هر طرف

وای یهودی کوچه سندن صبریمی ایتدی تلف

غرفه و بامه کلیمیلر دوزولدی صف به صف

ایله بیر کوچه هارا زینب هارا؟ قارداش حسین

بی سبب سجاد ایتمز داد ظلم شامدن

انتقام آلدی یهودی ملتی اسلامدن

توکدیلر بی شرم رولر اودلی نی لر بامیدن

اود دوتوب عمامه زین العبا قارداش حسین

گر دئسم قوردی یزید بی حیا بزم طرب

خدمتونده چوخ جسارتدور اولور ترک ادب

باخ حیایه ، اوچ امامون محضرینده بی سبب

باشلادی بی دین کلام ناسزا قارداش حسین

چوخ سوال ایتدی اوشاقلاردان یزید بی حجاب

بیر قیزون اما او شومه ویردی بیر کافی جواب

ایله مجلسده بیر قیز بیر شهی ایتسون مجاب

وار یقین بو ایشده بیر سر خدا قارداش حسین

آدینی قویموشدی ظالم پیشوای مسلمین

خلقه اولموشدی پیغمبر مسندنده جانشین

نهی ایدوب پیغمبر امرین نه بولوب مذهب نه دین

نه اوتاندی نه ایدوب حقدن حیا قارداش حسین

ایستدی اشیاخ بدره سندن آلسون انتقام

ال آپاردی خیزرانه دلده نالایق کلام

گوزلرین یومدی سکینه سس چکوب قزلار تمام

گتدی درده عترتون بو ماجرا قارداش حسین

باجی قارداشلقدی نیلیوم گور اولور الفت کسم

یوخسا گلموردی یوزوم گلماقه ، وار حقیم دئسم

خجلتیم چوخدور بو توزلی قبریوه اولسون قسم

ئولدی یولاردا نچه خوردا بالا قارداش حسین

بیر قیزون اما خرابه شامده شام و سحر

آتشین آهیله یانمش قلبیمه سالدی شرر

شام اولاندا هر گجه آلدی سنی مندن خبر

نه دییدیم ایله وقته من اونا قارداش حسین

گورمیوب دنیا گوزی ایله ادبلی بیر اوشاق

گزلدوردی آجلقین ایلردی اظهار فراق

طاقت کلثومی اما بیر گجه ایتمشدی طاق

نه دیمشدی من اونی بولدوم صورا قارداش حسین

بیر گجه چرخ صبایادن باتوب بیر اولدوزون

غصه می ایلوب نجوم چرخ اطلسدن فزون

وای منه ویرانه یرده ئولدی بیر نازلی قیزون

چوخ موثر ویردی جان اول مه لقا قارداش حسین

بیر نفر یوسف آدنلی سید عالی نسب

هم بیزه اولاد هم صاحب عزادور روز و شب

اوچ مریضه بش نمازنده شفا ایلر طلب

قلبنی سیندیرما لطفاً ویر شفا قارداش حسین

بیرده بیر عهد ایلیوبدی (شانیمیز) (خوش خوانیله)

ایستوری ویرسون او عهدی باشه سالم جانیله

ویر شفا ایسته تمامی آرزومندانیله

قبریوه گلسون سنه دوتسون عزا قارداش حسین

شاعر : مرحوم شانی


متن و روضه با پرمعنی ترکی برای اربعین حسینی

قارداش جفای شامدن از بس اوسانموشام

هر رنگه من زمانه خمنده بویانمشام

احوال ایسته سن نه که مندن سوروش دیوم

چون شهر شامی کوچه به کوچه دولانموشام

سندن صورا او گون گهی میدانه قاچموشام

گاهی یاناندا خیمه لر اودلاره یانموشام

بیمار اوغلووی گهی اوددان چخاتموشام

گه چوللری یتیملریله دولانموشام

ابن زیاد بزمنه بی پرده گیتموشم

اول بزمده خانملیقیمی لیک دانموشام

یولاردا گاه ناقه ده گه یرده گیتمیشم

باشون دالنجه گاهی قاچوب گه دایانموشام

داش ووردولار یارالی باشندان ، او وقته من

ووردوم کجاویه باشیمی یارالانموشام

اما قیزون رقیه ویروب جان خرابه ده

مانند شمع شام غریباندا یانموشام

تعمیر ایچون ترابنی ، قبرون گل ایلرم

از بسکه سیل اشگ تریمدن اوسانموشام

سانما او وقتدن منیم آغلار گوزوم یاتار

هر شامگاه ، خلق یاتوب من اویانموشام

خون دل ، اشگ تریله مضاف اولوب

وجهی بودور که درد غمیله بویانموشام

قارداش حسین ، اسیره باجون گلدی شامدن

عرض ایلیوم نه نوع برادر تالانموشام

یا : عرض ایلرم باغشلا برادر تالانموشام

بیر جان قالوب نثار ایدم توزلی قبریوه

بو نوع ئولمگیمدن اوتور من یارانموشام

هر نوع غصه یته منه واردی طاقتیم

من زینبم مصیبتیله چوخ سنانموشام

سن دوزمین مصیبت و اندوهه دوزموشم

من شاهزاده طعن گدایه دایانموشام

من ئولمرم شماتت حسین ئولدورر منی

شاماتیدن جان اوستیم ، ئولم اینانموشام.

شاعر : واقف سرابی


متن نوحه مفهومی ترکی اربعین حسینی

گزمیشم آنام اوغلی کوفه نی

شامدن حکایت گتورمشم

پاره پاره بو قانلی کوینگون

مایه شکایت گتورمشم

ای شفیع محشر ایاقه دور

شورش قیامت گتورمشم

سن او گون که بو چولده تشنه لب

یتدون اوز مقدس مراموه

طی ایدوب شهادت عوالمین

نائل اولدون عالی مقاموه

سویدولار بنات رسالتی

ووردی اهل کین اود خیاموه

من همان او اوددان بو آتشین

آهیمی علامت گتورمشم

کوچ ایدنده بو سرزمیندن

ویرمدی امان کوفیان منه

عور قویمیام ، زلفیمی آچام

ایلیم یارالی کفن سنه

واریدی بیر عذر موجهیم

دستگیریدیم اوندا دشمنه

عذریمی قبول ائت گذشت ایله

روحیمی خجالت گتورمشم

کوفه ده جدا اوسته باشوی

گوردوم اوخشوری بدر کامله

اگلشوب جمال الله اوسته کول

کول ایدوب گونیله مقابله

یتمدی الیم سیلماقا کولین

واریدی آرالیقدا فاصله

گورمشم یارالی باشون

دئمه باشیمی سلامت گتورمشم

سر مبهم عشقی فاش ایدم

ایلدیم ازلده تلاشیمی

گوستروب مقامات امتحان

داده سسلدیم آل هاشمی

باشوه باخوب ووردوم اولزمان

محمله بو شوریده باشمی

مین دلیل عشقین مقابلی

باشدا بیر جراحت گتورمشم

حشر اولونجا یاددان چخاتمارام

گوزدن عترتون آتماقون سنون

خولیه قوناق گیتماقون گهی

کوللر اوسته تک یاتماقون سنون

شمر ایوینده اجانه آتدا گه

توپراقا کوله باتماقون سنون

یاتماماقدا اوز حالیمی سنون

حالوه شهادت گتورمشم

صبح اولونجا یاندون سیزیلدادون

قانلی باشیله ایلدون نوا

گه عیالوی یاده سالوب

گه کومکلرون ایلدون ندا

گه دئدون فراغت تاپانمادیم

گوندوزی مناجاته ای خدا

شکر اولا سنه بو گجه اله

موقع فراغت گتورمشم

بیر دقیقه قارداش حسین دئمه

زینبون بو مدتده دینجلوب

مجلسنده مرجانه اوغلنون

باغریمی شماتت اوخی دلوب

کوفه نین اراذل جماعتی

مجلسه تماشامیزه گلوب

سینه ده باشیم تک جراحت

طعنه و شماتت گتورمشم

عالم محبتده باشیمی

سنکیمی بلیاته سالمشام

صبریده آنامدان مبرزم

جهد ایدوب بو تصدیقی آلمشام

کوفه ده بلورسن نه نحویله

دست بسته زنداندا قالمشام

شدت ایلدوقجا مصیبتیم

من دوام و طاقت گتورمشم

گون کیمی گوروب نیزده باشون

شام شومه چون سایه گتمیشم

ملت مسلمانه عار اولا

باش آچوخ کلیسایه گتمیشم

سن بو یولدا باش ویرموسن اودور

منده دیر ترسایه گتمیشم

نازنین باشوندان مزاروه

مژده هدایت گتورمشم

گر چه چوخ جفا چکمیشم ولی

بیرجه شامدن وار شکایتیم

شامیان ایدن جور و ظلمدن

ایمدیده پریشاندی حالتیم

شامده دونوب شامه گوندوزوم

غصه دن بوکولدی بو قامتیم

سرگذشتیمی ثابت ایتماقا

بیر خمیده قامت گتورمشم

شهر شامده رنگ محنته

شامیان بویاندوردولار بیزی

بیر خراب اولان شهرین اشقیا

هر یرین دولاندوردولار بیزی

باشلارمزا اودلی نی توکوب

نار ظلمه یاندوردولار بیزی

ذلته دوام ایتمشم اله

عزت و سعادت گتورمشم

اهلبیتوی باسدیلار داشا

سنگدل یهودی جماعتی

وار یری دئسم آل حیدرین

اولدی آشکارا قیامتی

ووردی داش بیر عجوزه جبینوه

ایلینده قرآن تلاوتی

باخمادی دیور نیزده باشون

معجز امامت گتورمشم

هر مصیبته دوزموشم ولی

بیر مصیبتیم چوخ گران اولوب

داد بزم شرب یزیددن

گوز یاشیم او مجلسده قان اولوب

بو کباب اولان قلبیمون آلان

تاب و طاقتین خیزران اولوب

دلده کی مفصل شکایته

مختصر اشارت گتورمشم

موج سیل اشگ ایلدی منیم

صبر ایویمی ویران خرابه ده

آجلیقا دوام ایلنمدی

ویردی بیر قیزون جان خرابه ده

گوز یاشی بنات رسالتین

اولدی غصه دن قان خرابه ده

قبرون اوسته گوز یاشی قان اولان

عترت رسالت گتورمشم

دکتر معالج سراغ ایدر

هر کیم اولسا بیر درده مبتلا

ای آدی دوا ، تربتی شفا

ایلورم سنه منده التجا

نوکروز(حسینی) مریض دور

بیر نگاهیله ویر اوزون شفا

گلمیشم ، الیمده حضوریوه

شعر بی لیاقت گتومیشم

شاعر : مرحوم حسینی سعدی زمان


متن در احوالات اربعین حسینی

ای امام اهل ایثار.و وفا

وی عزیز حضرت خیر الورا

کرده گل نامت در ایوانِ سما

آمدم یک بار دیگر نینوا

تا بگیرم اربعنت را عزا

ای غزیزِ جانِ خواهر اسلام

هم برای من برادر هم امام

زینبت آمد که چون بیت الحرام

دورِ قبر تو بگردد واسلام

به اجابت میرسد اینجا دعا

یا اخا از شام ویران امدم

دل پریشان سینه سوزان آمدم

خسته از آلام دوران آمدم

بر سر قبر تو مهمان آمدم

ای مزارت درگهِ جود و سخا

تار از هجرت بصر آورده ام

خم ز داغ تو کمر آورده ام

مادران بی پسر آورده ام

کودکان دیده تر آورده ام

ای یتیمِ حضرت خیرالنساء

آمدم گریم برای حنجرت

کاش بود اینجا رقیه دخترت

آمدم گیرم عزا بر اکبرت

جان به قربان علی اصغرت

روی دستان تو او زد دست و پا

اصغرت بر تیر کین خندان شده

مادرش از داغ او گریان شده

خانه بختش دگر ویران شده

قسمتش زین پس غم هجران شده

کار او دائم شده آه و نوا

ای حبیب خالق سبحان حسین

خونِ پاکت محییِ ایمان حسین

زینبم از دوریت نالان حسین

بر لبم دیگر رسیده جان حسین

بس که از اعدا شنیدم ناسزا

فرصتی پیش آمده تا خواهرت

از غم غربت بگوید در برت

خاطرش مانده وداع آخرت

بر سر نیزه مناجات سرت

با دل زینب ببین کردی چه ها

التماست میکنم قرآن بخوان

نیست ای قاری خبر از خیزران

داشتی حق باشی از ما ناگران

کعب نی خوردیم با زخم زبان

حرمله آمد پیِ آزارِ ما

خواهرت را نور عینی یاحسین

عطر مادر میدهد اینجا حسین

تازیانه زد عدو بر ما حسین

خیز و دلداری بده ما را حسین

بر سرِ زینب بکش دست شفا

بر دل غمدیده ما کن نظر

ای ز خونت باغ ایمان بارور

عفو کن ای باغبان خون جگر

در گلستانت خزان دیدی اگر

دیده ام راس تو در طشت طلا

ای ز قدیسین عالم برده دل

از شرار عشق تو جان مشتعل

کاخِ استبداد کردم زیر گل

باز هستم از گل رویت خجل

من اسیرِ تو شدم نه اشقیا

قصه عالم اگر چون یم شده

پیش عاشورای تو یک نم شده

قلب ما آکنده از این غم شده

کز میان ما رقیه کم شده

ظلمِ بی اندازه شد بر ما روا

زینبم هر درده تاب اتدیم حسین

عالمین قلبین کباب اتدیم حسین

شامیده بیر انقلاب اتدیم حسین

ظلم اوین یخدیم خراب اتدیم حسین

ایلدیم نطقیله طاغوتی فنا

شامیده ویرانه ده قالدم حسین

قارته گتمیش اساس آلدم حسین

اوردا آهنگ ظفر چالدم حسین

من یزیدی تختیدن سالدم حسین

ابن مرجانه گونی الدی قرا

بیرده قرا خطبه ایراد ایلدیم

امت گمراهی ارشاد ایلدیم

عترتی اللردن آزاد ایلدیم

حتما اوندا روحووی شاد ایلدیم

شاید اتمیشدون منی اندا دعا

باجوون احوالینه ایله نظر

یثربه سن سیز نجه اتسون سفر

ماتموندن گز یاشین دائم الر

گوللریلن قبروون داشین بزر

آغلیار سسلر سنه جانیم فدا

ای شهیدِ سرفرازِ سر جدا

سر کشیده از ازل جام بلا

مستِ مست از جام سر شارِ خدا

پیش چشمانم ذبیحا من قفا

تو خلیلِ اعظمی اینجا منا

شاعر : حسنعلی بالایی


اندازه کچیک اولدی

نه نوعی خردا قبر ایچره یاتار بیر پهلوان قارداش

علی اصغری وئر بیر آناسی آلسین آغوشه

ربابین آز قالیر اولسون گل عمری تالان قارداش

خبر وئر بیر منه سینونده کی پیکان یاراسیندان

کسیلدی قانی یا اینکه وئریر الان دا قان قارداش

نظیری یوخ بو گوللر کی سنین اطرافیوب آلمیش

جهان تا واردی اولماز بیرده بیله گلستان قارداش

قلم یازدوقجا محنتدن توکر گوزیاشینی مدهوش

اوزون لطف ایله دفترده آدین یاز نوحه خوان قارداش

شاعر : محمد هوشمند


زبانحال حضرت سکینه (سلام الله)

در موقع نزدیک شدن کاروان شام به کربلا

شمیم جان فزای کوی بابم

مرا اندرمشام جان برآید

گمانم کربلا شد عمه نزدیک

که بوی مشک و ناب و عنبر آید

بگوشم عمه از گهواره گور

دراین صحرا صدای اصغرآید

مهارناقه را یکدم نگهدار

که استقبال لیلا اکبرآید

مران ای ساربان یکدم که داماد

سرراه عروس مضطرآید

حسین را ای صبا برگو که ازشام

بکویت زینب غم پرورآید

ولی ای عمه دارم التماسی

قبول خاطرزارت گرآید

که چون اندرسرقبرشهیدان

تورا از گریه کام دل برآید

دراین صحرا مکن منزل که ترسم

دوباره شمردون با خنجرآید

کند(جودی) به محشرمحشرازنو

اگردرحشر بااین دفترآید

شاعر : مرحوم جودی خراسانی


زبانحال جابر ابن عبدالله انصاری در اربعین

قبرون اوسته اولین زائر حبیبی یا حسین

نوکرین دور بو قوجا جابر حبیبی یا حسین

سیدی چون خط سیرون شاه راه عشقیدور

استانون تا جهان وار قبله گاه عشقدور

اهل عشقه تربت پاکون گواه عشقدور

باطن اسراری ائدر ظاهر حبیبی یا حسین

سیدی گوردوم گوزل تاثیری وار کام الماقین

اخرین بولدوم عبث کوینده حیران قالماقین

ایگلدیم اوپدوم بو صحرانون مقدس توپراقین

قبروی تاپدیم سنین اخر حبیبی یا حسین

سیدی یوخدور گوزوم وار دلده بو غمدن کدر

دیل گوزیله سالدیم اما کربلایه بیر نظر

گوردوم انوار خدانی قبرون اوسته جلوه گر

ایلدون حقه منی ناظر حبیبی یا حسین

سیدی بو استانه باغلیوب دنیا امید

وار او اصل اوسته منیم قلبیمده بیر دنیا امید

اوز غلامیندور گل اتمه درگهنودن نا امید

گوگلون ال پیغمبر خاطر حبیبی یا حسین

سیدی درک اتمدیم گرچه شهادت فیضینی

لشکرون تک تاپمادیم من بو سعادت فیضینی

الدیم اما قبر پاکوندان زیارت فیضینی

حقه لازمدور اولام شاکر حبیبی یا حسین

سیدی چون سنده وار چشم امید ماسوا

بیر نظر لطفیله باخ ای نور چشم مصطفی

هر ایکی دنیا او باخماق دردیمه اتسون دوا

ای حبیب خالق قادر حبیبی یا حسین

سیدی قانیله بو صحرانی رنگین ایلدون

محنتونده خاطر زهرانی غمگین ایلدون

تا دم محشر قوام دینی تضمین ایلدون

دین حقه ای گوزل ناصر حبیبی یا حسین

سیدی درک ایلدوم بیر عمر جدون محضرون

یاندیم اما فرقتونده بیر زمان اول سرورین

تربتونده الدیم ایمدی عطرونی پیغمبرون

هجرونه اولام گینه صابر حبیبی یا حسین

سیدی بزم وصالون شاهد زیباسی سن

گوهر کنز محبت سن وفا دیارسی سن

سن ئوزون بیر پاک گلزارون گل رعناسی سن

مدفنون دور طیب و طاهر حبیبی یا حسین

سیدی دیلده او قبر اوسته گلوب از بس دیله

کربلایه گلدی تا یتدی او پوزگون قافله

سید سجاد امر اتدی او پیر کامله

گل کنار اول آز دی یا جابر حبیبی یا حسین

زینب کبری او قبره یوز قویوب افسرده حال

عرض ائدوب قارداش حبیب ایلر حبیبه عرض حال

عالم هجرین قوتاردی تاپوشام فیض وصال

محضرونده اولموشام حاضر حبیبی یا حسین

بو سفرده گورموشم چوخ چوخ ریاضت گلمیشم

صبریمی الدن الیب شوق زیارت گلمیشم

بیر رقیه گلمیوب اوندان خجالت گلمیشم

اولمیبدور قبریوه زائر حبیبی یا حسین

گر چه درباروندا وار شاعرلرین چوخ خدمتی

هرکسین اولسون گرگ اوز قدرتیجه شرکتی

«خوندل» اما عجزی وار اغلار چکر چوخ خجلتی

بیر نفر عاشقدی نه شاعر حبیبی یا حسین

شاعر : مرحوم حاج حیدرخوندل


متن مداحی احوالات اربعین

جانانینه عشّاقدن ای عشقی اولان باش

جانلار بوگوزل قبریوه قربان اولا قارداش

درگاه ملک بوسیدی نطق دله گلدیم

قارداش باجیوخ ایتماقا درد دله گلدیم

هبهات دئردیم دونه بو وصلته هجران

قسمت اولا قبرون منه ای شاه لب عطشان

توفیق خدادی ایلیوب لطفنی شایان

تحسین ایده واردور یری اقبالینه زینب

یاخشی یتوشوب کعبۀ آمالینه زینب

گلشن کیمی سیرینده عجب ذوق و صفا وار

بلبلری شوره گتورن عشق و وفاوار

ثارالله آخان یردی تُرابوندا شِفا وار

مَسجود خلایقدی نه تک خاک شِفادی

بو قبریدی ششگوشه و یا عرش خدادی

مدفن دیمرم من بورا کاشانۀ جاندور

روحیمدی یاتان بوردا بو یررشک جناندور

سس ویر سسیمه غصّه لی گویلوم دولی قاندور

گتدی بورا باشیمدا اولان عشق حسینی

اورگتدی وفا درسنی سرمشق حسینی

حاشا ایتورم حقّوی ای مهردل افروز

نورون منه یار اولدی اولوب تیره شبیم روز

وصل عالمینه آچدی یولی نالۀ جانسوز

یغدیم حرم و عترتیوی باشیما گلدیم

قان آغلاماقا سنکیمی قارداشیما گلدیم

ماتم زده یم نالۀ آهیمده اثر وار

رخساره آخان خون جگر اشک بصر وار

دنیایه سالان اود دل زاریمده خبر وار

کشف ایتماقا کیفیّتی وار وقت و فراقت

نطقیم کسولوب حیف اولا یوخ شرحینه طاقت

دنیاده سنون جود و کرامتدی شعارون

آل لطفیله گویلون آنام اوغلی بو فکارون

دیندیر باجووی منبع رحمتدی مزارون

پابوسونا نازل اولی افواج ملائک

بو مرقده روحی بابی اُمّی فدائک

هر قدر اوپوب ایگلورم اولمور دِلَه کافی

بولدوم نیه جدّیم دئدی بو قبر طوافی

مین حَجّدن افضلدی سوزون یوخدی خلافی

ای وارث موسی دیه سن طوریدی بو یر

وار نور خدا جلوه سی پُر شوریدی بو یر

هرگز دئمرم زینبی سن گوزدن آتوبسان

وارحقّون اولوب دینه فدا قانه باتوبسان

قربان بوگوزل قبریوه یات یاخشی یاتوبسان

سیننده بو شهزادۀ اصغر علی اصغر

مدّ نظرونده علی اکبر علی اکبر

آندولسون عزیز جانیوه ای روح روانیم

لیلانون اوغول وای سسینه یوخدی توانیم

اوخشار او چخار عرشه منیم آه و فغانیم

بلبل کیمی دوشجاخ گوزی خندان گله قارداش

آغلار دئر اُلسون علی بی کس آنان ایکاش

دربار سلیمانیده عزّتلی عیالون

سالموش الینه عشقیله دامان وصالون

لایلای دیسه آرتار بولوری دردملالون

ایوای دئر اصغره اول دیده سی خونبار

دنیایه گَلوب نه گَلَی بیر بیله وفا دار

اعجاز ایله دور مهریوی دنیایه بولوندور

باش سیز بدنیله منی اطفالیوی دیندور

لطف ایله قیزون فاطمیه نور دو عیندور

هجرعلی اکبرده دونوب گوزیاشی قانه

چوخ ظلم ایلیوبدور بالاوا دور زمانه

چوخ شایق اولوب قاسم شهزاده آناسی

طوی حجله گهینده آلا عطر گل یاسی

آلدوقجا مشامه اوجالورآه و نواسی

مدتدی چکوب بسکه غم و محنت هجران

قبر اوسته گلوبدور ایلیه ناله و افغان

سو آدی گلنده دله ای سرور مظلوم

آفاقی دوتان نالۀ جانکاهیله کلثوم

نهرالقمه یوز دوندریری با دل مغموم

سسلردور ابوالفضل ایله قان ایلمه اشگون

میل ایله سو دولدور باجون اُلسون قوری مشکون

سن راه وفاده دایانوب گچمدون اُلدون

نفسینده حسینیمدن اوگون سچمدون اُلدون

آلدون سویی بیر قطره سودان ایچمه دون اُلدون

آراموی آلموشدی سوسوز قیزلارون آهی

بیرده سودا گوردون رُخ لب تشنۀ شاهی

ای عاشق صادق اولان اوز نفسینه غالب

بو مهرو وفا اولدی او قدرتدن عجایب

اولدون سو یاننیندا سوسوز اُولماقلیقا طالب

مبهوت ایلیوب جمله سینی اهل دمشقون

آغلار گوزیله «مبکی» اولوب منشی عشقون

شاعر : مرحوم مبکی تبریزی


شعر برای مداحی نوحه اربعین حسینی

تا غمزدگان آل طاها

دیدند دیار کربلا را

از ناقه خود زمین فتادند

کردند همه فغان و غوغا

شد شور قیامتی نمایان

اندر دل دشت و کوه و صحرا

هر مادر غم کشیده بوئید

عطر گل خود به زیر غبرا

سرگرم وصال یار خویشند

از مرد و زن و ز پیر و برنا

من نیز حسین خویشتن را

بودم به میان دشت جویا

جویای بقای آفرینش

آن مظهر حق ، شهید تقوا

اینجاست که آرمیده در خاک

آن آیت ذات حیّ اعلا

تا مرقد او به بر گرفتم

فریاد و فغان ز سر گرفتم

گفتم که غمم ز سر بگویم

یا کوته و مختصر بگویم

گویم ز جفای کوفه یا شام

یا محنت این سفر بگویم

از درد و غم خرابه گویم

یا خون شدن جگر بگویم

ازغصه دختر سه ساله

یاشرح غم دگر بگویم

با باد صبا حدیث عشقت

هر روز و شب و سحر بگویم

گه شرح فراق جانستانت

با شمس و گهی قمر بگویم

گه قشه داستان ایثار

بر اهل جهان ز سر بگویم

گوید دل من، تمام غمها

باخاک تو سر بسر بگویم

هر جا نگرم غم است و اعدا

درد است و ملال و رنج و غوغا

یکسو همه مادران عاشق

در مهر و وفا و عشق صادق

درد و غم هجر را کشیده

آخر شده بر وصال لاحق

گویند بهم به رمز و ایماء

شرح دل دردمند واثق

چون کوه به صبر و بردباری

بودند همه بلند و شاهق

بودند همه وفا گزینان

مشتاق حقیقت و حقایق

سرمست وصال یار خویشند

مدهوش حق و بهم موافق

بودند همه ز فرط ایثار

فارغ ز تمامی علایق

جز صحبت یار هچکس را

در بزم لقا نبود لایق

شد نوبت کوچ کاروانم

هنگام فراق جانستانم

شاعر : استاد فانی تبریزی


سو گَتُورموشم

دور یاتما دلده گؤر نه هیاهو گتورموشم

اثبات عشقیمه آغاران مو گتورموشم

قارداش مُسخّر ایلمیشم شام و کوفه نی

مرهونووام گزارش نیکو گتورموشم

گرچه ریاضتیم اولوب افزون سِیرده

سهل ریاضته دیله یاهو گتورموشم

لیکن یزید وَقرینی نطقیله پؤزموشام

قدّ رسای ظلمی به زانو گتورموشم

قانون شرع و قانوین احیاسینی حسین

نِسوان کلّ عالمه الگو گتورموشم

بیر اربعین ده ره صد ساله طیّ ائدوب

میعادگاه عشقه حسین رو گتورموشم

ای آفتاب چرخ بلا یاتما قبریده

آخر بو چرخه انجم کم سو گتورموشم

بو سن ، بو عترتون آنام اوغلی جواب وئر

بیر دسته خسته قبریوه تیهو گتورموشم

شام ایچره بیر سفیری نماینده قویموشام

لیکن ربابی من سنه دلجو گتورموشم

دیندیر ربابی اصغرنین ناگرانیدور

اشکی اولوب عذارینه ترغو گتورموشم

یاتسا اویات قوجاقینه وئر بیرده اصغرین

مادر دؤشونده شیر سمن بو گتورموشم

ای ذبیح اولان قفادن اویان قارداشیم اویان

گؤز کاسه سینده قانه دؤنن سو گتورموشم

پیراهنون تلاشیله اللردن آلمیشام

فرش عزا بو مدفنه گیسو گتورموشم

بو قانلی بیر عمامه دی اللردن آلمیشام

دلده بو باره دن سنه آهو گتورموشم

انگشترون نه نوعیله بَجْدَلْدَن آلمیشام

گؤز یاشیمی بوغازووا دارو گتورموشم

چوخ سعی ائدوب تاپانمامیشام ساربانووی

بو باره ده اؤره کده هیاهو گتورموشم

نیلی ائدوبدی قوللاریمی تازیانه لر

نیلی صفت قولومدا النگو گتورموشم

بولدوم که گرد و خاک دوتوبدور مزاریوی

مژگانیمی مزاریوه جارو گتورموشم

شبگیریوم و حضوریوه یوخ قابل ارمغان

آخر حضوره شعری چو شب بو گتورموشم

شاعر : استاد شبگیر




این مطلب چقدر مفید بود ؟
 

دیدگاه ها

اولین نفر برای ثبت دیدگاه باشید !


hits