جدیدترین متن و شعر مداحی ترکی به مناسبت اربعین حسینی

۴,۱۵۰
۲
۰
شنبه, ۲۰ مهر ۱۳۹۸ ۱۳:۳۶

متن مداحی نوحه و روضه ترکی ویژه اربعین و محرم

متن نوحه ترکی اربعین حسینی

کاخ عشقی زینبون عشقیله آباد ایلدی

قبرون اوسته خاطر ناشادینی شاد ایلدی

ای شهید عشق و ای استاد دانشگاه حق

ای سالان دنیایه اسلامیّته خونین شفق

زینبون گَتدی سولان گللرون الده بیر طبق

سوز درد فرقت و هجروندن آزاد ایله دی

ای اولان شأنینده نازل کاف و ها،یا،عین و صاد

ای اولان ذبح عظیمه عمده معنا و مراد

چوخ منه توهین ایدوبدی کوفیان بد نژاد

سانما بیر آن فوج محنت زینبی شاد ایله دی

ای ویرن ذوالنونه فیض فاستجبنا برملا

وادی عشقونده سر گردان اولوبدور انبیاء

آیه آیه عشقوی تأیید ایدوب سّر خدا

عمده الرحمانیده سندن خدا یاد ایله دی

ای اناالحقّه یر اوسته قانیله معنا یازان

سن آچان گوندن بو یرده مکتب آزادگان

حقّین آلدی دکتراسین زینب بی خانمان

شام ایچینده کاخ استبدادی بر باد ایله دی

گر چه من نخل وفادن خوشه غم درمیشم

شینۀ رنجوریم اوسته حسرتیله سرمیشم

کیم دیور من لشکر اشراره معجر ویرمیشم

دست حق چون معجرین حفظینده امداد ایله دی

فاش قیلدیم عشقیمی من پیشگاه عشقده

سرفراز عشّاق اولوندی دادگاه عشقده

نعشیوی باشسیز گورنده قتلگاه عشقده

زینبیله نه فلک سس چکدی فریاد ایله دی

قتلگاهوندا عزاخانه اودور ایتدیم به پا

آغلیام بیر قویمادی راحت گروه اشقیا

اولدوخ عازم کوفیه ای شهریار قل کفی

ظلمده طغیان او گونده قوم بیداد ایله دی

کوفه نی گوردوم دوتوبدور کفر و جهلین ظلمتی

باشلادیم بیر خطبه ، رسوا ایتدیم اهل ذلّتی

واردی،آندیردوم او یرده، زینبین شخصیّتی

مرشد کامل منی بو یولدا ارشاد ایله دی

کوفه اهلی تخم ظلمی یر اوزونده اکدیلر

خامۀ ظلمیله طرح جور و ظلمی چکدیلر

قیزلارین یوخدور هواداری دیوبلر تَکدیلر

شکر اولا باشون جداده بیزلره داد ایله دی

چکدیلر بزم شرابه بیزلری اعدای دین

اَل چالوبلار هلهله ایتدی گروه مشرکین

سینه ده آرتدی ملال بیکرانی زینبین

تا نظاره آهوانِ صیده صیّاد ایله دی

بیر وقاریله من اولدوم داخل بزم شراب

بو تکبّرلی دیوب،کیمدی عبید کین مآب

عزم قیلدیم تا سالام بزم شرابه انقلاب

فکریمی تصدیق او دم بانی ایجاد ایله دی

سسلدیم اُسکُت که من زهرا عزیزی زینبم

برج غمده سیر ایدن بیر بخت قاره کوکبم

آتش عشقیله هر شام و سحرگه در تبم

مرتضادن یاد او قوم کینه بنیاد ایله دی

کوفیه سالدیم او گونکه من حسینیم ولوله

دوشدی ناگه نه سمایه ظلم الیله غلغله

گوی دییوم واضح ویریلدی عابده بیر سلسله

نسترن تک اهل کوفه قد شمشاد ایله دی

دست بدعتدن اولار منشور ظلمی آلدیلار

کوفه ده زندانه آل مصطفانی سالدیلار

بولمورم من نچه گون اوردا عیالون قالدیلار

کیم مصیبت ساعتین دنیاده تعداد ایله دی

ای اولان مست می حق ای شه عالی سرشت

واردی باشیمده ندندی چوخ عجیبه سرنوشت

گه بیزه زندان مکان اولدی گهی دیر و کنشت

گور بو ظلمی دهریده بیر آدمیزاد ایله دی

شامیده امّا بیزه بی حد جسارت ایتدیلر

قوم باطل فرقۀ حقّه شماتت ایتدیلر

بزم می ده باشیوه چوخ چوخ اهانت ایتدیلر

گاه سجّاده اشارت تیغ جلاد ایله دی

شرح قیلماقه او بزمی زینبون یوخ فرصتی

چ.نکه تعقیب ایلیوردی ، اوزگه مأموریتی

آچدی اوردا شعبۀ دانشگه حرّیتی

بیر قیزون امّا او دانشگاهه استاد ایله دی

کاخ دانشگاهی بر پا ایله دی ویرانه ده

شمع تک یازدی قوانینی پر پروانه ده

رونوشتین باسگانی ایله دی غمخانه ده

چونکه توشیحین اونون سلطان سجاد ایله دی

ایلرم هردم تفاخر سن کیمی قارداشیله

طشت زردن سن گلوبسن دیدۀ خونپاشیله

افتتاح ایتماقه دانشگاهی قانلی باشیله

گوردی هر کیمسه بو لطفی آفرین یاد ایله دی

انتخاب اولدی رقیه ای شه آزادگان

قاره بیر معجر باشیندا قوللاریندا ریسمان

مقدموندن پیشواز ایتسون الینده نقد جان

باخدی هر کیمسه بو حاله داد و بیداد ایله دی

گَل کنارینده او گون که بلبل دستانسرا

عالمی گوزدن آتوب دنیایه ویردی پشت پا

آلدی آغوشه اودور که زینب بی اقربا

دفن اونیله شامیده بیر عدّه اسناد ایله دی

بیرده گوردوم شام اولوبدور شرق و غربه شاهراه

حقّیله معناده جنگ سرد ایدر قوم تباه

ایله دیم بر پا او یرده دین حقّه پایگاه

زینبون بو یرده حق شاهددی بیداد ایله دی

سرپرست ایتدیم بو تأسیساته بیر طفل صغیر

گر چه اولموشدی سپاه دلتباهه دستگیر

لیک دنیانی ایدوب مغز سیاسیسی اسیر

بیله دانشجونی هانسی مکتب آزاد ایله دی

شامده گوردوم اولور اجرا رژیم بربریسم

ایده آل مسلمیندی تا بولوب امپریالیسم

ایله دی اوّل رژیم بربریسمی لیبرالیسم

موقعیت نا مرام حقّه ایجاد ایله دی

چون ایدوبدور هیئت سرخاب تبریز عزم طوس

جمله سی زنجیر زن زنجیر عشقه پایبوس

چوخ جوانشیریله مسعود ایله دی آه و فسوس

عرض ایدوبلر (هادیه) بیزدن اولار یاد ایله دی؟

شاعر : هادی تبریزی

بیشتر بخوانید::

متن نوحه اربعین حسینی جدید

جدیدترین متن های نوحه اربعین حسینی


شعر و نوحه ترکی اربعین حسینی

شد چو از زندان فرعونی ملول

یوسف مه پیکر آل رسول

گرگ دهر از خون خوبان سیر شد

دور گردون نادم از تقصیر شد

صبحگاهان خیمه بیرون زد زشام

اختران برج عز و احتشام

شد روان آن بانوان سوگوار

سوی یثرب با دو چشم اشک بار

پوشش محفل ز دیبای سیاه

شقه ها بر فرقشان از دود آه

گفت با قائد شه والا تبار

دارم اندر سر هوای کوی یار

هین بکش سویزمین کربلا

این قطار محنت ودرد و بلا

تا به دور مرقد پاک پدر

با فراغ دل کنم خاکی به سر

دل فگارانش شوند از گریه سیر

بی جفای خولی و شمر شریر

پس کشیدند آن قطار پر بلا

ناقه داران سوی دشت کربلا

کعبه مقصد چو شد پیدا زدور

شد به گردون از زمین شور نشور

بوی جان آورد باد خوش نوید

بر مشام عترت شاه شهید

زینب آن بانوی خرگاه شرف

گفت نالان با دل سوزان زتف

ساربانا ناقه را بگشای بار

کایدم زاین شت خونین بوی یار

ساربانا مهد برگیر از ابل

که فراوان دردها دارم زدل

واهلم با ناله های دردناک

کاندرین گلشن گلی دارم به خاک

خصم از این منزل بستی محملم

دست گرگان یوسفی ماند و دلم

ساربانا محمل من کن فرود

تا ببینم چون شد آن یوسف که بود

دختران شاه او ادنی سریر

خود برافکندند از محمل به زیر

خواجه ی سجاد میر کاروان

پا برهنه شد روان با بانوان

سوی قربانگاه دشت نینوا

همچو موسی سوی نار اندر طوی

آسمانی دید بر روی زمین

آفتابش در کنار اما دفین

یا نهفته بحر زخار شرف

دُرِّ غلطانی در آغوش صدف

یا به زیر پرده نور کبریا

چون به بطن روح سر کیمیا

یا که در مشکوة مصباح هدی

لیک شمعش سر به تیغ از تن جدا

مرقد پاک پدر در بر گرفت

شکوه ی شام و عراق از سرگرفت

سیل خون از دیده راندو ناله کرد

کربلا را بوستان لاله کرد

عندلیبان سوی گلشن تاختند

ناله بر اوج سپهر انداختند

خواهران و مادران خون جگر

هر یکی بر گلبنی شد نوحه گر

آن یک از داغ برکنار

درفشان از دیده چون ابر بهار

وین یک ازداغ پسر درسوز ساز

با نوای ناله های جانگداز

زینب از ناله گریبان چاک زد

آتش اندر خرمن افلاک زد

با دلی پر درد و چشم اشک ریز

ازجگر نالید کای جان عزیز

چون بگویم من که تو رفتی زبر

بی ماندم زنده من خاکم به سر

شکوه ها دارم از دست قاتلت

ترسم ار گویم بیازارم دلت

ماجرای کوفه و صحرای شام

با تو بی من خود سرت گوید تمام

گفتنی هرگز نخواهد شد زیاد

سر گذشت کوفه و آل زیاد

وان ره شام وهیون بی جهیز

وآن تطاول های خصم پر ستیز

برد از یاد آن همه آزارها

قصه شام و سربازارها

آسمانا چون نگشتی سرنگون

شد چو خورشید امامت غرق خون؟

ای شگفت از شمع های انجمت

چون نریزد بر زمین از طارمت؟

در شگفتم از تو ای قرص قمر

چون نگشتی پیکر او راسپر؟

چون نزد زین غم حدیث نامه ات

ای دبیر آتش چو نی در خامه ات؟

رخت شادی چون نزد درنیل غم

کوکب ناهیدت ای چرخ دژم؟

چون نیفکندی در این غم تاج زر

ای خدیو طارم چارُم زسر؟

ماند تنها شاه عالم گیر تو

چون شد ای ترک فلک شمشیر تو؟

ای خطیب چرخ چون شد کشته شاه

چون نشد گیتی زنفرینت تباه؟

چون نزد آه یتیمان از زفیر

آتشت در خرمن ای دهقان پیر

شد چو سرگردان غزالان حرم

ای ثریا چون نپاشیدی زهم

چون نکرد ای قطب گردون زین هناک

خاک بر سر برسر نعشت بنات

پس سکینه دختر شاه شهید

اشک ریزان ناله از دل بر کشید

گفت از سوز جگر کای یاورم

بی تو چون گویم چه آمد بر سرم؟

رفتی و شد ای شه والای من

شور محشر راست بر بالای من

سر برآر ازخاک و سوی ما نگر

خسته گوش دختر از یغما نگر

بس گریبان از فراقت چاک شد

ناله ها از خاک بر افلاک شد

بی تو چشمم دجله وجیحون گریست

دشمنان بر گریه من خون گریست

سوی تا سو دشمن و جمعی پریش

راه شام و دشت بی پایان به پیش

شامیان بزم سُرور آراستند

دخترانت بر کنیزی خواستند

پس کشید آن بانوی مهد و وقار

مرقد پاک برادر در کنار

زد فغان چون بر سرگل عندلیب

کرد شرح حال هجران با طبیب

کای ز هجرت داغ بر دلهای ریش

بی توشد بر باد موهای پریش

گیسوان کندند خوبان درغمت

حلقه ها بستند زمهر ماتمت

ای به دیدار تو جان ها را سکون

در فراقت شد جگرها غرق خون

خواهرانت می رود سوی حجیز

ای امیر کاروان وقت است خیز

امشب این جمعی که گریان تواند

اندر این غم خانه مهمان تواند

میزبانا چشم خونین باز کن

کن وداعِ ما و خواب ناز کن

شاعر : نیر تبریزی


شعر مداحی ترکی اربعین حسینی (چهلم امام حسین)

قبرون اوسته اولین زائر حبیبی یا حسین

نوکرین دور بو قوجا جابر حبیبی یا حسین

سیدی چون خط سیرون شاه راه عشقیدور

استانون تا جهان وار قبله گاه عشقدور

اهل عشقه تربت پاکون گواه عشقدور

باطن اسراری ائدر ظاهر حبیبی یا حسین

سیدی گوردوم گوزل تاثیری وار کام الماقین

اخرین بولدوم عبث کوینده حیران قالماقین

ایگلدیم اوپدوم بو صحرانون مقدس توپراقین

قبروی تاپدیم سنین اخر حبیبی یا حسین

سیدی یوخدور گوزوم وار دلده بو غمدن کدر

دیل گوزیله سالدیم اما کربلایه بیر نظر

گوردوم انوار خدانی قبرون اوسته جلوه گر

ایلدون حقه منی ناظر حبیبی یا حسین

سیدی بو استانه باغلیوب دنیا امید

وار او اصل اوسته منیم قلبیمده بیر دنیا امید

اوز غلامیندور گل اتمه درگهنودن نا امید

گوگلون ال پیغمبر خاطر حبیبی یا حسین

سیدی درک اتمدیم گرچه شهادت فیضینی

لشکرون تک تاپمادیم من بو سعادت فیضینی

الدیم اما قبر پاکوندان زیارت فیضینی

حقه لازمدور اولام شاکر حبیبی یا حسین

سیدی چون سنده وار چشم امید ماسوا

بیر نظر لطفیله باخ ای نور چشم مصطفی

هر ایکی دنیا او باخماق دردیمه اتسون دوا

ای حبیب خالق قادر حبیبی یا حسین

سیدی قانیله بو صحرانی رنگین ایلدون

محنتونده خاطر زهرانی غمگین ایلدون

تا دم محشر قوام دینی تضمین ایلدون

دین حقه ای گوزل ناصر حبیبی یا حسین

سیدی درک ایلدوم بیر عمر جدون محضرون

یاندیم اما فرقتونده بیر زمان اول سرورین

تربتونده الدیم ایمدی عطرونی پیغمبرون

هجرونه اولام گینه صابر حبیبی یا حسین

سیدی بزم وصالون شاهد زیباسی سن

گوهر کنز محبت سن وفا دیارسی سن

سن ئوزون بیر پاک گلزارون گل رعناسی سن

مدفنون دور طیب و طاهر حبیبی یا حسین

سیدی دیلده او قبر اوسته گلوب از بس دیله

کربلایه گلدی تا یتدی او پوزگون قافله

سید سجاد امر اتدی او پیر کامله

گل کنار اول آز دی یا جابر حبیبی یا حسین

زینب کبری او قبره یوز قویوب افسرده حال

عرض ائدوب قارداش حبیب ایلر حبیبه عرض حال

عالم هجرین قوتاردی تاپوشام فیض وصال

محضرونده اولموشام حاضر حبیبی یاحسین

بو سفرده گورموشم چوخ چوخ ریاضت گلمیشم

صبریمی الدن الیب شوق زیارت گلمیشم

بیر رقیه گلمیوب اوندان خجالت گلمیشم

اولمیبدور قبریوه زائر حبیبی یا حسین

گر چه درباروندا وار شاعرلرین چوخ خدمتی

هرکسین اولسون گرگ اوز قدرتیجه شرکتی

(خوندل) اما عجزی وار اغلار چکر چوخ خجلتی

بیر نفر عاشقدی نه شاعر حبیبی یا حسین

شاعر : خوندل


متن روضه و نوحه اربعین حضرت سیدالشهدا (علیه السلام)

اسارتدن قوتاردی اهلبیت مصطفی قارداش

گلیب له دوتماقا قبرین کنارینده عزا قارداش

اگر چی قرخ گونی تیر فراقین قلبیمی دلدی

خدایه شکر اولا زینب وصاله چاتدی دینجلدی

ایاقه دور یارالی قبرین اوسته قیزلارین گلدی

نجه گور کربلانی دولدوروب آه و نوا قارداش

بو قبر پاکیوه باخدوقجا احساسیم گلیر جوشه

اولا زواری هرکیم تربتین دن اخذ ائدر توشه

سنه قربان ندور علت مزارین اولدی ششگوشه

بورا کربُ بلادیر یا دئیوم عرش خدا قارداش

دونوب شوق وصالیندن ایکی آغلار گوزوم ابره

گلیر موجه بوتون نسگل لریم غالب اولوب صبره

بو باشسیز پیکرین مندن صورا کیم تاپشیریب قبره

نقدری با صفادی قبریوه جانیم فدا قارداش

گئدنده ناگران گئتدیم گلنده باغریقان گلدیم

دیار شامه قولباغلی گئدیب چون قهرمان گلدیم

اسارتدن قوتاردیم قبریون اوسته میهمان گلدیم

خوشام کی قسمتیم اولدی دوباره کربلا قارداش

منیله مونس اولموشیدی جدا اوسته باشین هر آن

او باشی گورمه سیدیم صبریمی ایلردی غم تالان

دولاندیم کوفه و شامی دالونجا ایلدیم افغان

او باشین عشقی گور چکدی منی هاردان هارا قارداش

منیله بیر دانیش تعریف ائدیم باشیم بلاسیندان

دیوم تا کوفه و شام اهلینین سایسیز جفاسیندان

ولی من ناگرانم وئر خبر سینه نن یاراسیندان

جوان داغی گر اولسا سینه ده بیتمز یارا قارداش

گتوردوم اهل بیتین اربعینه قبروین اوسته

ولی نازلی رقیم گلمدی ای شاه وارسته

شمادت دن یورولدی غصه مرگ اولدی او دلخسته

او غربت یئرده بیر کس اولمادی قبرین قازا قارداش

قیامین ایلدی تضمین بقای دین و قرانی

آییتدی نهضتین تا واردی دنیا نسل انسانی

هامی آزاده لر سندن آلالار درس ایمانی

سنه رهرو اولان ظلمه باش اگمز مطلقا قارداش

اورک درده گلیب بیر کیمسه اما محنتین بیلمز

قفسده قالمیان قوش باغ و بستان لذتین بیلمز

باجین زینب کیمی بیر کس بو قبرین قیمتین بیلمز

سورونم ایلرم بو دشتیده سعی و صفا قارداش

وطندن سندن آیریلدیم او گون جاه و جلالیه

شهید اولدون دولاندیم کوفه و شامی ملالیه

وطن گر قسمتیم اولسا منیم سنسیز بو حالیله

مدینه شهری یول وئرمز منه ای باوفا قارداش

نچه ایلدیر یانیر نار فراقینده نواخوانین

اورکدن "هوشمند" ایستیر سنین بو خوان احسانین

یازور نوحه دیور ایکاش اولیدیم منده مهمانین

اوزون بو اربعین یاز بیر برات کربلا قارداش

شاعر : محمد هوشمند


متن نوحه و روضه ترکی اربعین حسینی

دور یاتما زواریم گلورقارداش ابولفضل

یورقون بالالاریم گلور قارداش ابوالفضل

قرخ گونون عرضینده باجیم گورنه قوجالیب

سوسوزلوقدان بالالاریم سولوب سارالیب

معلوم اولان بیر عده سی یولاردا قالیب

محرم اسراریم گلور قارداش ابوالفضل

چوخلی مصیبته دوزوب کرب و بلاده

کوفه و شامی دولانوبیب پای پیاده

بیر نظر گوزدن قویموب منی جداده

یار وفاداریم گلور قارداش ابوالفضل

واردور باشیندا زینبین چوخ ماجراسی

باجیمون گلمز شماره درد و بلاسی

توخدامیب ئورگینین هله یاراسی

قافله سالاریم گلور قارداش ابوالفضل

دور پیشواز ائت زینب نالانی قارداش

آغوشینه وئر اصغر عطشانی قارداش

جانیم اولا زینبمین قربانی قارداش

یاتما اویان یاریم گلور قارداش ابوالفضل

نهضتی احیا ایلین زینبدی زینب

برپا قیامت ایلین زینبدی زینب

یزیدی رسوا ایلین زینبدی زینب

وفالی دلداریم گلور قارداش ابوالفضل

بو کاروانیله گلور حسینین جانی

دور یاتما استقبال ایله بو کاروانی

وئر زینبین آغوشینه اوخلی قربانی

غم گونی غمخواریم گلور قارداش ابوالفضل

اصغره لای لای دیئری آغلیری زینب

اوغلی ئولن آنالاری داغلیری زینب

قرخ گوندی باشینه قرا باغلیری زینب

یورقون عزاداریم گلور قارداش ابوالفضل

شاعر : استاد قاسم پور

بیشتر بخوانید::

متن مداحی نوحه ترکی برای اربعین

15 متن مداحی ترکی محرم و اربعین استاد کلامی


متن مداحی نوحه ترکی اربعین

شامیدن بو غملو سر زمینه گلدیم

قبرون اوسته قارداش اربعینه گلدیم

ای مزار ششگوشه سس ویر بو سیه پوشه

زینبم حسینم زینبم حسینم

یوخ باشون دئییدم قبردن گتور باش

قالموشام نه حاله گور یارالی قارداش

قامت خمیده سریمی ایدر فاش

سرو قامتی بو کولن غملر اوستونه توکولن

زینبم حسینم زینبم حسینم

ورمو شام علم من حد سد صبره

اید میشم تحمل هر جفا و جبره

گونگیون گتوردیم شال ایدم بو قبره

یوسف مدینم اویان ای سرورسینم اویان

گلشنونده گلدیم باغبان اولام من

گلمدیم بو نوعی باقری قان اولام من

اولما راضی سندن نا گران اولام من

دی گورم یاران نجه دی دردیله آران نجه دی

زینبم حسینم زینبم حصینم

فاطمه نشانی گور نجه پوزولماز

حشر اولونجه قارداش بیر بیله غم اولماز

هر یاران ساقا لسا بیر یاران ساقا لماز

اکبر اوسته اشگی آخان قانینی عذاره یاخان

زینبم حسینم زینبم حسینم

سن بو چولده عطشان قانوه باتوبسان

دینه نصرت ایلیوب مقصده چاتوبسان

اصغریله با هم قبرده یاتو بسان

گلمیشم دئیم ای وای تشنه اصغره لای لای

باغلانان بو چولده رشته جفایه

پرده پرده آهی اوج ایدن سمایه

ایلین تحمل جور اشقیایه

قول باغلی گیدن شامه سر خیل اولان اتیامه

زینبم حسینم

کوفه ده سرشگین قان ایدن زمانه

قدینی مصیبت دوندرن کمانه

قلبینی خد نگ طعن ایدن نشانه

فاطمه یگانه سیئم تیر غم نشانه سیئم

زینبم حسینم

کیم دیئر خدنگ غصه قلبی دلمز

توزلی بو مزاری گورسه شوره گلمز

بو بلا کشیده چوخ عجبدی المز

ای سوسوز الن قارداش لاله پیرهن قارداش

زینبم حسینم

گلدی جمله قارداش عترت رسالت

بیر رقیه ایتدی عمه سین خجالت

گلمدی بو قبرون ایلیه زیارت

صبر گلستانی سولان عمریجه خجالت اولان

زینبم حسینم

شامده عذاره اشگی باغلادیم من

آتش غمیله سینه داغلادیم من

اول یتیمی قبره قویدوم آغلادیم من

گوز یاشیله غسل ویرن معجرین کفن ایلیین

زینبم حسینم

نجمی آه او دمدن فاطمه عزیزی

غصه لر فکاری غملر اشگریزی

گوردی آلتی گوشه قبر مشگبیزی

سسلدی اویان قارداش غسلی قان اولان قاردش

زینبم حسینم زینبم حسینم


متن روضه و نوحه در احوالات اربعین

ای قــبری مبــاهات ایلیـن عــرشه حسینیم

به به نه گوزل زینت اولوب فرشه حسینیم

آغلارباجون اولسون بوگوزل قبروه قربان

شش گوشه لیـقی زینبوی ایلیوب حیران

هرگوشه سی جناتیدن افضلدی حسینجان

حاشـا اولاجنتده بوخوش منظـره قارداش

اکسیــریدی غم دیده اولان دللــره قارداش

واقف حسین عشقوه دلبسته دی زینب

الطافوه چوخداندی که وابسته دی زینب

دیندیرباجوی ایله کرم خسته دی زینب

هجرانون آلوب طاقت وآرامیمی قارداش

قرخ گونده بوکوب بار الم قدیمی قارداش

بومدتی هربیرگونوم آی ایلدی غمونده

زلفوم آغاروب قدیم اولوب خم محنونده

ایکــاش اجل درک ایلـیه قتلگهــونده

خاموش اولا قلبیمده اولان سوزوشراریم

شش گوشه مزاره اولاهمسایه مزاریم

القصه دیوب دردینی قارداشینا زینب

گه سینه وروب گاهی وئروب باشینا زینب

قویدی سارالان عارضی باش داشینا زینب

گویا دیدی ای صاحب اجلال وکرامت

غم دیده باجون زینبه گل ایله عنایت

وئررخصت اولوم قبرعلمــداریوه زوار

آغوشه آلوم قبــرینی ای ســروراحـرار

دل دردینی بیرقدری اونا ایلیوم اظهار

سینمده کی غملرقدحی باری بوشالسون

شایداورگیمده غم وآلامیم آزالسون

من کوچ ائلین وقتیده بودشت بلانی

واضحدی نجه ترک ائلدیم غملی مکانی

ممکن یوخدی دفن ائدم اول سروروانی

عرضیم بودی سینم شررآهیله یاندی

قولاری قلم قارداشمون قبری هایاندی

ترک ائتدی حسین قبرینی زینب یانه یانه

آغــلارگوزیله نهــره طــرف اولدی روانه

بیرکاسه سودولدوردی گلوب آه و فغانه

هــرذی نفسین طـاقت و آارامینی آلدی

تاپدی بالاجا قبری شرر عـــــالمه سالدی

ترک ائتدی حسین قبرینی زینب یانه یانه

آغــلارگوزیله نهــره طــرف اولدی روانه

بیرکاسه سودولدوردی گلوب آه وفغـانه

هـــرذی نفسین طــاقت وآرامینی آلدی

تاپدی بالاجا قبری شــــرر عالمه سالدی

دوشدی بالاجاقبره گوزی یاندی آلشدی

دیندیرماقا قارداشینی بالمره چالشدی

خون دلی گوزلردن آخان قانه قارشدی

سسلندی دورعباس گلوب زینب زارون

جان تک آلوب آغوشه باجون خردامزارون

دیندیر باجوی لطفیله ای عاطفه بحری

هجرون ائلیوب زینبه غمخانه بودهری

وصلوندن اوترگزمیشم هرکوچه وشهری

عالملری حیرتده قویوب پایه ی صبرون

زینب سنه قربان نیه بس خردادی قبرون

بیشتر بخوانید::

جدیدترین متن و شعر نوحه ترکی اربعین

16 متن مداحی نوحه ترکی اربعین


زیباترین متن مداحی ترکی اربعین

در سبک : آی منیم نازنین نگاریم

گلمیشم اربعینه قارداش بو بلا سرزمینه قارداش

ایت نظر دشت غم فزاده زینب دلغمینه قارداش

دور اویان باغری قان اولان زینبیوم

غصه دن قامتی کمان زینبیوم

حسین جانم حسین جانم,,,,

گیخ گجه گوندوز ایلیوب ظلم

بیزلره قوم دون وشیاد

اولموشام ایندی من حسین جان بند ظلم وجفادن آزاد

اهل بیته اوقدری دشمن ایلدی هر مکاندا بیداد

ایلیوبدی عجب اثرلر محنتین عالمینه قارداش

گلمیشم من اوپم گوزل تربتیوی

پیشواز ایله سن بودم عترتیوی

حسین جانم حسین جانم,,,

گلریم سولدی بو مکاندا تشنه لب اولدی چولده پرپر

آیریلاندا بو چولده قالدی قوملار اوسته یارالی پیکر

بی کفن قان ایچیندع جسمون قالموشیدی یر اوسته بی سر

بوردا یتمیش ایکی نفر جان اولدی قربانی دینه قارداش

سویله قارداش نجورسیدی یاره لرین

دفن اولوبدی نجه اوتن پاره لرین

حسین جانم حسین جانم,,,

دستگیر ایتدی قوم دشمن کوفه وشامی چوخ دولاندیم

هر نقدری ایدوب جفایا لشکر بی حیا دایاندیم

هی جداده باشون گورنده آغلیوب چوخ اخا اوتاندیم

بولمم آیا ندن واریدی دشمنون چوخلی کینه قارداش

سینه اوسته آنام کی ساخلاردی باشون

ووردی دشمن اوقدری داش یاردی باشون

حسین جانم حسین جانم,,,

ایندی اول شام غم فزادن کربلایه علم گتیردیم

قلبیمی قان ایدوبدی محنت قلبیده چوخلی غم گتیردیم

عفو ایله چوخ خجالتم من چون رقیه وی کم گتیردی

بیر گجه باشون اولدی مهمان دختر نازنینه قارداش

شامیده غصه دن جانا گلدی قیزون

جان وریب خسته جانی دینجلدی قیزون

حسین جانم حسین جانم,,,

دوزدی من شام پربلاده چوخلی ویرانه لرده قالدیم

شامه وردیم علم حسین جان لرزه تخت یزیده سالدیم

شامیده انقلاب ایدوبدی غارتین من اساسین آلدیم

لعنت اولسون گوروم دمادم

اول یزید لعینه قارداش

آلمیشام دود مین اوخ دین پیرهنون

قوی سریم قبرین اوسته من پیرهنون

حسین جانم حسین جانم,,,

گور نجه عترت پیمبر ایلیور آه وناله آغلور

قیزلارین قبرین اوسته یکسر گوزیاشین گل عزاره باغلور

هی دیور لای لای ربابون اصغره چولده سینه داغلور

ایت نظر باری بیر رباب غم کش ودلحزینه قارداش

تا اولونجه قرا باشا باغلیارام

هی سنه نوحه باشلیوب آغلیارام

حسین جانم حسین جانم

شاعر : خوش نواز مرندی


متن نوحه ترکی پر معنی اربعین

ای کرب و بلا سروری قیزلاری گتیردیم

دور قبروه دل یاره لی زوّاری گتیردیم

سندن صورا دشمن ائلدی حالیمی برهم

شاماته کیمین قمچی اولوب زینبه همدم

هر قمچی دگنده دئدیم ای فاتح علقم

بو محنته هئچ غم اولا بیلمز تای اباالفضل

زهرا قیزینا قمچی ووریلار آی اباالفضل

بو بیر سوزه ای‌شیعه کیمین طاقتی واردی

زینب دئدی ای شه باجوون غیرتی واردی

تار عالمی ایندی گورورم علتی واردی

تا کوفه ده زینب باشینی محمله چالدی

محمل یاراسی گوزلریمون نورینی آلدی

قارداش سنه قوی ایندی دیوم غملی حکایت

وئردون منه سن بیر بالا جیرانی امانت

امّا او امانت بی‌بی سین ائتدی خجالت

ایستکلی قیزون دار فنا داشینی آتدی

اولدوز مثلی گوشهٔ ویرانه ده باتدی

شاماته کیمین اولدی هدف تیر بلایه

امّا بیرینه ایلمدی ذرّه گلایه

کیم ووردی اونی حسرتیلن باخدی جدایه

تا گلدی باشون منزل ویرانه حسینجان

گوردوم تک او گون من قیزووی شاد خرامان

شاهلار قاباقیندا کسیلر رسمیدی قربان

قربانلیقا قارداش یوخودی بیزده کی امکان

سسلندی رقیه بی‌بی جان اولما پریشان

قربانلیقوون فکرینه ویرانه ده قالّام

عشقیلن ئوزوم ئوز بابامون قربانی اولّام

گلمز ولی بیچاره رباب دردی شماره

بیر اوخ ائلدی اصغرینون حلقینی پاره

ویرانه‌ده اوچ یاشلی قیزی گئتدی مزاره

اصغردن اونا بیر بالا گهواره قالوبدی

ایستکلی قیزیندان ایکی گوشواره قالوبدی


متن مداحی ترکی مفهومی برای اربعین حسینی

حسین گلوب اربعینوه ماهپاره لر قارداش

ربابون حالینه ملر شیر خواره لر قارداش

بلالی چولده قرا باشه باغلیانلارون گلدی

شرار آهیله عالمی داغلیانلارون گلدی

ایاقه دور پیشواز ایله آغلیانلارون گلدی

کناره نهره باخوب یانار بخت قاره لر قارداش

تاپانمدیم من سنه کفن قبرووه باجون قربان

خجالتم فوق العاده من قبرووه باجون قربان

گتورمیشم قانلی پیرهن قبرووه باجون قربان

نیه آپارمشیدی غارته هیچ کاره لر قارداش

یزیدبی آبرو بیزه ظلمین آشکار ایتدی

دوداقلاروندان توکولدی قان باخدی افتخار ایتدی

یارالانان لبلری گوروب قیزلار آه و زار ایتدی

چاغیردی عباسی دادینه قلبی یاره لر قارداش

طبقده قانلی باشون گلوب روشن اولدی ویرانه

ویریلدی باشون رقیه بلبل خوش الحانه

پر آچدی پر ویردی شمعینه یاندی مثل پروانه

گتوردی درده منی اول نظاره لر قارداش

یارالی سینمده حبس ایدوب غصه لی سوزون گلدیم

رقیوون گیزلدوب ئوزوم قبریده یوزون گلدیم

بابا بابا سسلنوب ئولوب باغلیوب گوزون گلدیم

سارالدی سولدی خرابه ده بو هزاره لر قارداش ؛

قارداش سینه ده ملالیمی موبمو گتورمیشم

گوزده اشک حسرت و آرزو گتورمیشم

ای سوسوز ئولن سنه یاتما سو گتورمیشم

ایچ سرین سودان حسین التجایه گلمیشم؛

گویا مزاریدن یتیشوب زینبه صدا

عشق عالمینده واله و حیرانووم سنون

بطحایه قانلی کونگیمی یادگار آپار

بیلسون گورن که یاره لی سلطانووم سنون

گلم باجی گیجه یوخووا صحبت ایلروک

هر دردون اولسا قلبیده درمانووم سنون

شاعر : حاج یوسف معزی اردبیلی


اربعین حسینی (چهلم امام حسین)

اربعینون گلدی قارداش سن هارا توپراق هارا

آچ گوزون زینب گلوب آلندی یارا، قلبی یارا

ایندی قرخ گوندی حسین سندن دارخمیش زینبون

دورگینان پیراهنین اللردن آلمیش زینبون

ایندی قرخ گوندی سسون گلمیر قولاقه آی حسین

دورگینان حرمت ائله یورقون قوناقه آی حسین

ایندی قرخ گوندی اسوب هجران یئلی گلزاریمه

تاپمادیم بیرکس ائدم محرم بوسوز و سازیمه

قارداشیم باخ باجیلار قاره گیوبلر هامیسی

آغلیوبلار گه سنه ای وای دیوبلر هامیسی

باشیمه قرخ گوندی قارداش چکمیوبسن اللرین

قبرون اوسته آغلاشیلار بی نوا بلبلرین

باجی قارداش رسمی قارداش گورنقدری خوش اولار

غملی گونده باجینون قارداش یئری چوخ بوش اولار

چون که سندن من حسین درک محبت ائتمیشم

عطریوه واللهی قارداش من چوخ عادت ائتمیشم

ایندی قرخ گوندی منیم وای یوخدی قارداشیم اخا

سیلی تک آخمیش عذاره قانلی گوزیاشیم اخا

باجی ایستر جان وئرنده قارداشی گلسین حسین

قبلیه ساری باجیسین فوری دوندرسین حسین

نینیم ایندی ولی سن گئتمیشن من قالمیشام

قبرون اوسته پیکریمی سایه مثلی سالمیشام

کاش سنی بیر یول خدا دنیایه قیترسین حسین

بو کمکسیز باجیوا قارداشینی ورسین حسین

تا دونوم هر روز و شب پروانه مثلی باشیوه

جان دیوب بوسه ویرام هم گوزلره هم قاشیوه

گوزلره تاکه دویونجا من باخوب ای وای دیم

سینمه باشون آلام قارداش سنه لای لای


متن نوحه وروضه احوالات اربعین

برنامه غم شامیده اتمامه یتیشدی

قورتولدی اسارت، ستم انجامه یتیشدی

آغلار گوزیله عترت اطهاری حسینون

قیرخیندا گلوب اولدولا زواری حسینون

دوشدی گوزی زهرا قیزینون کرب وبلایه

قارداش دیدی محملدن انوب گلدی نوایه

صحرای بلایه دوتوب یوز ایتدی گلایه

ای کرب وبلانین یری ایتدون بیزی مغموم

ئولدوردیله سنده آتامین اوغلونی مظلوم

دوقوز گیجه گوندوز بیزی مهمان ایلدون سن

ایتدون ایله رفتار ایلمز دشمنه دشمن

آگهسن اوزون ایلدیقوندان نه دیوم من

نه بیزلره قسمت سویون اولدی نه طعامون

آب غم و آلامیله سرشار اولا جامون

آباد اولاسان یاخشی قوناق ساخلادون ای خاک

یوز ویردی نه لر سنده چتین درک ایده ادراک

قان آغلادی لایقدی دیسم دیده افلاک

مهمانی ایویندن قولی باغلی یولاسالدون

بیر لاله کیمی سینه سی داغلی یولا سالدون

مجنون ایلدون لیلینی اکبردن آیردون

صحرایه سالیب شبه پیمبردن آیردون

ناکام اوغولی، غصه لی مادردن آیردون

همرنگ ایلدون بختینه اوزمعجرین آخر

چکدون دیلینه داغین علی اکبرین آخر

دوندردون عزاخانیه دامادین اطاقین

قانیله خضاب ایتدون عروسین ال ایاقین

گورسترماقا خجلت چکیری ایمدی قولاقین

گورزلفیله گیزلتمه سه نه چاره سی واردور

گوشواره که غارت اولونوب یاره سی واردور

چوخ مهر و وفاسیزدی سوئی نهر فراتین

بیرمشگینه سقایه بها بیلدی حیاتین

قان ایلدی اشگ ترینی گوزده بناتین

قولارین آلوب باشدا جراحت یولا سالدی

آخدی قوری مشگیله خجالت یولا سالدی

هر بیر صود اوشاقین دلیلن صوددن آچالار

چوخ زحمتیلن نسگیللن صوددن آچالار

اویناتمالی دسته گلیلن صوددن آچالار

اصغر ولی اوچ شعبه خدنگیله آچیلدی

امدی سولی پیکانی، شرنگیله آچیلدی

عالم یری وار دوتسا شرر غم شرریمدن

سونمز اورگیمده یانان اود اشگ تریمدن

دنیابوئی عمریم اولا چیخماز نظریمدن

ایتام پرستاری پرستارسیز ئولدی

دوتموشدی حسینیم اوروج افطارسیز ئولدی

ای باشلی لارین باشین آلوب باشسیز ایدن یر

ای باجی لاری قارداشی قارداشسیز ایدن یر

ای زینب مظلومه نی یولداشسیز ایدن یر

ای زینب مظلومه نی قارداشسیز ایدن یر

باشدان ایاقا شکل و قیافون عوض اولموش

گوگلوم آچیلور سنده فضا عطریله دولموش

زینب دیدی درد دیلینی کرب و بلایه

ایتدی اوکی دلده واریدی شکوه گلایه

یوزقویدی فرات اوسته گلوب شور و نوایه

بیرجام سودولدوردی یانایانه گتیرسین

ششگوشه مزار شه عطشانه یتیرسین

گتدوقجه سو جامین یوزه گوز یاشی آخاردی

محنت شرری قلبینی اودلاره یاخاردی

هر دم دونوب حسرتیله جامه باخاردی

گوز یاشی دولوب کاسه ی چشمنده داشاردی

جام ایچره گوزی، عکس حسینه ساتاشاردی

ایتمشدی مجسم یارالی قارداشین حالین

بو منظره آلمشدی هامی فکر و خیالین

بیر اوزگه عوالم اونون آرتیردی ملالین

حسرتله دولاندیردی گوزین، ایتدی نظاره

دوشدی گوزی ناگاه او شش گوشه مزاره

گوز یاشی قاتوب سپدی سوئی قبرین ایدوب یاش

بوحاله باخیب اهل حرم آغلادی قان یاش

سسلندی گتیردیم سو، دور افطار ایله قارداش

قویمایانا چوخ آج سوسوز ئولماقیوه زینب

قربان اولا باش داشیوه توپراقیوه زینب

شاعر : مرحوم حافظی

بیشتر بخوانید::

تکست نوحه اربعین حسینی جدید

جدیدترین تکستهای نوحه اربعین حسینی


متن مداحی جدید اربعین حسینی

گلدی مزارون اوسته شها ئولمین باجون

چاتدی وصاله بیرده اَخا ئولمین باجون

اقباله باخ حسین من هارا کربلا هارا!

گلدی دوباره عطرون آلا ئولمین باجون

آخر سفردی کرب و بلایه دوشوب یولوم

بیرده چتین موفّق اولا ئولمین باجون

سندن صورا همیشه محرّمدی زینبه

ساخلار سنه ئولونجه عزا ئولمین باجون

آخر زیارتیمدی حسین قبرون اوستیم

گلمز دوباره بیرده بورا ئولمین باجون

اقباله باخ که سن سورنن یئرده آغلورام

ای کاش ئولیدی ایندی اَخا ئولمین باجون

سندن صورا حسین نلر اولدی دینمورم

بیر آز گرک بو ظلمی آچا ئولمین باجون

سعد اوغلی حکم ائدوبدی قوشون دولدی خیمیه

اولدی اسیر شمر دغا ئولمین باجون

اوت ووردولار خیامه داغیلدی چوله حرم

آختاردی راه چاره تاپا ئولمین باجون

گوشواره لر آلوندی حسین سیلی ضربینه

فکر ایله گور قالوب نه حالا ئولمین باجون

بیر بیر دوشور خیاله گیچن گونلریم حسین

آغلور سنه اورکده یارا ئولمین باجون

آت دیرناقی هارا بو مقدّس بدن هارا

قربان اولا یارالاریوا ئولمین باجون

ئولسیدی بیر غلام اونا ایلردیلر کفن

واردور یئری بو درده یانا ئولمین باجون

سن شاهیدون تاپولمادی امّا کفن سنه

سویلر همیشه وااسفائولمین باجون

آل علینی بزم شرابه آپاردیلار

سن وئر اجازه عرض ائده تا ئولمین باجون

هر درد و غصّه بیر یانا وای خیزرانیدن

لبلر بولوندی ائتدی نوا ئولمین باجون

شامی کنیز ایستدی زهرا عزیزینی

قالدی او دم بیر آیری حالا ئولمین باجون

وئرسن اجازه قارداشیم عبّاسه باش چکوم

دائم ائدر او شیری دعا ئولمین باجون

قدّی اوجیدی بیر بالاجا قبریده یاتوب

قربان اولا قلم قولونا ئولمین باجون

گلدی دوشندی زینب علمدار قبرینه

سسلندی دور گلوب یانیوا ئولمین باجون

بو قانلی پرچمی یتورم یثربه گرک

سوغات اونی گرک آپارا ئولمین باجون

امّ البنینه مشکیوی وئرّم مدینه ده

غمخوار اولار سنون آناوا ئولمین باجون

بنده حقیر «صادقیم» یا حسین بویور

جنّت حواله سی یازا ئولمین باجون

شاعر : صادقی تبریزی


اربعین حسینی

کرب و بلایه چون یتوب غم کاروانی زینبون

عرش برینه اوج ایدوب اه و فغانی زینبون

کرب و بلایه چون یتوب غم کاروانی زینبون

عرش برینه اوج ایدوب اه و فغانی زینبون

قبراوسته اچدی باشینی جاری ایدوب گوز یاشینی

اوخشوب سوسوز قارداشینی ارتدی فغانی زینبون

یا من ذبیحا من قفا یا من قتیل الاشقیا

گلدی باجون دور یا اخا اول همزبانی زینبون

ایله نظر عذاریمه بو دیده ای خون باریمه

گوزدن اخار رخساریمه اشگ روانی زینبون

شامه کیمی شمر دغا چوخ ایلیوب جور و جفا

تشریح ایده دلده اخا یوخدور توانی زینبون

اولدوخ اسیر قوم کین نه یاور ونه بیر معین

شمر اولدی قارداش شامجن چون ساربانی زینبون

قویموب بیزی اول کوفیان تا ایلیاخ اه و فغان

ایمدی گررک اولسون عیان سر نهانی زینبون

یوخدور وفا ایامیده اول قوم خون اشامیده

قالدی روقین شامیده ارام جانی زینبون

دفن ایلدیم با صد محن اوز کوینیون قیلدیم کفن

قاداش پوزولدی ظلمیلن بل گلستانی زینبون

اولدی خرابه منزیله نه سایبان نه حایلی

عرض ایتمگه یوخدور دلی بو ماجرانی زینبون

یارب به حق لافتی بو جمعه سن ایله عطا

زوار اولا اول قبره تا بو " نوحه خوانی " زینبون

شاعر : خادم عطار تبریزی


متن نوحه اربعین حسینی

دور ای بلا چولینون توپراقین ایدن اکسیر

باشیم بلاسینی قرخ گونده شرح ایدوم بیر بیر

اَیاقه دور یارالار یورقونی تفقّد ایله

تمامیسی یورولوب قیزلارون صغیر و کبیر

دیمم یوروبدی بیزی پستی و بلندی راه

هوای گرم بیابان، حرارت زنجیر

امان شماتت اَلیندن، یوروبدی دل یاراسی

سنیده خسته ایدوب زخم نیزه و شمشیر

بقای نهضت عظمای روز عاشورا

دوام تاپمازیدی زینب اولماسِیدی اسیر

شهادتون کیمی روز ازل اسارتیمی

بو نوعی لوحیده یازمیشدی خامه ی تقدیر

گرک دوزوب دایانِیدیم، پیام عاشورا

منیم اسارتیمیله اولدی عالم گیر

بِش ایل خانملیق ایدن بیر دیار، قول باغلی

بلالی زینبه قارداش ازل اولوبدی مسیر

دولیدی کوفه تماشاچی، ازدحامیندن

بو شایعه واریدی خارجی اسیری گَلیر

حنا یاخوب اَله چخمشدیلار تماشایه

بیر عدّه گِیمیشیدی قرمزی لباس و حریر

بیر عدّه سی اَله آلموشدی چنگ و بربط و دف

بیر آیری سمتیده گوردوم بیر عدّه شهری بَزیر

او قدری قالمادی روحیم بدندن آیریلسون

سخیلدی قلبیم، اولوب بس که خاطریم دلگیر

چتین زمانیدی، دادیمه یتیشدون عجب

اوخودون آیه ی کهفی، قوا تاپوبدی ضمیر

هامی دونوب متوجّه اولوب جدا باشنا

ولیک من گوره نی گورمیوبدی اهل شریر

اولیدی کاش گوزوم کور، ناگهان گوردوم

دوشوب خسوفه امامت گویونده ماه منیر

علاجِ دردیمه بیر چوب محمل ایلدی بس

باشیم قانیله تاپوب رنگ زلف سر تغییر

علی بالالارینون گور هارا یتیشدی ایشی

سالوبدی محبسه ابن زیاد پست ضمیر

قضای کوفه و شاماتی سمّ شایعه دن

سحاب اشکیمیله خطبم ایلدی تطهیر

گمان ایدردیله شیر خدا اوخور خطبه

عیاندی من کیم شیر خدا قیزی اولی شیر

باشیم آغاردی، یزیدین گونون قرا ایلدیم

بیلیم بوکولدی، اولوب دشمنون زبون و حقیر

سلاح حجب و حیا و عفاف و صبریله

دیار کوفه و شاماتی ایلدیم تسخیر

نه نوعی شامیده شام اولدی گوندوزوم دیمرم

بو قدری وار دیریلقدان اولوب حرملر سیر

اینان قوجاتدی دیسم زینبی ورودی شام

جداده ناظریدون، یوخ نیاز ایدم تقریر

تراب بستر اولوب بوتراب قیزلارینا

قناعت ایلدیلر توپراقا به جای سریر

خرابه ده گنه قلب ربابی یاندوردی

اوچومجی مرتبه بو چرخ سفله پرور و پیر

داغیلدی اوندا که توپراقه تِل لری بالاوین

رباب آناسینی گوردوم چو برگِ بید اَسیر

دیردی اصغره لایلای دین بالام اُلدی

چوخ اینجیمیشدی، خلاص اولدی دامیدن نخجیر

سسی قالوبدی قولاقیمده ایمدی ده بالامون

دیردی شمره دی آچسون قولیمی، چوخ اینجیر

شاعر : سالک


متن نوحه اربعین حسینی

شامیدن بو غملو سر زمینه گلدیم

قبرون اوسته قارداش اربعینه گلدیم

ای مزار ششگوشه سس ویر بو سیه پوشه

زینبم حسینم زینبم حسینم

یوخ باشون دئییدم قبردن گتور باش

قالموشام نه حاله گور یارالی قارداش

قامت خمیده سریمی ایدر فاش

سرو قامتی بو کولن غملر اوستونه توکولن

زینبم حسینم زینبم حسینم

ورمو شام علم من حد سد صبره

اید میشم تحمل هر جفا و جبره

گونگیون گتوردیم شال ایدم بو قبره

یوسف مدینم اویان ای سرورسینم اویان

زینبم حسینم زینبم حسینم

گلشنونده گلدیم باغبان اولام من

گلمدیم بو نوعی باقری قان اولام من

اولما راضی سندن نا گران اولام من

دی گورم یاران نجه دی دردیله آران نجه دی

زینبم حسینم زینبم حسینم

فاطمه نشانی گور نجه پوزولماز

حشر اولونجه قارداش بیر بیله غم اولماز

هر یاران ساقا لسا بیر یاران ساقا لماز

اکبر اوسته اشگی آخان قانینی عذاره یاخان

زینبم حسینم زینبم حسینیم

سن بو چولده عطشان قانوه باتوبسان

دینه نصرت ایلیوب مقصده چاتوبسان

اصغریله با هم قبرده یاتو بسان

گلمیشم دئیم ای وای تشنه اصغره لای لای

زینبم حسینیم زینبم حسینیم

باغلانان بو چولده رشته جفایه

پرده پرده آهی اوج ایدن سمایه

ایلین تحمل جور اشقیایه

قول باغلی گیدن شامه سر خیل اولان اتیامه

زینبم حسینم زینبم حسینم

کوفه ده سرشگین قان ایدن زمانه

قدینی مصیبت دوندرن کمانه

قلبینی خد نگ طعن ایدن نشانه

فاطمه یگانه سیئم تیر غم نشانه سیئم

زینبم حسینم زینبم حسینیم

کیم دیئر خدنگ غصه قلبی دلمز

توزلی بو مزاری گورسه شوره گلمز

بو بلا کشیده چوخ عجبدی المز

ای سوسوز الن قارداش لاله پیرهن قارداش

زینبم حسینیم زینبم حسینیم

گلدی جمله قارداش عترت رسالت

بیر رقیه ایتدی عمه سین خجالت

گلمدی بو قبرون ایلیه زیارت

صبر گلستانی سولان عمریجه خجالت اولان

زینبم حسینم زینبم حسینیم

شامده عذاره اشگی باغلادیم من

آتش غمیله سینه داغلادیم من

اول یتیمی قبره قویدوم آغلادیم من

گوز یاشیله غسل ویرن معجرین کفن ایلیین

زینبم حسینم زینبم حسینیم

نجمی آه او دمدن فاطمه عزیزی

غصه لر فکاری غملر اشگریزی

گوردی آلتی گوشه قبر مشگبیزی

سسلدی اویان قارداش غسلی قان اولان قاردش

زینبم حسینم زینبم حسینم

شاعر : نجمی


این مطلب چقدر مفید بود ؟
(2 امتیاز , میانگین: 3.5 از 5)  

دیدگاه ها

شما هم می توانید نظرات خود را ثبت کنید



کد امنیتی کد جدید
hits

آخرین مطالب دلگرم

StatCounter