اشعار و متن آهنگ مداحی ترکی به مناسبت شهادت امام محمد باقر

۳,۳۴۷
۳
۰
چهارشنبه, ۰۹ مرداد ۱۳۹۸ ۱۶:۰۴
نام مبارک امام پنجم محمد بود . لقب آن حضرت باقر يا باقرالعلوم است.هفتم ماه ذی الحجه به شهادت رسید. در این مطلب اشعار و متن نوحه ترکی برای مداحی کردن آماده کرده ایم.
اشعار و متن آهنگ مداحی ترکی به مناسبت شهادت امام محمد باقر

متن مداحی ترکی آذری در وصف شهادت امام محمد باقر

متن مداحی ترکی شهادت حضرت امام محمد باقر (ع) خطاب به حضرت ولی عصر (عج)

حضرت باقر - ایلدی رحلت - یا مهدی

عالم اولوبدی - غرق مصیبت - یا مهدی

امام امّت یا مهدی - باشون سلامت یا مهدی

ظلمی هشامین - پوزدی امامین - احوالین

سیندی ستونی - کعبه ی عشق و - آمالین

بولمز اجانب - باقر آقانین - اجلالین

ائتدیله مسموم - قوپدی قیامت - یا مهدی

حجّت پنجم - جدّی رسولین - همنامی

آل عبانین - مایه ی مجد و - اکرامی

علم یقینلن - ایلدی احیا - اسلامی

قسمتی اولدی - فیض شهادت - یا مهدی

زین العبانین - راحت جانی - باقردی

شهرتی دوتموش - کلّ جهانی - باقردی

خیرنسانین - روح و روانی - باقردی

حیف اولا دشمن - ائتدی جسارت یا مهدی

خاکی بقیعون - اولدی مزار اول - محبوبه

گون قباقندا - قبری قالوبدی - مخروبه

وردیلا دامن - آل امیّه - آشوبه

اولدی مدینه - باقره غربت - یا مهدی

غملی بقیعده - دفن اولونوب دورت - آزاده

قونشی دی یعنی - باقر و صادق - سجاده

اوردادی آری - قبر حسنله - زهراده

دورت گوزل اولدوز - بیر مه عصمت - یا مهدی

باقر ئولنده - سالدی حجازه - غم سایه

غملی جنازه - گئتدی بقیع - زهرایه

پیکری امّا دوشدی حسینون صحرایه

خیمه سین اعدا - ایلدی غارت - یا مهدی

جان اولا قربان منزلت ثاراللهه

قانلی یوزیلن - گئتی حضور اللهه

آغلا «کلامی» حال ابا عبداللهه

عرض ائله یاندی - زینب او ساعت - یا مهدی

شاعر : استاد کلامی زنجانی

بیشتر بخوانید::

دانلود نوحه شهادت امام محمد باقر با مداحی حاج مهدی مختاری

دانلود ۱۴ مداحی نوحه شهادت امام محمد باقر از کربلایی جواد مقدم

separator line

شعر نوحه ترکی در احوالات حضرت امام محمد باقر (ع)

امام باقر اولوب بو جهاندا چوخ مظلوم

شهید ایدوب اونی آخرده قوم نادانی

بویوردی جعفر صادق آتام چاغوردی منی

وصیّت ایلدی بیربیر او عشق برهانی

منه دانشمادی تنها بر عده نی چاغریب

آتام حضوره صورا صحبت ایتدی طولانی

تمام ایدوب وصایاسینی گیدیب مردم

دِله گلوب دیدوم ای ملک عدل سلطانی

عجب خصوصی منیله دانشمادوز باباجان

بویوردی ایستدوم اولسون علن بوجریانی

جهانی ترک ایلسم سن منه وصیّ سن اوغول

که راضی ایلدوم الحق بو ایشده یزدانی

وصیتندن اولوب باقرین بو بیر مطلب

مورّخین یازیب دفتره وصایانی

بویوردی حج زمانی گلنده ای صادق

منه عزا دوت اوغول راضی ایله بابانی

مناده یغ باشیووا شیعیان و احبابی

اولاردا راضیدور اولسون امام گریانی

اوچولده آغلیون اون ایل منیم مصیبتمه

اگرچه غملریم آغلاتدی چشم طاهانی

بلی بو نوعیله اون ایل امامه آغلادیلار

دوتوبدی ناله و شیون سما و صحرانی

ولی حسینه اُلنجه بو شیعه لر آغلار

حسین مصیبتی یاندیردی قلب زهرانی

حسینی تاپدی چوغور یرده زینب کبری

ئوز اوسته نیزه لر آلتدا اوجالدی افغانی

دیدی حسین باجون ئولسون قیام قیامت اولوب؟

دوشوبدی عالم خلقتده لرزه ارکانی

باشون جداده چوغور یرده پیکرون یارالی

بدنده چوخدی یاران الدن آلدی یارانی

دگوبدی قلبیوه اوخ سینووی سوکوبدی حسین

منه ویرویدی قشون کاش حسین بو پیکانی

گجه نی صبحه کیمی فکریوه سنون قالدیم

سزیلتی سسلریمز دولدوروبدی میدانی

اماندی دور باجیوی سال یولا گیدور شامه

حیالی قیزلاریوون اولموشام نگهبانی

آتام سنه اولا قربان آنام سنه قربان

آخان قانون ایلیوب زنده حکم قرآنی

امام باقره زوّار اولاندا «عینی فرد»

مصمّم اولدی یازا دفتره بو انشانی

بقیعده قبرینی هر کس گورور اولور بی تاب

پوزوبدی دست ستمکاریله گلستانی

شاعر : استاد حاج غلامرضا عینی فرد زنجانی

بیشتر بخوانید::

دانلود مداحی شهادت امام محمد باقر با صدای محمدرضا و جبار بذری

۱۱ متن مداحی گلچین شده به مناسبت شهادت امام محمد باقر

separator line

شعر مداحی نوحه ترکی احوالات حضرت امام محمد باقر (علیه السلام) و گریز به قتلگاه

بو خبر که خامه یازدی معتبر اخباریدن

مطلبی آرسته قیلدی کسوت اشعاریدن

نقل اولوبدور جابر عبداللهی انصاریدن

ایلیور شخصاً روایت احمد مختاریدن

حضرت خیرالبشر پیغمبر اخیاریدن

قیلدی فرمایش منه صدّیق اعظم مصطفی

پیشگولوق ایلدی یعنی او فخر انبیا

حق تعالی عمر طولانی سنه ایتمش عطا

ساخلا فکرونده بو عنوانی نشان مدّعا

موقعنده آل نتیجه ایتدیگیم گفتاریدن

درک ایدرسن هفتمین معصومی ای جابر یقین

جدینه همنام اولار اول حجت جان آفرین

باقر رمز علوم اولین و آخرین

وارث شایستۀ اوصاف زین‌العابدین

مشرق علمی مشعشع مطلع انواریدن

مسند پاک امامتده اودور پنجم امام

درس آلار زیبا کلامیدن اونون اهل کلام

بیر سفارش ایلورم گورمک همین قیل احترام

محترم دوت مقدمین ویر اوغلوما مندن سلام

آل رسول‌اللهون عطرین اول گل بی‌خاریدن

هجرتون پنجاه و هفتی سوم ماه صفر

ویردی ترتیب اثر فرمایش خیرالبشر

حضرت سجاده لطف ایتدی خدای دادگر

نور ابن‌الخیّرین تابان اولوب وقت سحر

نور آلوب بیت امامت اول ملک رخساریدن

چار سالیدی او نور دیدۀ زین العبا

واقع اولدی کربلاده انقلاب کربلا

کوفه و شامی گزنده عترت خیرالورا

هر یری فوج اسیرانیله گزدی جابجا

گوردی چوخ ظلم و شکنجه اهل استعماریدن

دام جور و ظلمه دوشدی مثل نخجیر آغلادی

لوح قلبه غم سطورین قیلدی تحریر آغلادی

گه آناسین درک ایدوب محزون و دلگیر آغلادی

گه آتا بوینوندا باخدی گوردی زنجیر آغلادی

گه گلایه ایلدی دنیای کج رفتاریدن

زحمت ویرانه دن قورتاردی آل اللهیله

دست و پنجه نرم ایدوب یولّاردا رنج راهیله

رشد ایدوب شهر پیمبرده جلال و جاهیله

مکتب سجادی درک ایتدی دل آگاهیله

کرسی حقده بصیر اولدی اولوالابصاریدن

هجرتون دوخسان بشی رحلت ایدوب زین العباد

صاحب اولدی مسند پیغمبره اول خوش نهاد

سینۀ علمی شکاف ایتدی امام پاکزاد

عصرینون دانالری تحصیل ایدوب اوندان مراد

گوهر حکمت یاغوبدور کنز گوهر داریدن

حیف اولا افسوس اولا هم عصردی هشّامیله

صبح صادق روبرو اولموشدی گویا شامیله

یول گیدر ظالم همیشه مسلک ظلامیله

اینجدور وارسته شخصی ناروا اقدامیله

غول استبداد ال چکمز بلی احراریدن

شاعر : مرحوم انور

بیشتر بخوانید::

۱۱ مداحی شهادت امام محمد باقر از مداح معروف حاج محمود کریمی

دانلود ۱۲ مداحی گلچین شده شهادت امام محمد باقر با صدای میثم مطیعی

separator line

شعر روضه ترکی احوالات حضرت امام محمد باقر (علیه السلام)

اگرچه اسم حسین زینت منابردور

توسّلیمده نظر لیک امام باقردور

بویوردی جابره بیر گون رسول عالمیان

سنه چوخ عمر یازوب حیّ قادر سبحان

منیم بِشیمجی وصیّیم زمانی سن اولوسان

نه حکم ایلسه مُجرادی، ایت گلن اذعان

منیم آدیمدور آدی شهرتی ابی جعفر

علوم شرعی اودور خلقه ایلین اعلان

یارا نهنگ کیمی علم دین دریاسین

نهنگ ایدر نجه ذخّار بحریده جولان

اودور که باقر علمُ النّبیّ دور لقبی

اونون اَلیله اولور فسخ باطله ادیان

همان وصیّیمه مندن سلام قیل ابلاغ

دی جدّیوون سنه واردور سلامی بی پایان

خبر ویروبدی پیمبر دولاندی دور دُهور

او آفتاب سپهر وفادن اولدی عیان

اوچِ صفرِ سنه ی اَلّی یِتدیِ هجری

قدم بو عالمه قویدی او مظهر یزدان

علیحده خبریله اوچِ رجب بو شهین

جمالی گون تک ایدوب چرخِ حُسنیدن لَمَعان

آتا آنا طرفیندن یازولّا ذوالحَسَبین

امین وحیدی جدّ کبارینه دربان

آناسی فاطمه دور دخت امام حسن

آتاسی سیّد سجّاد شاه کون و مکان

بو شوکتیله اوز عصرینده اولدی چوخ مظلوم

آلوبلا حقّین اَلیندن جفائیله دونان

بلا چولینده طفولیّتینده اولدی اسیر

دمشقه گیتدی حزین و ملول و ناله کنان

بیله روایت ایدر اوغلی حضرت صادق

منیله اولدی آتام بیت کردگاره روان

یغوب خلایقی بیت خداده باشیمه من

آتام فضائلین ایلردیم اوردا شرح و بیان

واریدی کعبه ده هشّامیده همان گونلر

بُلوب بو مطلبی از بس که سوز تاپوب جَرَیان

اولانمادی متعرّض بیزه همان یرده

اورکده ایلدی اوز کینه سین او گون پنهان

او گیتدی شامه طرف، بیز مدینیه گَلدوخ

یتیشدی شامه او گیزلین عنادی ایتدی عیان

خیال ایدوب بیزی احضار ایلسون شامه

مدینه حاکمینه یازدی بیر سخت فرمان

سنه بو نامه یِتن تک محمّدین اوغلین

دمشقه سال یولا تاخیر ایلمه بیر آن

منی آتامی دمشقه روان ایدوب والی

دمشقه گیتدوخ، او گیتماقدان آه و داد و امان

خبر ویروبدیله هشّامِ شومِ بد سِیره

مدینه دن ایکی مولا گَلوب سنه مهمان

بو فکریله که بیزی خوار ایده نظرلرده

اجازه ویرمدی اوچ گون بیزه او بی ایمان

بیزی حضورینه دوردومجی گون ایدوب احضار

خراب اولیدی او گون کاش عالم امکان

تمام حُزنیله گیتدوخ حضور هشّامه

او بزمیده واریدی هر اَکابر و اعیان

نشانه گاهیدی هشّام قصرینون قاباقی

خدنگ آتوردی او آماج گَهده پیر و جوان

ولی نشانیه اوخ هیچ بیری وورانموردی

خطا گیدیردی خدنگی واریدی هر اوخ آتان

خیال خامیله هشّام امام عصره دیدی

مهارتون وار اگر ویر نشانه گهده نشان

بویوردی حضرت باقر قوجالموشام عفو ایت

جواب ویردی که اولماز، گرک خدنگ آتاسان

امام تیر و کمان ایستدی اَکابردن

آلوب مهارتیله ایتدی تیری وصل کمان

کمانه زور ویروب قوّه ی امامتیله

نشانه نین وسطیندن ووروبدی بیر پیکان

آلوب بیر آیری اوخ آتدی، ووروب ازلکه اوخا

تیکوبدی دوقّوز اوخی بیر بیره امام زمان

نشانیه دَگَن اوخلار دگوردی هشّامه

اولوردی آتش بغضیله سینه سی سوزان

گَلوب تکلّمه عرض ایتدی یا اَبی جعفر

سنون واروندی نشانه وورانلارا رُجحان

خدنگ آتانلار ایچینده مهارتون واردور

بو علمی یاد ایلیوبسن بویور گوروم هاردان؟

بویوردی حضرت باقر جوانلیقیمدا ازل

نچه گون آتمیشام اوخ ای خلیفه ی دوران

او وقتیدن اَله تیر و کمان گوتورمَمیشم

اگرچه قدرت کامل بیزه ویروب یزدان

اطاعت ایلدیم امّا بو گون سنون سوزوه

گیچوبدی سینّیم، اوخ آتماق دگول منه شایان

تمام علم و شجاعت بیزه لَدُنیِ دور

که حلّ مشکل اولور آل حیدره آسان

بُلوندوروبدی منیم جدّیمه خدای احد

تمام علم لری کائِنٌ وَ ما هُوَ کان

بویوردی ختم رسل من مدینه ی علمم

علیدی باب علوم عوالم امکان

بیز آل حیدره میراثدور علوم نبی

سِچوب بیزی یر اوزینده خدای عالمیان

او ظالم ایلدی انکار علی فضیلتینی

امام ردّینه ذکر ایلدی آیه ی قرآن

علی وصیّ پیمبردی ایلدی اثبات

ثبوت حقّیده بیر ذرّه قویمادی نقصان

باشین سالوب اَشاقا اولدی خشمناک هشّام

دیدی نه ایسته سن ایسته عطا ایدون الآن

بویوردی اهل و عیالیم تیکوبله گوز یولوما

عیالیمون گوزینی قویما چوخ قالا نگران

چوخ ایستورم که گیدم جدّیمون مدینه سینه

بو گیتماقا ایدورم ایمدی سندن استیذان

جواب ویردی که ویردیم اجازه ایمدی گیدون

مرخّص اولدوخ ایکیمیزده خرّم و خندان

وداع ایدوب اونی دارُالعِماره دن چخدوخ

عمارتین یاخونیندا واریدی بیر میدان

همان محلّیده بیز ازدحام اعظمیدی

او یرده جمعیدی یکسر گروه عیسویان

امام حاجب هشّامیدن سوال ایلدی

ندور سبب یغشوب بو محلّه رهبانان

جواب ویردی بولارین بیوک بیر عالِمی وار

بو نزد کوهیده مدّتدی ایلیوبدی مکان

گَلور او عالِمِ راهب هر ایلده بیر دفعه

بو قومه بوردا ایدور غطای مهین مهان

امام باشینه بیر پارچا ایتدی پیچیده

او قوم ایچینده اوزین گیزلدوب او شاه جهان

همین که گَلدی او عالِم امامه دوشدی گوزی

دوتوب وجودینی رعشه چو بید لرزان

دیدی نشان ویر اوزون، سن بو قومیدن دگوسن

یقیناً امّت مرحومه سن، مسلمانسان

اولاردا عالِم مطلق و یا که جاهل سن

تکلّم ایت منیله ویر اوز علمیوه میزان

بویوردی امّت مرحومه جاهلی دگولم

سوروش نقدر سوزون وار ای عالِم ذیشَان

تعجّبیله او راهب دیدی بو مرده باخون

اوزین منیله دوتور علم و فضلیده یکسان

امامیدن نچه مُعضَل مسائل ایتدی سوال

او شه جواب ویروب بیر به بیر دیوب برهان

گوروب محیط دور علمی برابرینده بونون

محالیدور اولا بیر طفل ابجدی لقمان

امام اَلیله او راهب قبول ایدوب اسلام

بُلوب بو مطلبی هشّام بی سر و سامان

دوباره باشلادی بغض و عداوت و کینه

بو فکره دوشدی که ایمان ایوین ایده ویران

ایکی امامی عنادیله سالدی زندانه

جفا و جوریده ایتدی او بی حیا طغیان

اَیا امام زمان یا بقیّت الاَخیار

دینمورم نجه مجلس نه نوع بیر زندان؟

او حبسیده واریدی کافر و یهود و مجوس

نجه امام او توهینه ایتدی تاب و توان؟

اگرچه بیر نچه گون ظاهراً اولوب محبوس

ولیک محبسی باطنده قیلدی رشک جنان

ایدوب خوارجی اسلام دینینه دعوت

قبول مذهبه آلدی او قومیدن پیمان

خلیفه با خبر اولدی چخارتدی محبسدن

بیر آیری ظلم ایدوب ایتدی پیمبری گریان

مدینیه یولا سالدی امامی پژمرده

امامیدن قاباق امّا بَرید قیلدی روان

یول اوسته هر نه قَدَر شهر وار منازل وار

تمام اهالیه ایتسون بو مطلبی اعلان

گَلور ایکی نفر ای قوم! بنی هاشمدن

اولاره یر ویره هر کیمسه ایلیه مهمان

هَدَردی قانی، اوزین اهل بیتین اُلدورّم

جلال و شوکت و اموالین ایلرم تالان

امام طیّ منازل ایدوب نه عُسرتیله

امیدیله هارا یوز دوندَروب یِتوب حِرمان

یتنده هر یره توهین ایدوب منافقلر

ایدوبله حجّت پروردگار باغرینی قان

گَلوب او حالیله تا شهر مَدیَنه یِتیشوب

امامی قویمادیلار شهره فرقه ی عدوان

دیدیله سیز بیله معلوم دانموسوز دینی

چَکوبله سیزلری اوز دینلرینه ارمنیان

امام باقره بی حد موثّر اولدی بو سوز

غضبلَنوب دیدی اشرار مَدیَنه غضبان

نه عیسوی نه یهودی نه کافروخ نه مجوس

ندور سبب دیوسوز آل حیدره بهتان؟

پیمبر عترتیوق تابع کلامُ ا...

گَلوبدی جدّیمیزه کردگاریدن قرآن

دوتاق که سیز دِیَن اولدی مسیحیانیله سیز

بیله سلوک ایده سوز ای گروه بد اخشان؟

یهود و گَبریله داد و ستاد ایلیورسوز

ولیک شهره بیزی قویموسوز، ندور عنوان؟

جواب ویرمدی بیر کس امام غیظه کَلوب

ایدوب او قربیده بیر کوه قلّه سینده مکان

اوجا سَسیله چاقوردی اهالی شهری

ایشیتمیَن او سَسی قالمیوبدی بیر انسان

باخوردی شهریده بیر پیر امامی گوردی دیدی

اَیا جماعت مَدیَن واریمدی بیله گمان

بو شهره ایمدی بلای خدا نزول ایلر

یاغار بلا یاقیشی مثل قطره ی باران

بیری بیریندن ایدوب نقل، مُخبرینِ سَلَف

تاپوب زمانِ سَلَف، بوردا بیر قضا جریان

او یر که بو دوروب، اوردا شعیب دورموشدی

ایدنده قومینی نفرین واله و حیران

اگر بودا ایده نفرین منیم یقینیم دور

دوتار بلا سیزی، بیر ذی حیاته ویرمز امان

آیلدی بو سوزیله اهل شهر غفلتدن

اولوبلا بیر بیره قهرِ اِلاهیدن ترسان

امامه ایتدیلر اکرام گَتدیلر شهره

آچوبلا محضر باقرده اعتذاره زبان

سالور خیالیمه شامی حکایت مَدیَن

قلم! حکایت شامی صریح یازما دایان

اولاردا سیّد سجّاده خارجی دیدیلر

گوزینده باخمادیلار سیل اشک ایدر طوفان

علیل امام اوزی ناقه اوسته قول باغلی

شکسته محمِل ایچینده مُخَدَّره نسوان

باخان گُلردی دیردی بولار دانوب دینی

ایدردی زینب کبری اَنین و داد و فغان

گورردی نیزه ده قارداشینون یارالی باشین

دیردی ای سو کنارینده جان ویرن عطشان

بس اولمادی سنی اُلدوردولر بو قوم دنی

یارالی پیکریوی یرده قویدولار عریان

دیولّه عترتیوه ایمدی خارجیدی بولار

من آغلورام یانورام، سنده باخ بو حالیمه یان

ناره چخما حسینی ازلکه مطلبدن

دگول بیانه گَلَن ماجرای شام،‌ اینان

شاعر : مرحوم حسینی سعدی زمان

بیشتر بخوانید::

دانلود و تماشای کلیپ‌های مولودی ولادت امام محمد باقر (ع)

۶ متن و شعر مداحی ترکی به مناسبت شهادت امام محمد باقر

separator line

اشعار نوحه سینه زنی ترکی شهادت حضرت امام محمد باقر (باقر العلوم)

ائمّه گلشن عالمده تک به تک گُلدور

امام باقره فکریم ولی توسّلدور

قلمده بیر جَرَیان رموز محنته باخ

مَجازیدن گوتور اَل ای گوزوم حقیقته باخ

حقیقت اهلی حقیقت امام باقردور

حقیقت اوسته اونا یوز ویرن مصیبته باخ

گوروبدی محنت زندان، مصیبت غربت

او قلب عالم امکاندا صبر و طاقته باخ

آپاردی شامیده هشّام ایلدی محبوس

نجه گیئوب دیمورم، ماجرای رجعته باخ

یتیشدی هر یره گوردی اذیّت و آزار

غریبه باخ، غم و اندوه و درد غربته باخ

گَلوب مدینه ده بیر مدّت اولدی خانه نشین

نه بیر گَلوب نه گیدن ابتلای وحدته باخ

مدینه حاکمینه شامیدن یازوب هشّام

امامی اُلدوره، ماموره باخ، کتابته باخ

ولی اولانمادی نائل بو مقصده او دنی

اوزی جحیمه روان اولدی، عکس نیّته باخ

اگرچه اول شهی مقتول ایدنمدی هشّام

اونون یرینده اولان جانشین نَخوَته باخ

امام باقره عبدُالملک معاصر اولوب

او بی حیاده اولان بغضه باخ، عداوته باخ

امامی قویمادی دور زمانه آسوده

اونا عم اوغلیسی زید ایلین اذیّته باخ

نه قدر جور و جفا زید ایدوب او مظلومه

دینمورم، او دنی طبعیده رذالته باخ

امامت اوسته امامیله باغلادی کینه

زهی عجب آرالیقدا اولان قرابته باخ

امام قتلینه ایتدی خلیفه نی مجبور

او بی مروّت ایدن فعله باخ، سِعایته باخ

ایدوبدی آیه ی اجر رساتی انکار

جفا و جوریده عبدُ الملکده سرعته باخ

خیال ایدوب ایده زهرا چراغینی خاموش

او کور دلده گوگل خانه سینده ظلمته باخ

درست ایلدی برزین اسب او بی ایمان

سواریدی زهریله، اول شوم کینه فطرته باخ

مدینه حاکمینه یولّادی همان اَیَری

غرور سلطنت و نَخوَت ریاسته باخ

قویوب همان اَیَری بیر آت اوستینه والی

امامه یولّادی، تدبیره باخ، سیاسته باخ

امامی مکریله ایتدی همان آت اوسته سوار

اوتانمادی او زنازاده بیر جسارته باخ

بُلوردی زهریلیدی او ل اَیَر امام علیم

ولی مینِیدی گرک، مقتضای حکمته باخ

او زهر ایلدی تاثیر حجّتُ اللهه

پوزولدی حالتی بیر انکسار حالته باخ

وجود اقدس سلطان دین ایدوب آماس

تصوّر ایله، او زهر جفاده شدّته باخ

همان او حالیله پیغمبر اوغلی جان ویردی

شهید ایدن اوز امامین وفاسیز امّته باخ

امام جعفر صادق ویروب آتاسینا غسل

کفن ایدوبدی، مزاره قویوب، جلالته باخ

بودور شریعت پیغمبر اُلسه هر مسلم

ایده لّه غسل و کفن، بو گوزل شریعته باخ

جوان اوغول نه گوزلدور آتانی قبره قویا

نقیض مطلبه باخ، کربلاده محنته باخ

حسینون اکبری اُلموشدی، کیم ایدِیدی کفن

قوری یر اوسته قالوب جسم پاکی، حسرته باخ

بدن یارالی، قوری یر، جنازه سی عریان

او پاک جسمیده باشدان باشا جراحته باخ

ووروبلا گون کیمی باشین جدایه اهل جفا

بلالی زینبه محشردی، بیر قیامته باخ

دیمه اولونمادی مظلوم امامه غسل و کفن

کُتُب ده معتبر اخباره باخ، روایته باخ

ویروبله قانیله غسلین عزیز زهرانون

حُنوط جسم شریفینده قانلی تربته باخ

اَلنلر ایچره حسینون بیر امتیازیده وار

سوالون اولسا جوابینده طرز صحبته باخ

بو رسمیدور اُلنه اوچ کفن اولور امّا

حسینه بِش کفن اولدی، جلال و عزّته باخ

یارالاریندان آخان لخته قاندی بیر کفنی

ایکیمجیسی خس و خاشاک اولوبدی، خلعته باخ

امان اوچومجی کفندن که ایتدی سُمّ خُیول

اوزی دیوب سَحَقونی، همان عبارته باخ

مُخدّراتین اولوب زلفی دوردومونجی کفن

جنازه اوسته عیال شه ولایته باخ

مُحجّبات پریشان ایدوبله زلفلرین

ایدولّه جسم حسینه کفن، محبّته باخ

ندور بِشیمجی کفن، شرحینه حیا ایدورم

گَلوب آتانی اوغول دفن ایده، او ساعته باخ

آتا جنازه سینه بیر حصیر چولقالادی

وجوده باخ، کفنه باخ، او کانِ رافته باخ

ایدوب آتا اَیاقی آتدا دفن قارداشینی

یاتوب آتا بالا بیر یرده، خوش فراغته باخ

طواف مرقد شش گوشه بیرده اولسا نصیب

(حسینی) ایله دعا، صدقیله اجابته باخ

شاعر : مرحوم حسینی سعدی زمان

بیشتر بخوانید::

پیام تسلیت شهادت امام محمدباقر (۲)

پیام تسلیت شهادت امام باقر علیه السلام +عکس

separator line

متن مداحی شجاعت حضرت امام محمد باقر (علیه السلام) زمینه ترکی

مجلس یزید

او آغیر کلمه لری درک ایلدی هند اوغلی

اولدی حیرتزده زینبده اولان جرأتدن

ایستدی مجلسین احوالینه تغییر ویره

حضرت باقره دوتدی یوزونی رأفتدن

دیدی کیمسن ندور آدون نه گوزل اوغلانسان

چوخ شجاعتله سنی درک ایدورم دقتدن

واردی میلون دوتاسان کُشتی منیم اوغلوملا

جایزه ویرم اگر کام آلاسان سبقتدن

دیدی باقردی آدیم جدیم او طشتونده کی باش

جلوه گر دور یوزی انوار الوهیتدن

اسرا سلسله سینده دایانوب باشدا آتام

سلسله ثقلی یوروب گردنینی شدتدن

کُشتی دوتماق بیزه تحقیر لیاقتدی یزید

فکر قیلما سوزوی رد ایدورم وحشتدن

ایکی شمشیر گتورسونله سوله الساعه

بیرین اوغلون بیرینی من گوتوروم قسمتدن

فرصت جنگی سنون اوغلوا ویرم اول

واردی ارثیم اسدالله دا اولان سیرتدن

گورمیوبسن شهدا جنگینی خوشدور الان

بیرنمونه گوره سن بیزده اولان صولتدن

سنون اوغلون منی ئولدورسه بو دعواده اگر

قانیمی یوخدی آلان سن کیمی بدفطرتدن

یامن ئولدورسم اگر اوغلوی مردانه یزید

عوضین چیخمیاسان طایفه ی عصمتدن

اوغلوون خاطرینه عمه می اینجیتمیه سن

طشتیده قانلی باشی سالمیاسان حرمتدن

هندون اوغلی دیدیگی سوزلری آلدی دالیا

هاشمی لر دیدی مشهوردیلر صولتدن

حضرت باقره زینب دیدی قربانون اولوم

گل قباقه بیر ئوپوم تر بورین صورتدن

اوجالاندی باشیمیز قوی دولانوم من باشوا

بدنظر چوخدی دگر گوز سنه ضدیتدن

آی بالام سید سجادون ایشیقلی چراغی

دشمنیم قوزیا بیلمور باشینی خجلتدن

شاعر : مرحوم انور اردبیلی


این مطلب چقدر مفید بود ؟
(3 امتیاز , میانگین: 2.7 از 5)  
  • برچسب ها:
  • متن مداحی
  • متن روضه
  • مداحی روضه
  • متن زمینه
  • شعر مداحی
  • شعر نوحه شهادت
  • متن آهنگ مداحی
  • شعر مداحی شهادت محمد باقر
  • باقر العلوم
  • شهادت امام محمد باقر
  • متن نوحه
  • شعر مداحی واحد
  • متن مداحی سنه زنی واحد
  • متن مداحی شهادت محمد باقر
  • متن آهنگ شهادت محمد باقر
  • شعر سینه زنی واحد شهادت باقر (ع)
  • نوحه شهادت امام محمد باقر
  • شعر نوحه
  • متن آهنگ نوحه
  • متن مداحی ترکی
  • متن نوحه ترکی
  • نوحه ترکی شهادت امام محمد باقر
  • مداحی ترکی آذری

دیدگاه ها

شما هم می توانید نظرات خود را ثبت کنید



کد امنیتی کد جدید

آخرین مطالب دلگرم

StatCounter