۷ شعر ترکی احوالات شب شهادت امام جعفر صادق از شاعران ترک زبان

۱,۷۹۶
۰
۰
سه شنبه, ۲۸ خرداد ۱۳۹۸ ۱۰:۴۳
اشعار غم انگیز و با مفهوم ترکی در وصف شهادت امام جعفر صادق (علیه السلام)، که از این اشعار می توانید در مجالس عزاداری این امام به عنوان روضه ، نوحه و زمینه استفاده کنید.
۷ شعر ترکی احوالات شب شهادت امام جعفر صادق از شاعران ترک زبان

اشعار دلخراش و غم انگیز شهادت امام جعر صادق به زبان ترکی

احوالات حضرت امام جعفــر صــادق (شاعر : صادقی)

گلوبدی باب توسلده خامه غوغایه

صحیفده سوز آچوب اهل بیت طاهایه

اورکده حضرت صادقدی عمده منظوری

کیم اولسا مشتری کیم قائل اولسا عقبایه

ازل گلوب اوزینه , جدینه سلام ایلسون

ایکمجیسی او حرمسیز آناسی زهرایه

ربیع الاولین اون یدیسی اذان وقتی

گلوبدی هجرتین هشتاداوچونده دنیایه

گلنده فخر ایلدی گویلره زمین و زمان

ویروبدی جمله ملک مژده سطح غبرایه

کیم اولدی جعفری مذهب اوجاتدی باش عرشه

شریعت نبوینی گتوردی احیایه

اولاندا عمری اوتوز بیر آتاسی جان ویردی

توکوبدی گوز یاشنی اول ملال عظمایه

خروج ایدوبدی زمانینده چون بنی عباس

حکومت امویله دوشوبدی دعوایه

اولار اولوبلار او حربه نه مدتی مشغول

بو حکم دینی دیوب خلقه آیه به آیه

بنی امیه نی مغلوب ائدوب بنی عباس

خلافته یتشوب بیر دنی فرومایه

دوانقی دی لقبده او پست آدی منصور

سالوبدی دین خدایه دوباره دن سایه

امامیده دولانوب سیر ائدردی شهرینده

محبتیله جماعت باخاردی مولایه

دوانقی گینه ظلمونده ایلدی طغیان

امامی گونده او ظالم گتوردی ایذایه

گچوبدی بیر نچه مدت چاغوردی محضرینه

تکًبریله دل آچدی او ماه سیمایه

دوزلدوسن دئدی لشکرائشیتمیشم بو سوزی

جواب وئر ندی منظور بو قضایایه

بیوردی حضرت صادق بو کذب مطلقدور

جوانلقیمدا دا هیچ دوشمدوم بو رویایه

دوانقی قیزاروب چهره سی غضبلندی

چکوبدی تیغی نه نوعی چکللر اعدایه

کرار ائدوبدی او اوچ دفعه تیغی گیزلتدی

دوباره باخدی محبتله شاه والایه

امامه وئردی چوخ عزتله عطر سلطانی

بو عطریلن یوزینی ایلیوبدی پیرایه

ربیع سوال ایلدی بو عمل ندور سنده

تعجبم من ئوزوم بیر بیله معمایه

بیان ائدوبدی بو طرزیله مرد بی ایمان

چکنده تیغیمی بوردا امام تنهایه

اماندی وورما بالامی دئدی هلاک ائلرم

نه گوردوم اوندا گوزوم دوشدی شاه بطحایه

گلیدی کاش پیمبر ووراندا سجاده

قولونا بند و رسن شمر , غملی صحرایه

دییدی وورما بالامی ملکلر آغلولار

چکوبد ی قاره خدا نه رواق مینایه

چکنده قافله نی شامه اول دنی ملعون

بالالار آغلادلار حالت غم افزایه

میننده ناقه لره عترت رسول الله

حیا ائدوب نه باخوب زینبه نه یکتایه

وورون دئدی یولا دوشسون سپاه و قافله میز

اوجالدی وا ابتا ناله سی ثریایه

چوخ آغلا (صادقی) یان بو سوزه

او گون زینب یاناردی حال ربابیله ام لیلایه


شعر شب شهادت حضرت امام جعفر صادق (علیه السلام)

شیعه لر آقاسی ایلیوبدی رحلت

صادق الائمه کنز علم و حکمت

بحر درد و غم داشدی

جن و انس آغلاشدی

یا بقیه الله

بو گجه ملک لر آسماندا آغلار

مذهب تشیع اهلی سینه داغلار

اشگینی عذاره بو محنده باغلار

اولدی بو بلا اعظم وردیلار قره پرچم

یا بقیه الله

گلشن ولاده صولدی بر گل یاس

حقّی وار دوتسون بو گله چمن یاس

دقّتیله عارف نالیه قولاق آس

ناله لر چخوب عرشه گلدی عرشدن فرشه

یا بقیه الله

رحلت ایلیوبدی شیعه لر آقاسی

صادق الائمه کاظمون آتاسی

وار یقین جناندا آغلوری آناسی

صاحب الزمان آغلارداغلی سینه سین داغلار

یا بقیه الله

ایلیوبدی طغیان بحر ظلم منصور

بی حیا حیادن ایلدی اوزون دور

اوُلدوره امامی ایلیوبدی منظور

ظلمیله شهید ایتدی ماهی ناپدید ایتدی

یا بقیه الله

حیف اولا خسوفه دوشدی ماه ایمان

پیشوای معصوم جان ویروبدی یاران

یاسه باتدی باور ایله دین و قرآن

تکیه گاه دین گیتدی عالمی غمین ایتدی

یا بقیه الله

توسن جفایه راکب اولدی منصور

اولدوره امامی راغب اولدی منصور

ظاهراً بو ایشده غالب اولدی منصور

وسوسه ایدوب شیطان عالمه سالوب طوفان

یا بقیه الله

بیشتر بخوانید::

دانلود ۱۵ نوحه سینه زنی شهادت امام جعفر صادق از محمود کریمی

متن و جملات تسلیت شهادت شیشمین امام شیعه جعفر صادق (ع)

۷ متن نوحه سینه زنی شهادت امام جعفر صادق از مداح میثم مطیعی


شعر احوالات حضرت امام جعفر صادق به زبان ترکی (شاعر : مرحوم ذاکر تبریزی)

منصورظلمیندن هامی اهل جهان مغموم اولوب

جبرا امام جعفرصادق بوگون مسموم اولوب

آتمیش بش ایل عمرایلیوب یا اینکه یتموش سالیده

مسموم ایدوب اول حضرتی یرمی بش شوالیده

راوی دیرچوخ آغلادیم گوردوم پریشانحلیده

زارو ضعیف و ناتوان اول سید معصوم اولوب

ازبس گورنمزدی خدا نورین او چشم کوریلن

شام و سحرمکرو حیل ایلردی بو منظوریلن

آخرامام صادقی مسموم ایدوب انگوریلن

ظلمی او شوم و کافرین عالملره معلوم اولوب

بیرنچه دفعه قتلینه اول حضرتین اقدام ایدوب

اما موفق اولمیوب سانما که اخذ کام ایدوب

حکم خدا چون اولمیوب صادراوفکرخام ایدوب

قاتل امامه گورنجه اول روسیه معموم اولوب

اول حضرتی ایلوب طلب اوزبزمینه هنگام شب

شمشیرچکدی غیظیله ایتسون شهیداول بی ادب

اولدی ممثل ناگهان پیغمبراول شاه عرب

وحشت ایدوب چوخ مضطرب اول کافر میشوم اولوب

منصور بیدین انجیدوب بیحد امام صادقی

ایستردی خاموش ایلسون دایم او نور خالقی

بس معجزاتی اول شهین ظاهر اولوب اول فاسقی

قویموب بو سوئ قصدیدن اول کینه جو محروم اولوب

با اینکه حضرت غالبا ایلردی ایوده انزوا

قویمازدی راحت حضرتی ایلردی دعوت ناروا

بعضی سوئالات ایلیوب حضرتدن اول شوم دغا

حضرت جوابین رد ایدوب اول بیحیا محکوم اولوب

منصوربیدین شیعه لرچوخ ظالم سفاکیدی

سادات قانین توکماقا ناحق یره بی باکیدی

خونخوارو خصم عترت شاهنشه لولاکیدی

ظلمیندن آل مصطفی عالمده چوخ معدوم اولوب

ایلوب آتاسی صادقه موسی بن جعفر بش کفن

سمت بقیعه حمل اولوب دفن اولدی اول طیب بدن

جدی حسینین اولمادی جسم شریفین دفن ایدن

یر اوزره بی غسل و کفن عریان قالوب مظلوم اولوب

(ذاکر) امام صادقین بو نوحه سینده وار نظر

ذکر ایلینده شیعه نین ایلر قلوبینده اثر

لطف ایتمسیدی گر اوزی اولمازدی بو عین خبر

لطف امام اولدی که بو اشعار خوش منظوم اولوب


شعر ترکی شهادت حضرت امام جعفر صادق و گریز به قتلگاه (شاعر : استاد غلامرضا عینی فرد زنجانی)

حضرت صادق وفاتنده پیمبر آغلادی

وای بابام وای سسلدی موسی بن جعفر آغلادی

جعفری مذهبلرون مولاسی تاپدی ارتحال

آسمان فضل و تقواده باتوب مهر کمال

جان ویروب قرآن ناطق عالمی دوتدی ملال

هجرصادقده بو گون محراب و منبر آغلادی

چکدی چوخ زحمت ویروبدی دین اسلامه رواج

مسلمینین حاذقانه دردینه ایتدی علاج

قویدی آخرده شهادتدن همایون فرقه تاج

جان ویروب جانانه انس و جن یکسر آغلادی

ایلدی منصور ظالم حضرته بی حدّ ستم

رحلت صادقدن اولدی اهل عالم غرق غم

آخر الامر اولدی مسموم شهریار ذوالکرم

باشه ویردی شیعه لر اولدی مکدّر آغلادی

عالم معنا ملک لر آغلادی بو سروره

چکدیلر آغلار گوزیله قاره عرش داوره

تازه دن غم اوز ویروب والله بتوا اطهره

اوخشاما زهرا دیدی جنّتده حیدر آغلادی

گلشنه اسدی خزان گل لر اولوبدی پایمال

باغبان اولدی قناره غصه سیندن اولدی لال

باشلاسون ایستر ترانه آغلاماق ویرمز مجال

گل لری بلبل گوروبدی یرده پرپر آغلادی

ایلدی منصور امام صادقه ظلمین شدید

ایستدی شمشیریلن اولدورسون همتای یزید

اولمادی امّا موفّق سمّیلن ایتدی شهید

باشنه سالدی حرملر قاره معجر آغلادی

باشینی آلدی دیزاوسته اوغلی جان ویردی امام

دوره ده آغلار گوزیله یار و اقوامی تمام

تا بقیعه حمل اولوب شخصیت والا مقام

هیکل تقوانی تشییع ایلین لر آغلادی

ایلیوب نچه وصیت کاظمه بو شهریار

تاپشروب اوّل نمازی حجت پوردگار

یاد ایدوب بیرده غریب کربلانی اشگبار

سسلدی مظلوم بابام وای او سرور آغلادی

اهل جنّتدور حسینه کیم توکه اشگ بصر

مَن بَکا اَبکا تَباکادور حدیث معتبر

کربلا سلطانینی یاد ایلیاخ ای شیعه لر

دوشدی گوداله ئوز اوسته عرش داور آغلادی

یاره لی حالیله تاپدی شهرِ یاری شهریار

یاره سیندن قان آخوردی یالواراردی یاره یار

یارینه سس ویردی یاری یاره لر تاپدی فشار

خیمه لردن قاچدی زینب باشدا اللر آغلادی

نور و ظلمت باشلادی گودال ایچنده سخت جنگ

یاغدیراردی هر طرفدن شاه دین اوسته خدنگ

گاه اوخ گلدی هوادن گاه نیزه گاه سنگ

وای بالام اولدی دیدی زهرا ی اطهر آغلادی

بیر طرفدن گلدی زینب بیر طرفدن شمر پست

ویرمدی الدن وقارین سسلدی ای می پرست

سندیروب اوخ سینه سین ایتمه دوباره سن شکست

تتردی شمرین النده قانلی خنجر آغلادی

قالدی جسمی یرده باشی نیزه نی ایتدی مقام

نیزه لر باشند ه گزدی کوفه و شامی امام

وارد اولدی قصر خضرایه امام تشنه کام

اوردا باور ایله «عینی فرد» گویلر آغلادی

بیشتر بخوانید::

۷ شعر ترکی از احوالات شب شهادت امام جعفر صادق (ع)

متن نوحه ترکی به مناسبت شهادت امام جعفر صادق (ع)

دانلود ۱۴ نوحه سینه زنی شهادت امام جعفر صادق حاج میثم مطیعی


شعر ترکی شهادت حضرت امام جعفر صادق (شاعر : حاج محمد تقی جابری)

و گریز به کوچ از قتلگاه

شاکرم بو عالم هستیده من

اولموشام مشمول فضل ذوالمنن

خلق ایدن گوندن خداوند علیم

ایلیوبدی عبیدینه لطف عمیم

بو فنا دنیاده غرقم نعمته

اعتقادیم وار کتاب و عترته

لِلَّهِ الحمد اولموشام اهل ولا

طینتیمده واردی حبّ مرتضی

چهارده معصومه دلدن عاشقم

سالک راه امام صادقم

کیمدی صادق مظهر حسن ازل

یعنی مرآت جمال لم یزل

کیمدی صادق وصفینه عاجز لسان

نارسا، مدحینده هر شرح و بیان

کیمدی صادق معنی ا..ُ. نور

جلوه گر اوندان تجلّیگاه طور

کیمدی صادق طلعتی رشک قمر

صادق آل محمّد مشتهر

کیمدی صادق هادی جنّ و بشر

آیت کبرای حیّ دادگر

کیمدی صادق عالِم جهر و نهان

ناشر افکار عاشورائیان

کیمدی صادق دلربای عالمین

محییِ فرهنگ مولانا حسین

کیمدی صادق کوه علم و معرفت

ایلیوب مینلر زُراره تربیت

هکذا حمران، اَبان و بوبصیر

این نُعمان و هشام بی نظیر

جابر حیّان او جاوید البیان

علم شیمیده ابر مرد جهان

حافظ مینلر حدیث جانفزا

تیزبین بو حمزه، مرد پارسا

گورمیوب دنیا مفضّل تک قویم

علم دریاسینده غوّاص فهیم

نابغه حسنیّه خاتون دلیر

علم و دانش بیشه سینده شیرگیر

الغرض نجل نبی، ‌پور علی

حضرت صادق خداونده ولی

مدّت عمرینده اول عالی سیر

ایلیوبدی تربیت دورت مین نفر

هر بیری فرزانه و روشن ضمیر

گورمیوب گورمز نظیرین چرخ پیر

حضرت صادق حبیب ذوالجلال

عمر ایدوب دنیاده شصت و پنج سال

گوردی بیر مقطع ده دین دشمنلری

بیر بیرین یخماقلیقا اولموش جری

باشلانوبدی بیر اوزون مدّت قتال

کسب قدرت اوسته ایلولّه جدال

موقعیّت اقتضا ایلور تمام

باشلانا یثربده فرهنگی قیام

نشر اولا دنیاده اُسلوب فلاح

ایتدی دانشگاه دینی افتتاح

تیغ علمیله اوتوز دورد ایل مدام

خدمت ایتدی دین اسلامه امام

دینه خاطر دوزدی چوخلی زحمته

تا یتوردی دینی اوج عزّته

لیک بو عزّت بو جاه بی کران

گلدی منصور شروره چوخ گران

دوشدی بو فکره امامی اُلدوره

دلده کی بغضین جهانه بولدوره

گاهی امر ایلوبدی نصف لیل تار

بی عمامه، بی عبا، ظاهرده خوار

گتدیلر اول حضرتی زار و حزین

محضرینده ساخلادی چوخ دلغمین

ایستدی قتله یتورسون ناگهان

گوردی پیغمبر غضبلی باغریقان

سویلوری ال چک بالامدان بیحیا

وحشتی ایتدی حضرتی قیلدی رها

گه امامین اودلادی کاشانه سین

سالدی خوفه جمله اهل خانه سین

آخِر الامر اول جفاجو و شرور

عُجب و نخوت کانی، چشم قلبی کور

نقشه چکدی نیّت منفوریله

زهر ویردی حضرته انگوریله

زهر مسموم ایتدی پوزدی حالتین

اودلادی اکبادینی اول حضرتین

ایله طاقتدن سالوب آلدی قرار

حجّت حق تاپدی حال احتضار

چخدی جانی باتدی دنیا ماتمه

غصّه یوز ویردی رسول خاتمه

نالیه گلدی ملکلر آغلادی

سس چکوب موسی بن جعفر آغلادی

یثربی دولدوردی آوای فغان

سوگوار اولدی هامی پیر و جوان

شیعه لر سینه زنان دلده انین

ایتدیلر تشییع امامین پیکرین

اوغلی موسی غرق اندوه و محن

غسل ویردی، ایتدی قیمتلی کفن

قویدولار عزّتله جسمین مدفنه

گلدیلر فریاد و داد و شیونه

ای عجب کرب و بلاده بس ندن

اولمادی بیر کس حسینی دفن ایدن

نه تاپولدی باشی اوسته آغلین

غملرین یاد ایلیوب دل داغلین

کوچ ایدنده قتلگهدن کاروان

زینبه اولدی او بیر درد گران

سویلدی ایوای یارالی قارداشیم

وای منیم اِئلدن آرالی قارداشیم

سن اولوبسان قان ایچینده غوطه ور

منده ناچارام ایدم عزم سفر

قویسالار قالّام غمونده آغلارام

لااقل بو اوخ یاراسین باغلارام

«جابری» چوخ طول ویرمه مطلبه

دردیوی دی دخت زهرا زینبه

ناامید ایتمز یقین ایلر عطا

ایسته هیئتله برات کربلا

بیشتر بخوانید::

۵ متن نوحه سینه زنی شهادت امام جعفر صادق از مداح محمود کریمی

دانلود نوحه و روضه ترکی به مناسبت شهادت امام جعفر صادق (ع)

گلچین نوحه های حاج عبدالرضا هلالی شهادت امام جعفر صادق (ع)


شعر شهادت حضرت امام جعفر صادق (شاعر : محمد رضا اسدی (صدیق))

جان ویروبدی حضرت صادق جهان قان آغلوری

وای اوغول دلده پیمبر ایلور افغان آغلوری

مذهب شیعه امام صادقه مدیونیدی

علمی باعثدور شریعت قامتی موزونیدی

ظلم اعدادن ولیکن حیف اولا دلخونیدی

بو امام دلغمینه عرشیان قان آغلوری

یر تلاطم ایلوری آغلور اوناعرش برین

باش آچوب بو غمده واویلا دیور روح الامین

بیر ایله احواله سالمیش گول وجودین زهر کین

چرخ اطلسده اوشاهه شاه مردان آغلوری

واریری قان آغلاسا گر گنبدمینا بوگون

سولسا باجادور گلستان ارم یکجا بوگون

ناله و افغانه گلمیش حضرت زهرا بوگون

وای بالام ایوای دلینده دیده گریان آغلوری

جان ویروبدی ظلمیله ذات خداوند رحیم

زهر کینیله ایدوب مسموم منصور لئیم

گورنجه مظلوم اولوب پور صراط المستقیم

قلب قرآن مبینه آل عمران آغلوری

آغلوری موسی بن جعفر سینه پرسوزیله

دل یانور شعله چکور نار فراق افروزیله

حالینه شب زنده دارین آغلوری شب روزیله

آفتاب دین اوچون خورشید رخشان آغلوری

الغرض ایتدی کفن اوغلی اوشاهین آغلادی

دیده تر قیلدی نمازین سینه سینی داغلادی

اولدی تشییع مجلل شهر یثرب باغلادی

ایله بیل طاها ئولوب یثرب کماکان آغلوری

اولدی بیرتشییعیده یثرب ده باحزن ومحن

شرحینه یوخ دلده یارا عفو ایله یابن الحسن

تیرباران اولدی چوخ ظلمیله تابوت حسن

گوردولر چکدیقجا اوخ شاه شهیدان آغلوری

ای قرار سینه خیرالنسا یا مجتبی

نور چشمان علی المرتضی یا مجتبی

لطف قیل «صدّیق» زاره کربلا یامجتبی

یاسریله تاگوره اولموش نواخوان آغلوری


احوالات حضرت امام جعفر صادق و گریز به قتلگاه (شاعر : حاج محمّد تقی جابری)

سبک : حسین جان ای آبروی دو عالم

بو گون باتوب آفتاب دل آرا

امام صادق سلاله ی زهرا

ایدوبدی منصور او سروری مسموم

بو غمده درده گلوب دل طاها

وجودی گل تک سولان آقام ایوای

ستمله مسموم اولان آقام ایوای

بو گون شیعه گوزیاشین یوزه باغلار

آقام وای دلده یانار سینه داغلار

قویوب هجر جعفر ابن محمّد

امام موسی ابن جعفری آغلار

فنا دنیادن دویان آقام ایوای

عیالین آغلار قویان آقام ایوای

ایا مهدی ای عزیز پیمبر

یانور جدّون ماتمینده اورکلر

باشون صاق اولسون سنون بو عزاده

اولان ای قلب شریفی مکدّر

غمی دله اود سالان آقام ایوای

خرابه قبری قالان آقام ایوای

دوزردی هر درد و رنج و بلایه

رضا اولوب دلدن امر قضایه

بساط ماتم قوراردی حسینه

چوخ آغلاردی شاه کرب و بلایه

جهاندا دل داغلین آقام ایوای

حسینه چوخ آغلین آقام ایوای

حسین تک اندوه و غم چکن اولماز

حسین تک عالمده ممتحن اولماز

اگر عالملر گله گیده کرّات

حسین تک نسگلّی جان ویرن اولماز

غریبانه جان ویرن آقام ایوای

کفنسیز قبره گیدن آقام ایوای

حسینه دل داغلینمدی زینب

دویونجا بیر آغلینمدی زینب

حسینینون قتلگهده او سانسیز

یارالارین باغلینمدی زینب

سوسوز یالقوز جان ویرن آقام ایوای

یارالاری قان ویرن آقام ایوای

بو گون دوشوب عرش و فرش آرا غوغا

اولوب عزاخانه جنّت الاعلی

الی اورکده بالاسینا آغلور

بهشت عدن ایچره حضرت زهرا

او زهرا که آهی عرشه دایاندی

ثقیفه راییله درگهی یاندی

دفاع ایدنده ولی خدادن

قاپی دالندا قالوب یارالاندی

خبر ویر شیر خدا گله فضّه

ایده دشمنله مقابله فضّه

دی زهرانی ثانی سالدی ایاقدان

دوشوب زهرا امری مشکله فضّه

گورنده زینب او حالدا آنانی

گلوب ندا ایتدی شیر خدانی

بابا نه اگلشموسن آنام ئولدی

یتوردی ظلمین نهایته ثانی


این مطلب چقدر مفید بود ؟
 
  • برچسب ها:
  • شعر ترکی
  • اشعار ترکی
  • شعر شهادت امام صادق
  • شعر ترکی شهادت امام صادق
  • امام صادق
  • امام جعفر صادق

دیدگاه ها

شما هم می توانید نظرات خود را ثبت کنید



کد امنیتی کد جدید

آخرین مطالب دلگرم

StatCounter