شعر و دوبیتی ترکی شهادت امام جعفر صادق اثر مرحوم حسینی

۲,۲۰۶
۰
۰
سه شنبه, ۲۸ خرداد ۱۳۹۸ ۱۰:۰۷
مرحوم حسینی (سعدی زمان) شاعر ترک زبان در وصف شهادت امام جعفر صادق شعر و دوبیتی هایی سروده است. در این مطلب به مناسبت فرا رسیدن شهادت امام جعفر صادق برای شما این اشعار را آماده کرده ایم.
شعر و دوبیتی ترکی شهادت امام جعفر صادق اثر مرحوم حسینی

شعر و دوبیتی شهادت امام جعفر صادق (ع) از مرحوم حسینی (سعدی زمان)

دو بیتی شهادت امام صادق جعفر صادق (ع)

قراگیوبدی فاطمه- شهید اولوب امامیمیز
بقیعده کی مزارینه- اولا بیزیم سلامیمیز
عزا دوتوبدولار خلایق
شهید اولوب امام صادق


اولوبدی موسم عزا مَلک سماده آغلیور
گیوبدی شیعه لر قرا بزم عزاده آغلیور
جعفرصادق غمینه آل عباده آغلیور
دیون بئله که تا هامی غریب ئولوب امامیمیز
عزا دوتوبدولار خلایق
شهید اولوب امام صادق


دورت مین آرا حبیبیمیز غریبیدور مدینه ده
نیسگیلی واردی آقامون چوخلی بوغملی سینه ده
یتوردی ماتمی اونون ماتم و دردی سرحده
مسموم اولوبدی ظلملن عمری سولوب امامیمیز
عزا دوتوبدولار خلایق
شهید اولوب امام صادق


گوردی آقا که درگهین اوتّا قالوب یانایانا
اوت گتوروبدی لانه سین شعله چکوبدی هریانا
ناله ایدوب سمالره قربان اولوم سنه آنا
آناسی فاطمه کیمی نلر چکوب امامیمیز
عزا دوتوبدولار خلایق
شهید اولوب امام صادق


نه مهلتی وروبدیلر نماز آخرین قیلا
نه قویدیلار بالالارین بیرده قوجاقینه آلا
چکدیله درگهینده تا،که مادرین یاده سالا
چراغ عمری جوردن داها سونوب امامیمیز
عزا دوتوبدولار خلایق
شهید اولوب امام صادق


عمامه سیز چکوبدیلر امامی صحن کوچیه
الینده یوخ عصاسی پس بو گوجا سیدین نیه؟
فاطمه نون بالاسیدی، اولمادی بیر نفر دیه!
زهر و ستم پرپر ائدیب شهید اولوب امامیمیز
عزا دوتوبدولار خلایق
شهید اولوب امام صادق


گلدی دیله دیدی منیم، قلبیمی سیندیریبدیلار
قمچی ویراویرا منه دیل یاراسی ویریبدیلار
سنون آنا آدوویله قلبیمی یاندیربدیلار
گنه مدینه تک آنا سینیب بیزیم تفاقیمیز
عزا دوتوبدولار خلایق
شهید اولوب امام صادق
اثر طبع اکبر پورآقا

بیشتر بخوانید::

۷ شعر ترکی از احوالات شب شهادت امام جعفر صادق (ع)

متن نوحه ترکی به مناسبت شهادت امام جعفر صادق (ع)

دانلود نوحه و روضه ترکی به مناسبت شهادت امام جعفر صادق (ع)


شعر ترکی در وصف شهادت امام جعفر صادق از مرحوم حسینی (سعدی زمان)

حسین ذکرینه گوگلوم اگرچه شایقدور
ولی بو یرده خیالیم امام صادقدور
بلا بو رسمیدی اهل ولادن آیریلماز
اودور امام همیشه بلادن آیریلماز
دیوب بلایه بَلی یکسر عترت یاسین
خدا کلامیدی چون سینی یادن آیریلماز
بلا و محنت اسیری امام صادقه باخ
دوزر بلایه غم و ابتلادن آیریلماز
ایدوب او سروری خانه نشین بنی عبّاس
تقیّه محنتی اول مقتدادن آیریلماز
قویِیدیلر قالا آسوده کاش خانه نشین
گوروردولر که نماز و دعادن آیریلماز
جفا و جوریده منصور قویمادی نقصان
جهاندا رسمیدی ظالم جفادن آیریلماز
ایدوبدی صادق آل محمّدی مسموم
هوای مُلکی اولان بد هوادن آیریلماز
امام او زهریله اوز جدّینه اولوب ملحق
وصیّ ختم رسل مصطفادن آیریلماز
وصیّت ایتمیشیدی اوغلی ایتدی غسل و کفن
عمل وصیّته اول پیشوادن آیریلماز
جوار حضرت باقرده دفن ایدوب آتاسین
بالا محبّتینه باخ آتادن آیریلماز
بقیعیدن قلمیم کربلا اییی آلوری
بو قان اولان اورگیم کربلادن آیریلماز
اولوم حسینون او شش گوشه قبرینه قربان
حسین ده اکبر گُلگون قبادن آیریلماز
بیله گمان ایدورم ایمدیده یارالی باشین
آلوب دیز اوستونه اول مه لقادن آیریلماز
یارا چتیندی اگر اولسا گوز قاباقینده
بو غم او خامس آل عبادن آیریلماز
باخاندا ایمدیده سسلر جوان اوغول ایوای
حسین ''حسینی''بو آه و نوادن آیریلماز

اثر مرحوم حسینی (سعدی زمان)


شعر ترکی به مناسبت شهادت امام جعفر صادق

دیولّه بیزلره عالمده جعفری مذهب
عیاندی مسئله، روشندی گون کیمی مطلب
امام جعفر صادقدی رکن دین مبین
اودور مروّج احکام و مذهب و آئین
آتاسی حضرت باقردی حجّت باری
آناسی بنت محمّددور، امّ فروه یقین
یازولّا هجرتین هشتاد اوچومجی سالینده
قدم بو عالم امکانه قویدی بو شه دین
ربیعُ الاوّلین اون یِدّیسی دوشنبه گونی
بو شاه دینه ولادت گونی اولوب تعیین
وجودی صفحه ی غَبرایه اولدی زینت بخش
تفاخر ایلدی عرش خدایه سطح زمین
ازل موسّس قانون شرع مصطفوی
بونی یازولّا تواریخیده معارف بین
همین که سنّ شریفی اوتوز بیره یتدی
آتاسی اُلدی، غم و ابتلایه اولدی قرین
بنی امیّه او وقته کیمی مسلّطیدی
ائمّة تحت فشار عدوده زار و حزین
ائمّه قورخودان احکام دین دیَنموردی
فشاره سالموشیدی هر امامی بیر بی دین
بونون زمانی خروج ایلدی بنی عبّاس
بنی امیّه ایله باشلادی عداوت و کین
بیری بیریله اولار جنگه اولدولار مشغول
بو، خلقه ایلدی احکام مذهبی تلقین
اودور سبب که شیاع ایتدی جعفری مذهب
شریعه نبوی روشن اولدی چون پروین
بنی امیّه نی محو ایلدی بنی عبّاس
یتوب خلافته منصور شوم و کینه گُزین
دوشوب بو فکره او کافر امامی اُلدورسون
بهشت عدنیده ایتسون پیمبری غمگین
دیدی امور سیاستده پیشرفت اولماز
امام صادق اگر ایتمسه منه تمکین
امام ده گِچینوردی تقیّه حالینده
ز بس رئوفیدی ایتمزدی دشمنی نفرین
دوانقی ولی اَل چَکمدی او سروردن
امامه ایتدی او بی شرم گونده بیر توهین
چاقوردی بیر گئجه خلوتده محرم رازین
دیدی اگرچه اولوبدور امام خانه نشین
ولی وجودی منه مانع ریاست دور
او اولماسا اولور عالم اَلیمده نقش نگین
گئجیله فوراً اونی ایله مجلسه احضار
شهید ایدوم تاپا بلکه بو خاطریم تسکین
ولی نه حالیله گورسن او حالتیاه گَتور
حقارتیله یتور مجلسه ملول و غمین
گَلوب نه گوردی نماز اوسته راکع و ساجد
امام تَکدی، یاتوب سر به سر بنات و بنین
قویوبدی سجدیه باش، دل آچوب مناجاته
ایدور دعا، گَلوری غیبیدن صدا آمین
ایله سیزیلدیری تاثیر ایدور جماداته
اولور عیان در و دیواریدن صدای اَنین
عمامه یوخ، باشینا باغلیوبدی بیر دسمال
گِیوبدی اَگنینه اول شاه بیر لباس خَشین
ایدوبدی منزلینی رشکِ وادی طور
دوشوب کلیم کیمی شاه یوم باز پسین
حضور یاریده گوزدن آتوبدی اغیاری
ایدور خدائیله راز و نیاز امام مبین
تحمّل ایتدی نمازین امام قورتاردی
و لیک قویمادی ایتسون عوض لباس لرین
اَیاق یالین باش آچوق گَتدی حجّتُ اللهی
یتیشدی مجلس منصوره شاه عرش مکین
گیرنده مجلسه ویردی سلام منصوره
یره توکولمدی علّت ندور سپهر برین
قوجا امام اَیاق اوستونده قالدی بیر ساعت
و لیک ایلمدی اعتنا او شوم و لعین
بیر آز گیچوب باشینی قوزادی تکبّریله
اولیدی لال گوروم، آچدی ناسزایه دلین
امام صادقه شرم ایتمیوب دیوب کاذب
ایدوب بو لفظیله قلب عوالمی تحزین
خیال سلطنته دوشموسن دیدی گورورم
دوزَلدوسن اوزیوه دور و برده یار و معین
بویوردی حضرت صادق منه دیمه کاذب
لقب ویروب منه صادق بابام رسول امین
جوان لیقیمدا ریاست خیالی ایتمَمیشم
قوجا لیقیمدا دوشم بیله بیر خیاله چَتین
دوانقی ایشیدوب بو سوزی غضبلندی
آپاردی غبضه ی شمشیر خون فشانه اَلین
غلافیدن قلجین بیر وجب ایدوب خارج
دوباره قویدی غلافه او مرتد بی دین
ایکیمجی دفعه ایدوب بیر ذِراع بویی خارج
امام قتلینه آرتوردی دلده کی هوسین
اوچومجی دفعه ایدوب تیغی غیظیله عریان
ایدوب او حالیده خاموش آتشِ غضبین
محبّتیله چاقوردی یانیندا یِر ویردی
محبّته عوض اولدی عداوت دیرین
امامه غالیه ی خاصّینی تعارف ایدوب
ایدوب او غالیه ایله محاسینین تزئین
چوخ عزّتیله یولا سالدی حجّتُ اللهی
ربیع سرّینی ایتدی سوال ماوقعین
جواب ویردی خلیفه سنه بیان ایدرم
و لیک بیر کسه بُلدورمه بو ایشین سببین
همین که ایتدیم اراده امام قتلینی من
اَیاق یالین باش آچوق گَلدی حضرت یاسین
بویوردی ایتمه اذیّت، بالامی اینجیتمه
هلاک ایلرم اولسان امام عصره ظنین
گَلِیدی کاش پیمبر یزید مجلسینه
امام قتلینه فرمان ویرن زمان او لعین
دییدی سیّد سجّادی ظالم اینجیتمه
اسیرلیق غمی بسدور، زیاده ایتمه غمین
قولونی باغلاموسان بسدی، جسمی ناخوشدی
بو غُلّ جامه مجروح ایلیوب بدنین
بو بیر بیوک، اوشاق، عورت، تیکوب بو ناخوشه گوز
اَلیندن آلما بو بی کس لرین اماندی کسین
ترحّم ایله بو بیچاره هاشمیّه لره
اوجاتما زینب و کلثومین آه و ناله سسین
سنه حسینی بو اشعار خوش نتیجه ویرر
قالار او گون که هامی ایتدوقی عملده رهین

اثر مرحوم حسینی (سعدی زمان)


این مطلب چقدر مفید بود ؟
 

دیدگاه ها

شما هم می توانید نظرات خود را ثبت کنید



کد امنیتی کد جدید
hits

آخرین مطالب دلگرم